الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا ..
شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !! <SPAN lang=AR-SA>
الصراحة شي
الله يستر احنا شو بنسوي #kh# لو الله كتب لنا
تسلمين الغالية قصااااايد على الموضوع 😉
مثل ما انتي ماشاء الله عليج اول وحده تردين على مواضيعي
تحياتي لك
اشكرج على الرد
وأنا الحين بالمكتبة والله يستر
وهذا واجبي
الصراحة حلوه..
تحياتي
أمـــــــــــــــــــــــــاسي
من زمان وهالموضوع مجنني وشاغل بالي وشايل همه يعني باختصار مو مخليني ارتاح 0
من العنوان عرفتم الشغله وعرفتم وش بيكون الحكي عنه
الحكي طبعا بيكون عن ليلة الدخلة تلك الليلة الرومانسية عند الغالبية ولكن عند محاكيم ليلة شايل همها ولكن السبب مو واضح زين لكن على العموم الي وده يعرف السبب بيلقاه في ثنايا ها القصة 0
المهم خلونا من الحكي الزايد وخلونا نخش في صلب الموضوع 0
يوم عاد قربت ليلة الدخلة عاد والعريس من محل خياطة الى محل ملابس الى غسّال الى حلاق الى 00000000الخ عاد تعرفون الشغلة كلها
والله عاد قربت ليلة الدخلة وعاد الناس الناس جوك يناظرون لي ويبتسمون والي من بعيد يقول شوفوا ذا بيتزوج بكرة وهذا يقول شد حيلك وواحد يقول الله يعينك وهاتك عاد من انواع الارهاب ====>>ماسار زواج سار شارون وجماعته
المهم عاد والاهل يعني يناظروني بفرح ولا يقولون لي ولاشيء اسويه على غير العاده طبعا خوفا على اناقة وصحة العريس لايتنكب قبل العرس بيوم
والله وتجيك عاد اخر ليلة قبل ليلة الدخلة وعاد اقابل الشباب وهم يسولفون لي وانا معطيهم طنش ((يحق لي عاد انا عريس والا لا )) واروح للبيت واتعشى وبعدين اتوجه للغرفه الخاصة غرفتي حبيبتي وعشي الصغير الي باودعه بعد سويعات
والله واتمدد على الفراش ======>>اتحدي واحد فيكم ينام بدري في الليلة قبل ليلة الدخلة
اتحدى ان ينام قبل صلاة الفجر يقعد عاد يتقلب يمين وشمال على الفراش ويقول الله يابكرة بينام معي ((another person))عاد الي ماعرف الي بين القوسين بعدين اقله مو مشكلة بس اهم شيء خلونا نواصل الموضوع
المهم بعد التقلب المحموم على الفراش تنام بعد الفجر بالمعنى الصحيح ومعروف عاد نومك كله احلام في احلام ماتخلص من حلم الا وانت بديت في الثاني ولاتجي الساعه تسعة في الصباح الا وانت صاحي
عاد من الساعه تسعه يبدا يرتفع ضغط الدم ويزداد الشهيق والزفير بشكل غير عادي
وشوي وانا قدام المرايه واروح اغسل وجهي واروح للمرايه مره ثانيه
وبعدين اروح للشقة الخاصة الي باتزوج فيها واناظرها وانا شوي مرتبك ومني مصدق انه بيكون لي ونيس هاليلة معاي في نفس الغرفه وعلى نفس السرير
وبعدين يجيك عاد الظهر اروح اصلي من بدري على غير العاده طبعا ولاتنسون ان عندنا ضيوف الاقارب وماشابه ذلك
وبعد الصلاة عاد نرجع للبيت ونجلس بالمجلس وانسى سيرة الزواج شوي بسبب الجوالغير عادي مع ولد عمي الي انا وياه ((عود ولحاته ))ونسولف ونضحك والناس من حولي يناظروني بشكل عجيب وبنظرة خاصة تعيد الى قلبك الرهبة مرة اخرى المهم عاد يجي الغدا وابي اتغدى اجي ابلع اللقمة ماتنبلع من الكربة الي بصدري من هم الليلة هذي الي عند الناس وناسة وعندي رهبة 0000000
المهم والله اقوم ماتغديت ولايحزنون مالي نفس والله في الغدا وبس مهموم من التجهيزات والوقت يضيق وانا ماني متجهّز
والله ونروح نصلي العصر وبعد العصر دقت ساعة الصفر
خلاص مافيه وقت
اولا السيارة
خويكم طفران وكل سيارته كرسيدا واحد وثمانين
تخيلوا بياخذ زوجته في واحد ثمانين كرسيدا بس احسن مافيها المسجّل
المهم عاد مافيه حل الا الاجار
طبعا الامر محلول من زمان والسيارة موجودة في محلات الزركشةالي يزركشون فيها سيارات العرسان وعاد خبركم يادوب اسـاجرت كرسيدا 92 عاد اشوف نفسي يوم استاجرتها ملك من الملوك
والله واخذ سيارة الوالد الاربعه والثمانين الوانيت الي مصدمة من كل جهه وبعدين الوالد ماعنده فلوس يسمكرها قام يعدلها في الورشة بالشاكوش بس ويرشها من البوية حقت البزارين الي يكتبون بها على الجدران وهاتك ياشكل رومانسي للسيارة
المهم والله الوقت ضيق وانطلق على الحلاق وخذ ياحمام سوني وبعدها غسيل وجه وتقمير و زينات طلعني من عنده وان مثل الخواجات 😛
والله واروح للمغسلة واخذ الثياب وقلبي يدق دق الله لايوريكم شدة
المهم والله وارجع للبيت للمغرب
طبعا الاهل راحوا القصر بس عاد حنا متفقين مع اهل العروسة انهم يجون بعد صلاة العشا
المهم انا مكلم اخوي الي اكبر مني شوي يستناني في البيت واروح معاه لمحل السيارة الاثنين والتسعين المستأجره المزركشه
المهم والله واروح البيت واكشخ والبس((بعد المغرب))البشت يوووووووووووه الاعصاب شبه منهارة تقريبا
والله واخذ العطر واتعطر واحطه في مخباتي وامشي مع اخوي في الاربع والثمانين طبعا نبي نروح السيارة
والله ونروح هناك واستلم السيارة واركب يوم تركني اخوي00يووووووووووه يالرهبة وانا لحالي اسوق السيارة كني اول مره اسوق سيارة
والله واتجه للقصر الي رحته ا كثر من خمسين مره خلال يومين تخيلوا بغيت اضيّع الطريق من كثر الرهبة
المهم عاد وصلت للقصر ويوم شافوني البزارين الا الله لايوريك تناقزوا العريس00العريس
ويوم انزل وهم يحلقوا علي وانا احاول انهرهم بس بصوت منخفض لكي لاينبح صوتي ((ارحم يامحمد عبده )) وانا اقول في نفسي 00((الله يسترالحين واحد من البزارين يحذفني بالايس كريم ويخليني في وضع لااحسد عليه ))يادوبك انفكيت منهم وادخل باب القصر على صلاة العشاء واحصل ابوي ((وينك ياولد ننتظر فيك من العصر وين رحت ))الواد الله يهديه ويهب له طولة العمر بغي يقلبها هواش في ليلة الدخلة
المهم واسلم على الناس القريبين مني ومسوي فيها مهم وشوي المس الغترة وشوي اصلح المرزاب وشوي اعدّل البشت
المهم عاد صلينا العشا وبعد العشا وصل ضغط الدم الى اقصى حد له بعد ان سمعت من البزارين ان اهل العروسه قد وصلوا عند باب العوائل وهم فير طريقهم الى هنا
وماهي الى هنيه =====>>ارحم ياسيبويه زمانه 000حتي وصل ذوي العروسة وفي المقدمة والدها انا من الهيبة والرهبة بغيت اسقط على وجهي
المهم عاد وانا احاول ارفع صوتي وهو يادوبك يطلع من الخوف ((يالله حيهم حياكم الله ارحبوا يالله حيهم 00يامرحبا تراحيب المطر ))
ويجون يسلمون علي من والد العروسه الي بغيت امسك فيه وامصمصه على الشفايف
من زود حبي ورهبتي 000كيف تجتمع هذي ؟
المهم وانا اسلم عليهم واحد واحد من اصغرهم الى اكبرهم حتى اخو العروسه الصغير الي ماكنت ادانيه دنيت له وهو عمره خمس سنوات بس لين طاح عقالي وسلمت عليه في الوجيه0
المهم عاد للاختصار ولاني اعلم ان جميعكم متشوقين الى النهايه
تعشينا وانتهينا وبعد العشاء عاد يجيك النفس يطلع ويرجع مع دقات القلب السريعه المتتالية ومخليتني في وضع لااحسد عليه
ومن الطبيعي ان محاكيكم ماتعشى بس الحمدلله اني موصي على اخوي اذا طلعت بالعروسه للبيت هو يلحقنا بعشاء من مطعم جلال البا**تاني نص حبه مع نفرين رز((ماني قايلكم طفران ~))والله لو واحد يسويها في زوجته لترجع بيتها من اول ليلة 00اول عشى ونص حبه دجاج شوايه
المهم عاد انا جالس افكر كيف اخذ العروسه الحين
والله واروح لبوابة الحريم
وازهم الحارسه الي تمنع الجهلة والبزارين مايزعجون الحريم واقولها ازهمي ام العريس والله وزهمت امي قلت لها انا عندالباب بالسيارة خلي العروسه تجي ((مستحي مايبي يدخل ويسلم على نسيبته وخولاته وعماته
قالت الوالده الله يهب لها طولة العمر :خش ياوليدي هنا مافيه الا عروستك ونسيبتك وخولتك
قلت يمه ابدا ماني بداخل بس خلي العروسه تجي 00000
قالت امي ابشر
++++++++
ابي منكم تصور لشعور اي واحد فيكم وهو ينتظر العروسه داخل السيارة ;(
++++++++
المهم انا انتظر داخل السيارة وقلبي خلاص بيتوقف من الرهبة والخوف والاحراج ممزوج طبعا بفرحه ((سار تطلي هذا مو شعور))
المهم ماهي الا لحظات حتى طلت على من المدخل تلك الفتاة المتحجبة الي ماتشوف ولاقطعه من جسدها ((حرام لوهي الحارسه لفقوها لي مادري ))
المهم يوم اشفتها ماعد شعرت بجسمي كدت اخش في غيبوبة من الرهبة لولا ستر الله
المهم جات والباب طبعا مفتوح ودشت السيارة والوالدة ماسكة بيدها وادخلتها السيارة((من زود الحرص))المهم قالت العروسه بصوت واطيء السلام عليكم
قلت انا بصوت اوطأ:عليكم السلام ((كلمة ورد غطاها ))
ثم خيم الصمت على الجميع وعاد خويكم من الربكة جاك بيقوم السيارة وهي شغالة من الاساس والمكيف شغال وكل شيء ((نسيت اخبركم عن سالفة العطر قبل ماتجي العروس))والا تدرون خلوها في الجزء الثاني 00
المهم عاد يوم اجيك اعشق السيارة في الواحد ومن الربكة رفعت رجلي بسرعة عن الكلتش وشتتوقعون سار طبعا معروف نتعت السيارة طفت ههههههههههه
واخجيلتاه 00000وافضيحتاه وقتها كنت اتمنى ان الارض تنشق وتبلعني;(
المهم واشغل مره ثانيه وانا في وضع لااحسد عليه والعرق روشني ترويش كامل من الى
والله ونمشي والسكوت لايزال مخيم على الجميع واحاول اتكلم بس مادري وش اقول
قلت
كيف حالك
قالت
زينه الحمدلله
سكت شويه من الخجل لاني مدري وش اقول قلت ((كيف الاجواء عندكم؟))اماالسؤال هذا ان دل على شيء فانما يدل على مدى الوضع المخزي الذي اعيشه في تلك اللحظة من شدة الخجل لاننا من منطقه واحد ه كيف اسألها عن الاجواء وهي قريبة حتى من الحي
المهم عاد تسهلت الامور حتى وصلنا للشقة وننزل من السيارة ونمشيء بجانب بعض وانا اعلمها الطريق ونطلع الدرج يوم دخلنا الشقة وهي تكشف عن وجهها((000000000000))
مايحتاج اكتب الي بينالاقواس لاني لوكتبته بيشوتوني ظفر 00ولايلامون 00
المهم بعد كذا والا اخوي وصل بالعشاء عاد لاتفكرون انه من جد نص حبه شوايه والله لو اقترض من البنك ما اعشيها نص حبه شوايه
جاب ربع ذبيحة مندي ((لا تستغربوا اهل الجنوب كذا))المهم يوم جابه تخذته ووديته المطبخ لاني عاد ناوي احضره ويوم اشافتني وهي على الكرسي جالسه الاقامت تبي تحضر العشاء
قلت لها ابدا هذا اليوم انت ضيفه ومايسير انك تسوين شيء
ووافقت وراحت جلست على الطاولة والله واجيب العشاء ونتعشى
طبعا الرهبة خفت كثير بعد التعود عليها
وبعد العشا جلسنا متقابلين على الكراسي قدام التلفزيون في الصالة وقعدنا نسولف على استحياء ((كلمة ورد غطاها)) والله عاد محاكيكم طفش طول اليوم رايح جاي بيبي ينام بس مايدري اشلون يتصرف
طبعا هي مسيكينه مستحيه وقاعده مسمره عيونها في التلفزيون المشكلة الساعه حوالي 2 والتلفزوين مافيه الا الاولى والثانيه وكان البرنامج الاسلام والحياه معاد اخر الليل والمشكلة هي مسمرة عيونها فيه 00000والله حاله
وانا مادري ايش اقول ابي احسسها اني ابي انام بس مادري اشلون
بدين افتح فمي الى ثلاثة بوصة واسوي نفسي اثائب
ولافيه فايده
قلت التلفزوين ماعاد فيه شيء زين ينشاف
هي ماردت علي
بغيت اقلها نبي نننام
خفت تقلي بدري حنا بعد نسولف منكثر هالسوالف والله
اقول والله يدي وجعتني من الكتابه وعيوني احس انها بتتناقز من التعب وانا اعدكم بتكميل القصة في الجزء الثاني بعد ردودكم مباشرة وفي نفس هذه الصفحة يعني ماراح افتح موضوع جديد اوكيه
من خلال البريد الكتروني
في اشياء صدق انا ما كنت اعارفها ان المعرس يكون بهالخوف قل عرسه
وحليله
وهم اشكرك على هالمضوع بس حبيت اسألك هالموقف موقفك ولا موقف حد ثاني؟؟؟
بس عاد انا اتريا الجزء الثاني
اشكرك على انك خذيت صفحتي انا عشان تحط الموضوع