يا أنــــا يا المدير 2024.

موضوعي شكوى ،،،،،،،،،،، والمطلووووب حل سرررررررررررررريع

مشكلتي إني توني متعين في " ؟؟؟؟؟؟؟؟؟؟ " وأنا عندي الشهاده الجامعيه بمعدل جيد جدا + الدورات وشهادات الكمبيوتر والمشاركه في بعض الفعاليات ،،، كل هذي الأشياء عندي ومسؤولي ماعنده غير شهادة الثانويه العامه ،،، الحين المشكله مب هني برايه أنا مايهمني المهم إني إشتغلت ،،، بس المشكله تعرفون وين ؟؟؟؟ المشكله إنه يتأمر علي وجني أشتغل عنده ،، وأي شيء أسويه لازم يكون عنده علم فيه قبل وهني أنا ما أخالف في هالشيء إذا كان الموضوع يخص الشغل بس المشكله يدخل في مواضيع تخصني مثال : يوم سرت أسوي ورقه عشان بطاقه العمل ( البطاقه إللي تثبت إني أشغتل في " ؟؟؟ " ) قالي ليش ماخبرتني ،،، الحين هني شوو تبوني أسويبه أذبحه ،، والله مب بس أنا إللي أشتكي منه حتى الموظفين + المراجعين ،، في وقت الزحمه يصارخ على المراجعين ومرات والله العظيم لدرجه إنه يطردهم ،، وأنا من حقي إني أتعلم الشغل والمشكله القسم إللي أنا فيه محد غيري موظف أنا وهالمسؤول حاليا ،، والله إللي كانوا يشتغلون في هالقسم كلهم فنشوا بسبته ،،، عاااد أنا ماحب هالأسلوووووب بالمره لدرجه إني مرات قمت أرد عليه ،، وهو مرات يحاول يعق علي تهم بس الحمد لله يوم إني مب مسوي شيء مايقدر لأني ماسويت شيء غلط ،،، ويوم أنا أزخ عليه أغلاط يقول أنا إللي يتحمل المسؤوليه ،،، الحين شوو تبوني أسويله ؟؟
لا تقولون أشتكي عليه عند المسؤول الأكبر ،،،،،، أول شيء أنا موظف يديد وماريدهم يقولون هذا من أولها يشتكي ،، وبعدين هو عنده خبره في هالمجال لأنه مكان حساس ،، بالعربي مايقدرون يستغنون عنه ،، والله العظيم رئيس قسم قالي يا فيصل شد حيلك وتعلم بسرعه لأنه مسؤولك شكلهم بيشلون وبيحطونك مكانه عشان جيه لازم تتعلم بسرعه وتثبت جدارتك ،، وهني مشكله بعد ،،، هو مايعلمني الشغل ذاك الزود خاااايف على كرسيه وكل ما أقووله يا فلان كيف نسوي كذا يقولي اصبر لا تستعيل إنت موظف يديد وجدامك درب طويل ،، والله هذا رفعلي الضغط
والله العظيم حتى مدير الإداراه كم مره قالي شوو فلان وياك لا يكون معذبنك ،، أقوووله لا لحمد لله مرتاح ،،، ومره مسؤوله في نفس إدارتنا قالت حق مسؤولي وجدامي يا فلان هالله هالله بالريال ولا تضغط عليه وشوي شوي عليه مب طفشه من أول يوم ،،،، يعني حتى المسؤولين عارفين هالشيء ،، وأبوي مدير إداره في نفس المكان إللي أشتغل فيه بس طبعا في إداره ثانيه وأخاف أخبره بالموضوع ويعصب ويسير يسوي سالفه وأنا ماريد نفس ما خبرتكم من أولها أكون طرف في مشكله ،،، وبعدين شوو بيقولون الموظفين عني شوو نحن يالسين في مدرسه عشان ي**ر أبوووه ،،، والحين والله قبل لا أكتب الموضوع كنت عنده ومتضارب وياه والحين والله بولابس مطنشنه ويوم يدخل المكتب عشان يشل أوراق والله حتى ما أطالع فيه ……. شكلي بفنش وبرد على المعاناه إللي عشتها يوم كنت أدور على وظيفة.