في نظري هذه الوزارة لا يجب إن تكون موجودة في ضل قيادة صاحب السمو الوالد الشيخ زايد بس سلطان أل نهيان رئيس الدولة (حفظه الله) أو انه يتم اقتلاعها من جذورها وزرعها من جديد وتحت أشراف الأمم المتحدة 
الا يكفي الخلل في التركيبه السكانيه ؟؟؟
صار لي موقف مع هذه الوزارة لن أنساه طول عمري (أول مره أقدم معامله وان شاء الله الاخيره )
ذهبت لأقدم أورق شخص بهدف جلبه للدولة للعمل ، ابلغوني بعدم مقدرتهم استلام أوراقي ألا عن طريق بريد الامارت (الحبايب مسوين اتفاقيه بينهم وبين البريد ، يعني أروح البريد وأسلمهم المعاملة وهم يرسلونها إلى العمل والعمال ) خدمه ممتازة جداً
قدمت الأوراق المطلوبة في البريد وطلبت من الأخ الذي يعمل في البريد التأكد من الأوراق كاملة أم يوجد فيها نقص (ما دام بين البريد والعمل والعمال هذه الاتفاقية لازم يكون الشخص اللي في البريد فاهم في معاملات العمل والعمال ) رد علي بان الأوراق كاملة ولا يوجد نقص
بعد أربعة أو خمسة أيام وصلت بحمد الله وسلامته المعاملة وكان مكتوب على الظرف ( نواقص ) أنا قرأتها ( نوافق ) لأنه الخط كان واضح جداً 
واستانست
ولما فتحت الظرف كانت المفاجأة بوجود ملاحظه وهي كالأتي ( يرجى إلصاق الصورة وعدم تدبيسها) يعني المعاملة كانت مرفوضة، تخيلوا رافضين المعاملة عشان الصوره مدبسه يا اخي لصقوها او اتصلوا تيلفون بنجيب الكم لصق و الحبيب موظف البريد اللي من المفروض مختص في معاملات العمل والعمال مدبس الصورة في المعاملة ( ما قل الصورة لازم تتلصق ) يمكن لانه فاهم زياده عن اللزوم
الحمد لله على كل حال ( بطلت الدبوس من الصورة ولصقتها وهذا كله خذ مني ثلاثة أيام، يوم لانتشال الدبوس ويوم لإلصاق الصورة واليوم الثالث والاخير لوضع المعامله في ظرف )
العدوى انتقلت
وسلمتها للبريد مره أخرى وتم إرسالها إلى العمى والعميان قصدي العمل والعمال وبعد ثلاثة أيام تم أرجعها لعدم تصديق الشهادة الدراسية.
بس كان هذا الخبر كالطامه على راسي لأنني متأكد انه الشهادة مصدقه ولما شفت الأوراق كان كل شي طبيعي، وفي اليوم الثاني أخذت المعاملة وذهبت بنفسي للعمل والعمال لمعرفة سبب رفضها و كان السبب كالطـــــــــــــــــــامــــــــــــــــــــه الكبــــــــــــــــــــــــــــــــــرى
تتوقعون لماذا تم رفض المعاملة مع أنها مصدقه ، الحبيب الموظف المختص بالتدقيق 
على النواقص في العمى والعميان ما انتبه للتصديق انه خلف الشهادة، تخيلوا إلى أي درجه ال**ل والإهمال ( لدرجه إن الموظف ما كلف على نفسه يقلب الورقة ) مع انه أي شخص يشوف الشهادة يشوف أنها مصدقه بدون ما يقلبها
هذه هي طريقة التعامل لدى العمل والعمال وما خفي كان 
لا وكل يوم الحبايب يقولون لك نحن نشجع ونسهل المعاملات التجاريه للمواطنين
وسمحوا لي على الاطاله ، اطلع شوي من الضيقه
أأسف و بشدة ما حصل لك، و ما يحصل لآلاف ممن يقدمون معاملات يوميا لهذه الوزارة الفاسدة..
نسأل الله لها الإصلاح….
ريح المسك
شكراً اختي ريح المسك
شكراً يا اختى el3eemeya
صديق عزيز يروي لي موقف حصل له مع مع وزارة العمل والعمال
تقدم بطلع جلب عامل إلى الدولة، و تم رفض المعاملة وذلك لعدم تطابق توقيعه مع التوقيع الذي يوجد في (اعتماد التوقيع الخاص به) وطلبه منه مراجعة قسم المتابعة في وزارة العمل والعمال .
على فكره (اعتماد التوقيع) يوجد فيه توقيعين
أخونا العزيز التوقيعين اللي في (اعتماد التوقيع الخاص به) غير متطابقين، والجماعة في العمل والعمال يقولون له توقيعك على المعاملة غير متطابق مع التوقيع اللي في (اعتماد التوقيع )
قال الهم حسبي الله ونعم الوكيل إذا التوقيعين اللي في (اعتماد التوقيع) مب متطابقين شوه تبوني ارسم توقيعي رسم عشان يكون متطابق، وقت ما شافوه محرج قالوا مب مشكله بنوقع لك هذي المرة
طبعاً وقعوا علي الطلب بس لازم يروح البريد ويطرشها الهم عشان اعتماد الطلب
أخي / بومايد
تسلم على هذا الموضوع بصراحة تجربة تتكرر دائما مع الكثير والمعاناة مستمرة
الله يعين ياخوي
اختكم / نور الامارت