الاحظ انه هاذي الظاهره منتشره وايد بين اوساط البنات << حلوه (اوساط) تستاهل تصفيق عليها خخخ
ليش هذا الشيء منتشر بينكم بنات .. هل هو الملل …
..او انه بسبب اللافراغيه الإيزوجلاطيه الي في البنات <<< كيف حالك انته ؟!!
انزين ممكن تتكلمون بصوت واطي محد بيسمعكم!!
المهم نبغي تعليق على الصوره وخصوصا من البنات و
والله فيه كلمات تظحك
للاسف ليس في البنات فقط وانما في الشباب ايصاً وهي منتشره وهذه الشخابيط على ورقه ماذا تقول من هم يحولون الكتب الدراسيه الى لوحه فنيه .
تسلم على الصورة اخوي هيرو
والله ذكرتني بأيام المدارس
عن نفسي السبب اللي يخلني اكتب في الكتب والدفاتر أو على الطاوله … الملل مرات تكون الحصه أول المحاضره ملله فنقعد انسووووولف وما نقدر نسوولف بلسانا عسب الابله أو الدكتور ما يمسكنا ويهوشنا فنكتب على الكتب
بقول لكم سالفه صارت لي في اول سنه جامعه :
كنت أخذ مساق مجتمع الإمارات … وكنت من النوع ما تهتم بالمحاضرات وشو الدكتور يقول
وفي المحاضره قاعده وأكتب أغاااااني … وسوالف مع اربيعتي …. ومرات حش في الدكتور ونسب الدكتور
كله في الكتاب …
ويوم الامتحان وزعنا الدكتور على المقاعد وقال لنا الكتب حطوها على الطاوله عنده ….
طبعا ما حطيت عنده حطيت بجنب الطاوله من تحت عسب الدكتور م يشوف شو كاتبه (حتى على الغلاف كاتبه )
المهم عقب ما خلصت الامتحاااااان رحت اخذ اكتابي واي شي أدور عليه ما القيه واخر شي شفت عند الدكتور كتابي
وقاعد يقرى ويتصفحى … وميت من الضحك … افتشلت زين ما شاف اخر صفحه كنا معلقين عليه وقالي شكلج بنتنجحين
ويسلموووا على الموضوع صج ايام على تنسى
عيل شو تقول عن
الي ييبون دفتر بس حق سوالفهم
ههههههههه
UAEhero:
من راقب البنات مات من الحره
ذكرتني بأيام المدرسه بس الحمدلله الحينه كبرنا وعقلنا
أذكر مره كان علينا موجه العربي ونحن ولا ع البال سوالف بهالرسايل والورقه تتنقل من مكان لي مكان لي آخر شي يوم وصلت عندي جان ايي الموجه ويشل الورقه بهدوء وظهر..
عاد نحن متنا قلنا أكيد بيسويلنا سالفه بس الحمدلله عدت السالفه على خير..
وها ويهي ان فهم شي من الي كنا كاتبينه..
أخوي hero عرفنا الظاهره الي منتشره عند البنات يا ريت لو تخبرنا عن الظاهره الي منتشره عندكم..؟!
بس السبب الله واعلم انا عني شخصيا لازم اشخبط من ايام المدرسه لين الحين ..
صدى الأحزان … زين انه المحاضر ما بدأ من الصفحه الاخيره ولا كنتي بتعيدين السنه مرتين
الجريحة … دفتر خاص بس حق هاي السوالف؟! … هممم مجانين
طفلة الآمال .. معقول يعني انا اسوي جيه .. ترى اللهجه سعوديه اذا لاحظتي والحمد الله بعدني ما تخبلت عشان اسوي جيه ..ومشكوره على النقاط والبحث الي سويتيه في الموضوع بس النقطه الرابعه ما فهمتها ممكن تعيدين النقطه خخخ لا اسولف وياج و
ورق الورد … يوووه بعض البنات عصبن ليششش ؟!! سوالف ما نقصد شيء