في السنة الأولى
الساعة 6:30 صباحا :
تودع زوجها وهو طالع للعمل وتقول له ( بتوحشني (
الساعة 11 صباحا :
تتصل عليه في العمل وتقول له ( حبيت أ سمع صوتك بس )
الساعة 3 العصر :
تستقبله وهو متشيكه وتقول له(الغداء جاهز ..تحب أحطه لك الحين ؟ )
الساعة 5 العصر :
تصحيه من النوم وتقول له ( اعمل لك شاي يا عزيزي ؟ )
الساعة 6 المغرب :
تسبل عيونها وتقول بكل خجل ( يا ريت يا عزيزي .. يعني لو ما عليك كلافه .. يعني إذا تقدر تود يني شوي لبيت أهلي إذا كنت تقدر يا عمري ) وقبل ما ينطق بكلمه ( إذا ما تقدر خلاص مو لازم ) وطبعا يضيع هو في نظره من عيونها ويوديها لأهلها ولو انهم ساكنين في السويدي وهو ساكن في العليا.
الساعة 8 بالليل :
تتصل على الجوال وتقول ( ا شتقت لك .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب ( أ سف والله يا شباب رأسي مصدع ولازم أمشي )
الساعة 10 بالليل :
تجلس وتقول ( الله تتذكر ؟ تتذكر أيام الخطوبة لما كنت تعمل المستحيل عشان تشوفني ..وأنا يا ما كذبت على أبوي وقلت له أني طالعه مع أمي وأنا أصلا متفقه مع أمي عشان اطلع معك )
الساعة 11 بالليل :
الوصول إلى هذه الصفحة غير مسموح ……….الخ
بعد مرور عشر سنوات
الساعة 6:30 صباحا :
هي في سابع نومه
الساعة 11 صباحا :
هي برضه في سابع نومه
الساعة 3 العصر :
تستقبله وهي نافخه خشتها وتقول ( شف لي حل مع ولدك "علي" ..حتى الآن ما حل الواجب .. و"سوير" الله يأخذ عمرها أنشاء الله شاقه مريولها في المدرسه …عطني فلوس لازم اروح اشتري لها واحد غيره … و"صويلح" يبي علبة هندسه توأنه يقول لي يوم ان الاختبار صار بكره … وترى "موضي" تكنفست مع الدرج وهي كانت في المشايه … والظاهر انهاتعورت …كله من هالشغاله الله يا خذها ….اسمع يا انا يا لشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ماتقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و
الساعة 5 العصر :
هي تفك هوشه بين" سوير" و"أخوها" ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم ( جعلكم للطاعون …جعلكم الحمى …جعلكم الوادي المتصدع …جعلكم الحمى القلاعية …والإيدز ..الخ )
الساعة 6 المغرب :
هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم أبوي ..وبعدين نبي نروح نشتري للبنت مريول ..وبعدين بنت عمي والده ولازم روح اشتري لها هديه من باتشي و أبي أمر على المشغل ..وبعدين حطنا عند أختي في الشفاء من زمان ما شفناهم ………….. وفي هاللحظه فكر هو انه يشتغل ليموزين احسن له
الساعة 8 بالليل :
تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ الساعة 11 .لا ما فيه الساعة 11 تعال الساعة 10 )
الساعة 10 بالليل :
جالسين هي وياه عند التلفزيون ..أخيرا هدوء ..والعيال نايمين ..والجو جميل ..وفجأة تطالعه وهي مادة بوزها وتقول ( الحين أمك وش عندها اليوم ما ترد يوم أني سلمت عليها ؟ هاه ؟ ) ( والله ما ادري كان سائلتيها ) ( وأختك وش هالحركات الي مالها سنع …ليش عازمة الجيران وكل حريم إخوانك إلا أنا ؟؟؟ لكن هين والله لاسوي عزيمة وما أناديها …أصلا هي ما زارتني في المستشفى يوم أني ولدت وأنا فاهمة قصدها ..لكن هين ..والله لو تحب السماء ما نيب زايرتها إذا ولدت ……وبعدين بنات عمك وش عندهم نافخين عمرهم ؟؟ على ايش آبي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين أختك نوره يوم أنها تقول أن "علي" ولدي يشبهني ما يشبه أبوه وش قصدها هاه )ملاحظة : "علي" هو أشين إخوانه) ( أنا فاهمة قصدها وتراها إذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين أخوك شاري لحرمته ساعة قيمتها عشرين آلف ريال ) يرد ( طيب وش المشكلة ؟ ) ( وأنا ليش ما تشتري لي ..وإلا أنا ما أستا هل ..ولو هي يعني احسن مني … بلاك ما شفتها ..شينه وطبا يعها شينه وحتى طبخ ما تعرف تطبخ ) ( خلاص اشتري لك ساعة ) تعصب وتقول ( آيه تسكتني بهالكلام ….والله لانت شاري ولا شي ) ( وش تبيني أقول يا بنت الحلال ؟ ) تقوم وهي تبكي ( خلاص ما أبي منك شي )
الساعة 11 بالليل :
هي زعلانه ونايمه مع العيال وهو **** اليوم إلى تزوج فيه
:p 😉
كله المرأة المرأة
ليش ما تنقدون نفسكم اول وتشوفو أخطاءكم وبعدين تكتبون عن المرأة
والله
ما صارت
شو بس المرأة ديكوريشن في البيت تهئ كل سبل الراحة لسي السيد وهو
وين دوره ليش بعد ما ي**ر شموخة وغرورة ويتحامل على نفسة وتطلع الكلمة الحلوة من حلجه
والله الكلمة الطيبة صدقة يا جماعة
ومثل ما تريد يعاملونك أهلك عاملهم
ذكرتني بجارتنا الفقيرة
رحت لها أمس وإلا شويه وبتصيح
ها ليش
شكو ماكو
قالت أبد كنت قاعدة أشرب قهوة وإلا دخل سي السيد وليش ما وقفت علشان أحييه وأرحب فيه
خلاني ما أسوى جدام العيال
عالم ما تختشيش
السموحة يا جماعة فيض من غيض
اعطيك مثال انا شخصيا متزوج من ثلاث سنين زوجتي تعاملها وياي ماتغير نفسه والحمدلله
لـــماذا تــــلوميني على تـــقصيري تجـــاهك… إســــألي نفـــــسك أولاً ما الســـبب.. فجـــزء كبيــــر منه أنـــــتي المســـــئولـــة عنـــه…
يعني المفروض تنقدين الموضوع المكتوب مو تنقدين اي شخص يتكلم عن المرآة أو يحاول يمسها باي كلمه , ولو لم نتكلم عن المرآة فكيف للمرآة انت تعرف انها مخطئه أو مصيبه فيجب التذكير وقال الرسول صلى الله عليه وسلم ( فذكر فأن الذكرى تنفع المؤمنين ) صدق رسول الله .
فيا أختي العزيزه اذا انتي فاهمه وملمه بجميع الموضيع فالناس كلم ليسوا مثلكي فالعباقره أمثالكي نادرون في هذا الزمان .#G#
والله ما قصدت أنتقدك
بالع** هالموضوع بالذات أثير كم مرة في المنتدى لذلك أحسست بأنه أخذ أكبر من حجمة يعني . .وطبعا لأنك جديد على المنتدى وما قريت المواضيع السابقة
وإ لا كتاباتك على عيني وراسي
ولا تزعل خلنا اخوان
وتسلم
أعتذر لك عما بدر مني وأرجو منك السموحة
يا أخي هذه آية كريمة وليست حديثا .. و قد كتبتها خطأ :
( و ذكر فإن الذكرى تنفع المؤمنين )
تشكرات
وأرجوا أن ارى تعليقاتك دائماً على موضوعاتي لانني اعتز برئيك كثيراً وشكراً لكي مرة أخرى.:D