أنا الصراحه وايد محتاره من ها البنيه شو سالفتها بقولكم السالفه وقولولي شو هاي الحاله..
عندنا بنيه في الكلية يعني شو أقولكم هاديه هدوووء غير طبيعي يعني، أنا دووووم أقول هاي شو بلاها دووووووووم بروحها، حتى يوم تاكل بروحها ويوم تقعد بروحها مره دشينا الكلاس جان تطلع وتروح كلاس قعدت بروحها أقول شو هاي الإنسانه الغامضه يعني غموض غير طبيعي،
ومرة من المرات دشينا المكتبه عسب نييب فايلات وجان أجوفها قاعده في المكتبه سرحانه فـ الطاوله شو تطالع فيها ماعرف جان تميت أطالع الطاوله وياها أقول شو تطالع فيها خخخ
بس صج أحترت كل يوووووووووم أجوفها أقول شو سالفتها …
طبعا بعض البنات هاديات شراتي 
بس مب شرات هاذي هاديه هدوووووووووووء ياربي يوم أجوفها أقول خاطري أسألها بس ماقدر أخاف تسويلي أكبر طاف .. ^^ . بس شكلها طيبه ياخي أبا أعرف .. شو السالفه ..
حد يعطيني دوا لها الحاله ..
سويلها حركات هبله تضحك
وبعدين بتشوفينها بتتاقلم وياج
ويمكن تصير ربيعتج
يمكن ما عندها ربيعات عسب جي دوم روحها
اذا شفتيها رمسيها عادي وقولي لها عادي أيلس وياج "ما بتاكلج"
ولا تنسين عاد خبرينا بآخر التطورات ~_~
بس اقول دامج تقولين انها هاديه ترا تنفعون تكونون ربع 
المشاركة الأصلية كتبت بواسطة الجويس سويلها حركات هبله تضحك
وبعدين بتشوفينها بتتاقلم وياج
ويمكن تصير ربيعتج
تعودتي تسوين جي في مثل هالحالاات ؟؟؟؟ 
الصراحه غريب أمرج مرات ردودج احس جي تكتبينها 
وأحيانا احس ردودج ما تركب عليج 
السموحه اسولف عن الباند ههههههههه 
المشاركة الأصلية كتبت بواسطة الصقر الإماراتي
وتسلم يا الصقر على المرور والرائع ودمت بود .
وهذه حالة غير طبيعية فيها
ويمكن تكون ما معوده على الاحتكاك الزايد بالناس
وكل شي جايز
بس مسكينه من كلامج حسيت انها طيبه
وتستاهل حد يصادقها
المشاركة الأصلية كتبت بواسطة الجويس سويلها حركات هبله تضحك
وبعدين بتشوفينها بتتاقلم وياج
ويمكن تصير ربيعتج
خخخخ حركات هبله بتقول شبلا ها هاي بعدين بتتحراني أطنز عليها ^_^
ومشكووووووووووووره يا الجويس على المرور الأروع ودمتي بود ^_^
المشاركة الأصلية كتبت بواسطة الشبابيه يمكن ما عندها ربيعات عسب جي دوم روحها
اذا شفتيها رمسيها عادي وقولي لها عادي أيلس وياج "ما بتاكلج"
ولا تنسين عاد خبرينا بآخر التطورات ~_~
يلا إن شاء الله بجوف شو الحل
ومشكووره يا الشبابيه على المرور الراااائع ودمتي بود..
المشاركة الأصلية كتبت بواسطة حلم الزمن بس اقول دامج تقولين انها هاديه ترا تنفعون تكونون ربع
وتسلمين يا حلم الزمن إنتي عاد مايحتاي لوح ههههههه أسولف
ومشكوره على المرور الأروع ودمتي بود .. ^_^ كل يوم زورينا ..^_^
المشاركة الأصلية كتبت بواسطة حمدان بوظبي
الصراحه غريب أمرج مرات ردودج احس جي تكتبينها
وأحيانا احس ردودج ما تركب عليج
السموحه اسولف عن الباند ههههههههه
لاانا مااسوي حركات هبله وايد >>>>>هايعتمد على الشخص بعضهم نعطيهم الهبل بالدرزن
وبعضهم حركة هبالة عالخفيف
بالنسبةللردود تكون على حسب الموضوع خيو حمدان بوظبي
وكيف ماتركب الردود؟وشو الغريب في الامر
وشو يخص الباند بردك