وطبعا نحن في دولتنا " بالخصوص " وفي الخليج " عامة " ..
كل من يعرس يأخذ إجازة شهر من كل شي ..
بس يتفرغ حق الحرمة وشهر " ….. " ..
وفي أول شهر بالخصوص يمتعون المعاريس عمرهم بكل مالديهم ..
فيتنقلون من مطعم إلى أخر ,, ومن مكان إلى مكان ..
ويأكلون بكل ما أتو من قوة وشراهة ..
فمن الفطور المرفه حتى الغداء الفاخر ..
وبعدها السويت بكل أصنافه ..
وطبعا حتى وقت العشاء يتلقطون من هني وهناك ..
و في العشاء يمتلأ البطن حتى ما قبل الانفجار ..
بعد هذا الشهر و تجريب كل أنواع المطاعم ..
يأتي دور المرأة في الطبخ وإعداد ما طاب من الأكال ..
فإما أن تكون الزوجة ماهرة في الأكل ..
وإما أن يكون الزوج كبش تجارب لأطباق الزوجة ..
طبعا ما يهم هذا في موضوعنا ..
الزوج بيكون ملزوم يأكل من أكل المدام وله بينضرب ..
فالزوج يأكل و الأغلبية ما يمارس الرياضة ..
فتبدأ الكرشة بالبروز وتكون أحدى معالم الرجل المتزوج ..
ولكن هنا السؤال هل العرس يؤدي إلى الكرش ؟؟
أم أن الرجل هو سبب بعدم ممارسة الرياضة ؟؟
أم أن الزوجة السبب بأكلها المطعم بكل السعرات الحرارية الكبيرة ؟؟
اترك لكم الإجابة و التحاور ..
ولكن قبل ذلك أترككم مع صورة نادرة للمرعب و نبيل ..
أولا المرعب وكرشته المخيفة ..
*********
وهذا حال نبيل مع الكرشه " مسكين " ..
و طبعا هذا الصحن مقدم من الأخ الخليفة ..
تحيتي لكم 
ياريال لاتخوفنا ترى الموعد قرب مافينا على الكروش
ماعليك انته الحين قاعد اسوي رجيم قاسي وبتروح ان شاء الله الكرشة وعقب العرس ان شاء الله بحاول امسك نفسي
ولكن يمكن انه الراحة النفسية سبب لظهور الكرشة <<< انفع اكون دكتور
يله تسلم على العيش واللحم يابوحسن ودعواتك لي
أخوك محمد
معاك اخوي حتى انا لاحظت هالشي الريايل يكرشون عقب العرس شو السبب ما ادري
يمكن الاسئله اللي طرحتها هي نفسها الاسباب
يوم اخوي عرس مسكين كرش واي شي يسوي رياضه ويخفف مافي فايده خخخخ
والمشكله اذا كان واحد قصير ومكرش عاااد هني الطامه الكبر ى خخخ
كله و لا الواحد يكرش
واااااع
ياخي البعض معرسين و لا مب معرسين الكرشة سابقتنهم ..
أصلا المفروض الواحد يحافظ على جسمه و لياقته سواء قبل و لا بعد العرس
وجان زين لو وقفت على الكرشه بس
الا عمالقه ربي يحفظهم ويخليهم لنا ،،
بس الحمدلله الرياضيه مداومين عليها يومياً ركض ساعه ،،
بس اخوييه من فتره معرس انتفخ بشكل فضيع
وكلنا استغربنا ،، وانا على طول ركض عند حرمته
قلتلها يا حرمه ولدنا قلبه تعبان ما فينا على الكروسترول
قالت والله ما ياكل مسكين <<< ما ياكل وجي انتفخ!!!!
الظاهر مثل ما قال الخليفه من الراحه :/
اممممممم،، أنا مكرش من الحين،، كيف عقب الزواج،،،
بليييييييييييز عطوني وصفه،، أبى أفتك منها،، أقصد (الكرشه) لا يروووح بالكم بعيد،،
حسب اللي درسناه
اونه الانسان لازم ياكل في حدود 1500 الى 2000 سعره حراريه في اليوم واذا الواحد كل 1500 سعره حراريه زياده عن 1500 او 2000 راح تتحول هذي السعرات الحرارية إلى دهون وبتتركز في منطقة البطن و………<< مافي داعي اذكر المكان اللبيب بالاشارة يفهم
هذا اللي اعرفه عن الكرشة
وتسلم ع الموضوع
الله يمد في عمري عسب أشوفك بالبشت يالغالي ..
ويمكن كلامك صح – الراحة النفسية – سبب في الإنتفاخ ..
وتم على رجيم عسب تروم تلبس حق شهر " العسل " ..
وبعد العرس لاتم طايح على الشبرية قم وتحرك يمين ويسار ..
الله يوفقك أخوي العزيز ..
صدى الأحزان
مشكورة على المشاركة في الموضوع ..
منوا يسلم من أكل الحريم المتروس بالسعرات الحرارية العالية 
..
المشكله إذا الزوجة انتفخت شو يرجعها ضعيفة ..
عيون الحب
الله يعطيج العافية على المشاركة ..
بس المشكلة الواحد وين يحصل وقت عسب يهتم في جسمه ..
تحيتي لكم
تسلمين على المرور في الموضوع ..
و الرياضة مهمة جدا لو 3 أيام في الإسبوع على الأقل ..
الله يعين اخوج ويرده مثل أول ..
و الله يريح كل الأزواج مع زوجاتهم ..
أبو العنود
حاسب عمرك وراجع حساباتك ..
محد يقبل واحد مكرش هذي الأيام ..
عليك بالصالات الرياضية و الإمتناع عن كل المأكولات ..
desires
شكرا على المشاركة في الموضوع ..
و تسلمين على هذي المعلومات ..
و الله يوفقج في الدراسة وتصبحين دكتوره ..
المشكلة كل شي ناكله فيه سعرات حرارية عالية ..
ظل القمر
تسلمين على المرور ..
اللهم آمين ..
تحيتي لكم
واشوف السبب عدم ممارسة الرياضة ….
الله يكون بعون المعرسييييييييين
شحالك الغالي وشو العلوم ؟؟؟؟ 
اللي فهمته من رمستك انك مكرش ( الله يعينك على الكرشه ) 
اعتقد ان الرياضة مهمه سواء معرس او لا….والمهم المحافظة عليها ومع الرياضة والاكل المعتدل الجسم بيكون عال العال 
المرعب والاجر على الله