اخواني و اخواتي
أحتاج نصيحتكم بشكل عاجل
أمس كان عندي شغل و طلعت من مكتبي و رحت لمختبر الكمبيوتر و انا أمشي بين الأجهزة شفت كتيب صغير اسمه ( دعاء الفوز العظيم ) ، الكتيب فيه أجزاء من سور من القرآن ( سورة يس و دعائها و سورة الواقعة و دعائها و دعاء و حرز لجلب الر** و دعاء يقرأ بعد كل عمل ) … و من خلال اللي قرأته و الكلام المشبوه اللي فيه اقول لكم
شوفوا البلاوي اللي فيه…
القسم على روقيائيل
ذكر اسماء مثل :
:confused: مهمهوب
صعصيع
سهسهوب :confused:
بالله عليكم هذا كلام هذا مب كلام رب العلمين … و شو هذي الأسماء اللي ما لها معنى، المصيبة حصلت هذا الكتيب في مختبر الكمبيوتر و اللي يدخلنه الطالبات كل وقت طول اليوم ، و الله هذا الكلام و هذي ال***بيط ما تليق ببنات جامعيات. :confused:
قولوا لي شو اسوي بهذا الكتيب و كيف اتخلص منه. 
اشوف ان ال***بيط هذي ممكن يصدقها اي واحد ايمانه ضعيف :confused: 🙁 😮
اختكم
Melody
بس اللي شاف الحلقه ..
تقريبا كانت حلقه من ساعه وشوي بس اللي صار فيها كثير 😮 😮
ذكر فيه الساحر (الدجال) اسامي ملائكه محد سمع فيهم ومحد قرأ عنهم لا في القرآن ولا في السنة (اعوذ بالله):mad:
مقدمه البرنامج وحده مذيعه مصريه وهي مقدمة هالبرنامج على اساس انها مضررة وتبا (على حسب قولها انها تبا تفك عنها عمل)
يعني مسويين خطة عسب يمسكون هالريال متلبس
خبرته بسالفتها ان زوجها يبا يتزوج غيرها (على ما اظن)
بعدها بدا الريال يلعب لعبته وقام يخلط بهالبخور والعود وينفخ ويصيح
ونحنا نشوفه ومسغربين من اللي يقوله 😮 ويقول كلام ويدعوا بأسماء كثيره
عقبها يت الحرمه وسألته منو اللي تنادي بأساميهم ما اذكر الاسم ولا ابا اذكره .. عقبها قال كلمه .. 😮 قال انه ها هو اعظم الملائكه
استغفر الله #m#
——
شكلي خرجت عن الموضوع
بس ها شوي من القصص اللي نشوفها ونسمعها
يعني هالدجالين ومثل ما قرته الاخت Melody
يضحكون ع الناس بشوية كلام مبهوم (اسماء مستحيل ان العقل يستوعبها)؟؟؟
ما نقول الا الله يهديهم
—-
نصيحي لج اختي
حاولي تسووين كتيب في الجامعه .. عن هالشي تحذرين فيه الطالبات و تنصحيهم ان هالشي غلط :(:( ..
تحياتي
😮
والسموحه على الاطاله
بصراحة ردك ريحني شوي
اعتقد ان هذي اسامي بعض ملوك الجنبس اللي يرفع الضغط ان الطالبات يقرون شرات هذي ال***بيط
ما ادري شو اسوي بالكتاب افكر اني احرقه … بس اتريا رد باقي الأعضاء
سبحان الله يمكن يقدرون ينصحوني
يزاك الله خير اخوي سلومي
أنا أنصح بمحاولة الحصول على المصدر و ردعه …لازم تسوين تحريات ..فعلا لأني متأكد أن وراء هذا الكتاب ناس ..متعمدين أن ينشروه …
لكن هذه الكتب إن وجدت فالأفضل حرقها لأن فيها من الشرك الكثير ..مثل ما ذكرت القسم لغير الله (و هو شرك أكبر مخرج من الملة )
هذا الأمر لا يستهان به ..
وإن علمتي إختي بالمصدر أرجو أن تخبرينا
و نسأل الله لنا ولكم السلامه
اللهم من أراد بالإسلام و المسلمين سوءا فاجعل الدائرة عليه و اجعل كيده في نحره
و من أراد بالإسلام و المسلمين خيرا فوفقه لذلك .
التابعة ل شخص اسمه ( الحاج حسن حسين احمد بور )
يبالنا نشغل تحرياتنا
وفقكم الله
نافع واذا تبغين رقمه انا مستعده اعطيج ع الخاص لازم تعرفين شو
نوع الكلام المكتوب ولازم اتبلغين عنه الجهات الرسميه يمكن ينشر
بدون راقبه لان مستحيل تباع هالكتب في المكتبات والله اعلم
ميلودي
السلام عليكم :
ذكرتوني بسالفه
شفت عند وحده من الزميلات كتيب صغييييير بالضبط ما اذكراسمه
المهم هو عن ( الاستخاره )
حجم هالكتيب تقريبا 6سم × 3سم
يعني ممكن ينشل وياك في اي مكان ( الشنطه، المخبا …)
المهم اونه استخاره :
في الصفحات اللي جهة اليمين ايات قرانيه صحيحه 100%
وفي الصفحات اللي على اليسار كلمه افعل أو لاتفعل
تعني يو تفتح عل اي صفحه بتحصل
صفحه فيها ايه قرانيه ومقابلها افعل ولا لا تفعل
شو السالفه مدري ؟؟؟؟
المهم مطيته عن الزميله ووضحت لها الاستخاره الشرعيه
اللي تعلمناها من الرسول عليه الصلاه والسلام
المشكله انها شاريتنه من معرض ا**بو للكتاب
احيد اني محتفظه فيه بالمدرسه من العام
لوحصلته بزودكم بمعلومات عن الكاتب ودار النشر
المشكله وين ؟؟
المشكله انتشار هالنوعيه من البدع عن طريق المعارض
الرسميه بدون رقيب ولا حسيب
و رواجها وسط العامه اللى ثقافتهم الدينيه بسيطه
متغصصه مقدر اكمل كلامي
نستغفر الله ونتوب اليه
مثل هذه الكتب انتشرت انتشار النار فى الهشيم
و من يقف وراءها كثيرون
هدفهم واحد هو تفريغ الاسلام من محتواه العقائدى
كخطوه اولى لهدم الدين من اساسه
" قاتلهم الله انى يؤفكون "
واجبنا ان ننشر التوعية الصحيحه و ان ننصح من حولنا بعدم اقتناء مثل هذه الكتب