فى موضوعى الاول كتبت عن الشباب والشياب واليوم راح اكتب عن البنات والنساء المتزوجات .
بداية الموضوع :
بابو جيب واحد شيشه سلوم (بعض بنات اليوم )
ازيك ياحمدى عطنى واحد معسل تفاح (بعد بعض بنات اليوم )
مصطفى وين الشيشه الى الحين مايات دوخت لى براسى شو هاالتأخير (بعض نساء اليوم )
خلود وامانى وعزة دخلوا احد المقاهى قعدو عند بعض طلبو الجرسون اثنين شيشه معسل تفاح وواحد سلوم والشباب ماقادرين يشيلون عيونهم عنهم لانهم ماتعودا انهم يشوفون بنت البلاد وهى تضع الشيشه فى فمها
شوفو وين وصل حالنا اليوم .
ندخل فى صلب الموضوع :
لقد انتشرت فى الاونه الاخيرة المقاهى بشكل كبير فى انحاء الدوله وبعد ان كنا نرا الرجال يدخنون الشيشه تغير الحال ونحن نرا النساء الاجانب وبعض نساء الجاليات العربيه الموجوده عندنا فى الدوله وهم يدخنون الشيشه بين الرجال يعنى مقهى مختلط ودارت الايام وانتشرت المقاهى فى كل مكان وانتقلت الشيشه الى افواه بعض من بناتنا ونساءنا فبعد ان كان المحل له مكان واحد للرجال اليوم اصبح يضم مكانين رجال ونساء وللاسف معظم هؤلاء البنات والنساء هم من الجنسيه الاماراتيه والخليجيه انظروا الى اين وصلت الامور من المسؤول عن هذه البنت عندما تخرج بدون مراقبه ومن المسؤوول عن هذه السيده المتزوجه وربة البيت وهم يذهبون الى هذه المقاهى لكى يدخنون الشيشه .
بالامس وانا اتمشى فى احد الشوارع شفت منظر عند شارع احد المقاهى بنت يالسه فى السياره فاتحه باب السيارة وقاعده تشيش ولا هامنها اى شى .
المهم ماابغى اطول عليكم وماابغى ازعل احد من البنات عن يقولون احط عليهم بس سؤال اخير عندى وهو :
ماهى الطريقه التىنريد منها ان نبعد بنات ونساء الوطن عن هذا المرض الذى اخذ ينتشر بشكل سريع وسلامتكم .
اعتقد بان هؤلان النسوة اغلبيتهم مب من اصل لبلاد ولا تربوا على تقاليدنا وعاداتنا
لحد الحين ما شفت شي من اللي قلت عنه
و ما اتمنى اني اشوف اي وحدة فهالحالة …
خصوصاً اني اختنق من هذي الروايح و جبدي تلوع منها …
الله يهدي شب***ا و بناتنا … آمين
بالنسبة لسبب المشكلة … اقول التقليد الأعمى و التربية الغلط و الفهم الغلط لمفهوم الحري و التحرر …
اخويه اطفائي … يزاك الله خير على طرح الموضوع …
لا ياخوك هذيلا الحين صاروا اغلبيتم من البلاد ودول الخليج
Melody
بالنسبة لسبب المشكلة … اقول التقليد الأعمى و التربية الغلط و الفهم الغلط لمفهوم الحري و التحرر …
معاج حق فى اللى قلتيه
لحد الحين ما شفت شي من اللي قلت عنه
لو عندج اخو ولا ولد عم ولا ولد خال اسأليه عن المقاهى وبلاويها وشوفى راح يجاوبج
مشكورين على المشاركه فى الموضوع
تفسير الأشياء على حسب هوى الإنسان نفسه
مفهوم الحرية 00 الإنسان حر 00 كيفي 00 اسوى اللي ابيه 00 واللي مب عاجبه اللي اسويه 00 يدق براسه على الطوفه 000 عالم متخلف 00 يريدونا نظل مسجونين بغير ذنب 00 غير اننا بنات 00
وما يحلو وما يحل للشباب 00 يحرم على البنات 00 ( هذي أقوال كثير من البنات )
مفهوم الإنفتاح 00 صار كل واحد يمارس اللي يبيه بدون قيد او شرط
مفهوم التحضر 00 صار تخلف
حسبي الله ونعم الوكيل 00
على الحرية بمفهومها الخاطيء
وعلى الإنفتاح بمفهومه العصري
وعلى مجاراة الأحداث والموضه في العالم 00 بكل السلوكيات المشينه والمتخلفه التي يمارسها ***اءنا قبل بناتنا 000
كلامك فى محله ياالطيب وماقلت حاجه غلط تحياتى لك إذا كان هذا صحيح , فأتمنى أن يصدر قرار مماثل في باقي أنحاء الدولة. خطوة أولى فقط.
الشيء المهم , بأن 90% من الشعب العربي لا يعرف بأن الشيشة (الأرجيلة) خطورتها توازي خطورة علبة سيجارة كاملة !! ترى هل سيقفن النساء عن تدخين هذه السموم إذا عرفوا الحقيقة ؟ أم سيتجهن إلى تدخين السجار على أية حال !
صدقت والله اتمنى ان يتنفذ هذا القانون فى جميع انحاء الدوله للحفاظ على امهات المستقبل
والله العالم اذا بنات البلاد ولا لا "بس عادي أتوقع"
أذكر يوم كنت في الاعداديه وحده بنت ناس وعرب الله يستر عليها كانت ادوخ سيجاره جدامنا والله..
يعني عادي ما بنصدم لو ألحينه شفت شي من هالقبيل
الله يهدي الجميع ويستر عليهم
الله يعين هاالبنات
يمكن لانك شاب تعرف هالامور وشايفنها,بس توصل لدرجة ان المواطنات يشربون الشيشة لاوالعدد وايد بعد
فهالصراحة شي يحير؟؟!!!!
انا سمعت ان في حريم يتعاطون الشيشة وغيره بس سمعنا انهم وافدات يلبسون الزي الاماراتي,ويمكن
في بعد مواطنات مثل ماتقول بس كلامك يدل على ان العدد بازدياد؟؟!!!
ليش وين اهلهم؟!!يعني معقولة مايدرون فيهن؟!!
انا اقول ان صح في مواطنات يشربون قدو بس مايتعدون نسبة اثنين بالمية والباقيات دخيلات عالمجتمع
المشاركة الأصلية كتبت بواسطة الجويس
يمكن لانك شاب تعرف هالامور وشايفنها,بس توصل لدرجة ان المواطنات يشربون الشيشة لاوالعدد وايد بعد
فهالصراحة شي يحير؟؟!!!!
انا سمعت ان في حريم يتعاطون الشيشة وغيره بس سمعنا انهم وافدات يلبسون الزي الاماراتي,ويمكن
في بعد مواطنات مثل ماتقول بس كلامك يدل على ان العدد بازدياد؟؟!!!
ليش وين اهلهم؟!!يعني معقولة مايدرون فيهن؟!!
انا اقول ان صح في مواطنات يشربون قدو بس مايتعدون نسبة اثنين بالمية والباقيات دخيلات عالمجتمع
مرحبا اخوى الجويس
طال عمرك انا اييب المواضيع والله العظيم من اللى قاعد اشوفه جدامى فى بلادى وانا قررت انى انزل مواضيع عن المشاكل الوجوده عندنا احسن من انى انقل مواضيع بدون فايد هذا شى والشى الثانى بدل انىاتكلم عن البلدان الاخرى فيها كذا وكذا والعيب موجود عدنا وساكتين عنه .
بخصوص الموضوع سير المقاهى الراهيه وبتشوف العجب من بنات البلاد شو قاعدين يسوون
وتسلم الغالى على مداخلتك