شو رايكم في التداوي بالأعشاب ؟ 2024.

(( التداوي بالأعشاب )) هاي الجملة تشوفهينها في اغلب الجرايد بشكل يومي …
بس يختلف من مكان الين مكان .. يعني في ناس غرضهم صدق الافادة .. وغيرهم بس غرضهم المكسب ومب مهم شو اللي يستوي في اللي ياينهم ..

وبالنسبة للأعشاب اللي نسويها في البيت وتحت نظرنا أأمن … أنا بصراحة أؤمن بالتداوي بالأعشاب .. لان الاعشاب اذا نفعت زين .. واذا ما نفعت ما تضر … لان ما فيها كيماويات مثل الأدوية ..

عندي أخت يوم كانت صغيرة .. صابتها حساسية في الصدر وسعال ما يوقف .. وماتم مكان ما ودووها .. تعبت حتى من الأدوية لان دواء السعال وايد يضر اليهال … المهم مره امي كانت سايرة عند سوق الأعشاب وقالت له عنها .. وعطاها دوا تحطه في الماي .. مثل الغرغرة … والحمدلله وايد فادها ..

وبنت عمي صابها كسر في الكتف .. وصعب تجبير هاي المنطقه,, تمت فتره تعبانه … اذا تعرفين (( العنزروت )) ماشاء الله وايد اوكي .. وسوولها اشعة .. ولا كأن كان فيها كسر …

الصراحه أحيانا الأعلام والجرائد يبالغون في عرض المنتج الشعبي خاصة الجرائد واايد يروجون للمنتج خلي الواحد يرووح ويجربه

وانا مع الطب الشعبي والناس هالايام ما شاء الله طايحين عليه وانا اشووف أنه الأغلبيه صحوا وصاروا أوكى

وانا أعرف وحده هي وزوجها يعالجون الناس بالحجامه
ريلها ما شاء الله عالج ناس واايدن المستشفيات ما قدرت تعالجهم لدرجة أنه وزارة الصحه عطته ترخيص
وزوجته عالجت بنت بنت اختي كانت تعاني في ظهرها من ورمه ويطلع منها دم المستشفى قالوا لازم عمليه ويوم الحرمه شافتها قالت ما يحتاي عمليه هذي بس يباله كم جلسه حجامه وبيرووح وما شاء الله سوت لبنت بنت اختي وراح عنها

وأخوي بعد يعني من مرض بجلده ما خله مستشفى في دوله ما راح له بس مافي فايده من كم شهر سمع في احد الاذاعات عن وااحد يعالج بالاعشاب راح له والحين يتعالج عنده والحين اشوفه احسن من قبل
بس العالج بالاعشاب يطول يباله على أقل 6 شهور لما يشفى الشخص

بس مع هذا الواحد لازم ياخذ الحذر لانه مو كل ما داوى بالاعشاب صار فاهم بالاعشاب ويعرف له.

ويعطيج العافيه على الموضوع

صدقت اخويه كله ولا الصحة لكن وين بتحصل الشخص الثقة

يمكن الاغلب يقصدون ان الاعشاب اللي تستخدم للعلاج مالها تأثير سلبي بس بعد أن ما أيد هالنظرية لأن في كتب أعشاب قريتها تلقى الكاتب يقول ان مثلا اللي فيه المرض الفلاني لازم مايستخدم العشبة الفلانية لكن أغلب الناس يغفلون عن هذي الأشياء المهمة اللي ممكن تسبب لهم آثار جانبية مثل الأدوية الطبية وعشان جذي من المهم جدا نسير عند شخص عارف في الاعشاب ودراسنها

نفس الحالة عدنا الكثير من العيادات والمحلات اللي تعالج بالأعشاب بس ماتعرف صدقهم من جذبهم عشام جذه انا ماجذ سرت لهم اكتفي بالكتب

الحلول كان فرض علينا نشربه كل جمعه ونحن صغار عاد من كبرت ودرت أشربه الحمدلله افتكيت منه ،،

صدقت اخويه احيانا يستخدمون أعشاب تحت اسم الطب النبوي وماتكون أصلا من الطب النبوي للتغرير بالناس

بالع** اُريت الموضوع ماشاء الله كفيت ووفيت وشكرا على تفاعلك مع الموضوع

المشاركة الأصلية كتبت بواسطة Nothing2say

desires

(( التداوي بالأعشاب )) هاي الجملة تشوفهينها في اغلب الجرايد بشكل يومي …
بس يختلف من مكان الين مكان .. يعني في ناس غرضهم صدق الافادة .. وغيرهم بس غرضهم الم**ب ومب مهم شو اللي يستوي في اللي ياينهم ..

وبالنسبة للأعشاب اللي نسويها في البيت وتحت نظرنا أأمن … أنا بصراحة أؤمن بالتداوي بالأعشاب .. لان الاعشاب اذا نفعت زين .. واذا ما نفعت ما تضر … لان ما فيها كيماويات مثل الأدوية ..

عندي أخت يوم كانت صغيرة .. صابتها حساسية في الصدر وسعال ما يوقف .. وماتم مكان ما ودووها .. تعبت حتى من الأدوية لان دواء السعال وايد يضر اليهال … المهم مره امي كانت سايرة عند سوق الأعشاب وقالت له عنها .. وعطاها دوا تحطه في الماي .. مثل الغرغرة … والحمدلله وايد فادها ..

وبنت عمي صابها **ر في الكتف .. وصعب تجبير هاي المنطقه,, تمت فتره تعبانه … اذا تعرفين (( العنزروت )) ماشاء الله وايد اوكي .. وسوولها اشعة .. ولا كأن كان فيها **ر …

انا وياج في الأعشاب اللي نسويها ارواحنا في البيت وتحت عيونا بس بعد ترى في أعشاب إلها بعض الآثار الجانبية وفي كتب للأعشاب يقولوج مثلا لاتستخدمين هذا العلاج اذا مثلا عندج المرض الفلاني لانه له تأثير سلبي في هالحاله

الأعشاب فادت وايد ناس في بعض الحالات لكن اكيد بعد مافي غنى عن الطب وخاصه لتشخيص الأمراض لأن الأعشاب ممكن تساعد في علاج بعض الأمراض لكن مابتكون الها فايده بدون تشخيص طبي للحالة المرضية

ومشكورة على المرور والتفاعل

وعليكم السلام والرحمة

ههههه يالله عاد كله ولا دعايات الأعشاب يخلونج موليه تناقزين في مكانج من الحماس بس ماجذ جربت الصراحه موليه ما أثق في هالدعايات

الحجامة ماعليها كلام ،، وتستخدم لعلاج كثير من الأمراض

الأعشاب هذا الشي السلبي فيها ان العلاج يطول والله يشفي اخوج إن شاء الله

صدقتي الغاليه وتسلمين ع المرور والتفاعل

و أذكر من فترة قريت في الجريدة عن الريال اللي توفى بسبب تناول نوع معين من الأعشاب ..
مع إنه هالعشبة تفيد في مرضه .. لكنه كان مريض بعد بشي ثاني و هاي العشبة لها تأثير سيء على هالمرض ..

المشاركة الأصلية كتبت بواسطة سيد الخواتم

أصبحت النظره التجارية والإحتيال فى نفس الوقت هما السبب الرئيسي لفقدان الثقه بالتداوي بالأعشاب الطبيعية لدرجة انهم يمزجون بين المواد الكيميائية والأعشاب بدافع ان الإنسان يحب الطبيعه وكما ترون فى إعلانات الصابون والشابو والكثير من المواد التجميليه والتي فى الغالب تؤثر اكثر مما تفيد وكما ترون إنتشار العيادات ومراكز التداوي بالأعشاب والذي اصبح مرتع للدجاليين والنصابيين كون الغالبية العضمى من الناس لايعلمون ماهي مكوناتها وهذا سبب إنتشار هذه الظاهره, وهذا لايعني ان الأعشاب ليس لها قيمه ولكن كما ذكرت سابقاً لم نعد نثق إلا بالأشياء التي نسمع عنها و التي أستخدمناها من قبل وكان لها مفعول حقيقي.

حيا الله هل اليمن ،،

وتسلم ع المرور والمشاركة