سالفتي في معرض الكتاب اليوم

واللي خلاني اذكر اني شاله بوك ابلة الانجليزي الله يذكرها بالخير فديت خشمها

المهم

انا وربيعتي بغينا نشتري لابله الانجليزي هديه كتاب بالانجليزي فشفت لج وحده متينه يالسه تقرى الكتب الانجليزي قلت لربيعتي هذي شكلها ابلة الانجليزي تعالي اتنشدها شو كتب زينه لمعلمة انجليزي

قالت لي اربيعتي اوكي ياله كلميها قلت لها لا انتي اول قولي لها لو سمحتي و خلاف انا بتكلم قالت اوكي

عاده اربيعتي: لو سمحتي … لو سمحتي

والحرمه مطنشه شو السالفه نحن نرمسها ونحن ناقعين من الضحك قلت لها ما راح تفهم لج هذي ابلة انجليزي قولي لها ا**كيوز مي

اوكي اربيعتي قالت لها و ردت علينا الحرمه بأيوه

قلت لها ما قلت لج عاد انا رمست

انا : لو سمحتي بغيت اخذ هديه لمعلمة الانجليزي هديه كتاب ياغير اني ما عرف شو اخذ لها

وحطمتني الحرمه يوم قالت لي :انا تكلم اربي شوي شوي

اخ .. ويهي

الحين من وين ايب حد يرمسها انجليزي واني اطنشها هب حلوه وجاااان ابد اتكلم اوني عاد

لا تضحكوووون

" اي ونت "انا اريد ان اخذ " قيفت فور ماي انقلش تيجر بات اي دونت "ماذا اخذ لها "الحمدلله

الحرمه فهمت لي وربيعتي ناقعه من الضحك اوكي و الحرمه ياله فديت خشمها

دورت لي كتاب بس قالت ان وايد في كتب و لا اعرف شو تحب ابلتكم قلت لها

اوكي ثان** … ام سوري عالازعاج

خذنا للابله كتاب عيبنا شكله … بس ما نعرف شو فيه … بس ياله عااادي

يوم يايه بدفع ما لقيت بوكي ياله وين فريته وتم ادور ادور وادور "ولعن عمري و سب حرام الصور "

بس ما لقيته واخر شي سرت صوب الاستقبال و قلت لهم

قالو لي شو فيه قلت لهم صور و بيزات

قالو اوكي صبري و ياني واحد الله يطول بعمره وقالي سيري عند فلان هناك يالس وبيعطيج البوك

ودورت هالافلان .. وجان القاه
وقالي شو فيه البوك فقالت له اربيعتي صور و بيزات و انا كملت اوصف له البوك

وعطاني اياه و قالي جيكي عالبيزات وانا بس جيكت على الصور

قالي جيكي … انا استحي اقول اصلا ما عرف كم فيه

اوني عاد : نفاد البيزات يوم انه الصور كامله …

بس القهرني صدق جي يشوفون الصور …اووووووووف منهم

بس الله يطول بعمارهم
والسموحه منكم