اولا اشكر كل من اتحمدلي بالسلامه ..
والله يبعد الشر عن اليميع ..
وشكر خاص لاخونا كلاسيكي
المهم
اكثر الاعضاء مستغربين ويبغون يعرفون كيف كلاسيكي يعرف اخبار العضوات ..صح
اولا ..كلاسيكي يسال عن كل الاعضاء في المنتدى ..مب العضوات بس ..
وبصراحه هالشي يخلي الشخص اللي غايب عن المنتدى يستانس ..لانه يحس ان في ناس في هالمنتدى يسالون عنه ..مب عايله بالاسم بس
وانت اللي كتبت الموضوع واتهمت اخوك فيه واختك معاه ..
كنت تقدر اطرش رساله لكلاسيكي وتستفسر منه ..وماكان في داعي للموضوع اللي كتبته ..
انا مابرمس عن الكل ..
بس بما ان الموضوع انكتب بسبت الحادث اللي استوالي ..برمس عن نفسي وبخبرك كيف كلاسيكي عرف السالفه؟؟
اولا كلاسيكي واحد من الاهل ..
وشي اكيد بيعرف بالسالفه ..
ثانيا ..طرش لي رساله واتحمدلي بالسلامه ..وماعتقد ان فيها شي ..
وهو بالنسبه لي ولكل العضوات اخو عزيز لا اكثر ..ومستحيل الاخو ..يفكر يشوهه سمعة اخته ..
وبعدين انت فكر ..كلاسيكي قلبه مب فندق عسب يرمس ويا كل بنات المنتدى..ويكون وياهن علاقات شرات اللي في بالك ..ولا العضوات ماعندهن عقل عسب يرمسن واحد ..مكون علاقات ويا كل عضوات المنتدى شرات ماتقول:rolleyes:
و الريال معتبر نفسه اخو ..يسال عن اخوانه وخواته ..وماعتقد ان في علاقه ثانيه غير الاخوه محلله نقدر انكونه في هالمنتدى غير الاخوه ..صح ولا انا غلطانه ..
بس انت اعتبرت هالسؤال وعلاقة الاخوه .. ..تعارف بين الجنسين بالطريقه اللي في بالك !!!!
انا ماقول ان هالتعارف مب موجود بين الاعضاء ..بس حط في بالك شي ..ترى الاعضاء اللي يتعرفون ع بعض وفي علاقه مابينهم علاقة حب مثلا .. ..مستحيل يبينونها في العام ..
للاسف بعض الأعضاء لا يدخلون المنتدى الا ليجمعوا اكبر قدر من ايميلات العضوات
وكلمة حق تقال ولا اخشى شيئا ………….
العضو المذكور اعلاه مواضيعه كله عن سوالف العضوات الخاصة
ويبدوا ان العلاقات حميمية
اللهم عافنا في ديننا
شوف كيف ترمس اخوي ..وشوف ظنك باي طريقه ..ترمس وكانت عايش ويا هالعضو وتعرف كل شي عنه ..
قال تعالي (( ان بعض الظن اثم ))
والله هذي مب طريقه للنصح والارشاد ..
انا ما يالسه ادافع عن كلاسيكي ..ولا يالسه ابرر موقفي ..اذا انت عضو يديد في المنتدى احن اعضاء قربنا انكمل السنتين فيه ..وكل الاعضاء يعرفون احن شو ..واهم شي ان ربنا يكون راضي عنا ..
بصراحه اخوي ..أي شخص بيقرا موضوعك ..بيحس ان في بينك وبين كلاسيكي شي ..لانك خصيته في الموضوع ..وكنت تقدر تكتب الموضوع بشكل عام .
يمكن كان قصدك النصح والتنبيه ..بس اسمحلي اقولك ترى سلوبك غلط
تحياتي لك
اختك فالله
أول شي حمدلله على السلامة أختي وربنا يبعد الشر عنج وعن الجميع…. آمين يارب العالمين…
ثاني شي…نحنا هنيه في المنتدى أخوه وعارفين بعض حوالي سنه تقريبا ومستحيل يستوي بينا هالسوالف…
أما عن أخونا كلاسيكي…. فما يحتاج أتكلم عنه ولان ماشاءالله عليه الفتره اللي كنت غايب فيه عن المنتدى بسبب ظروف الاجازه تقريبا 3 اشهر كان الريال يسال ويستفسر عن سبب غيابي وطرش عشرات رسايل والحبيب ما قصر… فمستحيل نشك فيه ,اخيرا أقول لأخونا (……) الله يستر عليه ((( ان بعض الظن إثم )))…. وابعد هالتفكير من راسك…
والسمووووووووحه
لذلك اتركك تتعرفين على بقية الاهل في المنتدى
http://www.uae4ever.com/vb/showthread.php?t=88533
http://www.uae4ever.com/vb/showthread.php?t=87044
http://www.uae4ever.com/vb/showthread.php?t=86314
http://www.uae4ever.com/vb/showthread.php?t=84605
تحياتي الحارة لبقية الاهل
حمدالله على سلامتج يا المغروره
وكلامج صح الغاليه نحن ماشاء الله علينا كلنا مع بعض الكل يسأل عن بعض ما فيها شي بس الناس الله يهديهم
وبعدين وحليله الكلاسيكي مثل ما قال عيناوي ما يقصر ويا اي عضو الله يخليه يسأل ويحاتي كل حد كلاسي** على قد نياته
لو الرمسة انقالت من عضو يديد فصح كلام المغروره انا الاسلوب كان غلط المفروض الرمسة ما تنقال .
وبعدين نحن اعضاء المنتدى كل واحد فينا يسأل عن الثاني بس ان نحن نحط في بالنا شي من هاي الاشياء مب زين تراه
قال تعالي (( ان بعض الظن اثم ))
ماعهدنا منك ومن الاخ كلاسيكي الاكل خير
ومحد يقدريمسج بكلمه دام إنا موجودين
الكاشخ : كشخ رمستك وسنعها وثمنها قبل لا ترمس بها،
اسميك انك متفيج تنبش في هالمواضيع ،
هل تعتقد اللي سويته يندرج تحت باب النصيحه والتوجيه ؟؟؟
،مابزيد بس عليك
واللي عنده غير هالكلام عند اربع جدران يدق راسه في اللي يعيبه
حمدا لله على السلامه وكل عام وانتم بخير بمناسبه شهر الصيام
اعاده الله عليكم وعلى الامه الاسلامه ….بالخير واليمن والبركات ..
نسأل الله العفو والعافيه فى الدنيا والاخرة ….
عندى يقين أن كثير من رواد المنتدى اهل ويعرفون بعضهم ….
ولا حرج فى ذلك ….
اشكرك على التوضيح الذى كنت انتظره …..
تحياتى
الحمد لله على سلامتج و ما تشوفين شر
بصراحة راسي عورّني من السالفة اسمحولي …
خلاص … خلاص
انتهى
و كل شيء صار واضح
و بالنسبة لأخوي كلاسيكي ما شفت منه الا كل خير و بصراحة كان يسأل لما كنت اغيب عن المنتدى و سؤاله عن الأعضاء يدل على ان الخير موجود في الأخوة و الأخوات
و ما شفت من كلاسيكي الا كل خير … و هذه شهادة مني
نصيحة لأخواني و خواتي لا تتكلمون بدون أدلة ، تذكروا ( إن بعض الظن اثم )
و لو تكلمتوا بدون دليل بتظلمون غيركم وممكن تقذون بنات مسلمات بريئات … اتقوا الله
يضحك عليكم انا اقوول الكل يغلط بس مو معناته انكم توصلوون لهمستوى المتدني من
االتفكير اختي الغاليه المغروره في ا لبدايه اقول لج الحمدلله ع السلامه ثاني شي
ااختي حتى لو كان الاخ يقصد طنشي وحاولي اتحسنين ظنج بالناس انا ادري اني المفروض
ما اقول لج هالرمسه لانج مشالله عليج اخلاقج عاليه هاذي مب مجامله بس اتمنى اختي
ا انج اطنشين هالسوالف
ثاني شي الاخ الكريم لا تسيئ الظن بالناس اتق الله في نفسك انت امدام بس شكيت
تتلآثم فما بالك اتقول وتتحجي
ما عليه كل انسان يغلط بس انا اتمنى انكم تتصالحوون لان نحن اخوان ومايجوز انسوي جذه
جرااااااااااام والله جراااااام
ا
والسموحه منكم اختكم فالله
فطيم
رويال
الحمدلله على السلامه وما تشوفين شر ان شاءالله ..
اختي انتي على العين والراس ومب فلان وعلان الي بيخربون سمعتج ..
وتيك ات ايزي يا عزيزي 
______________________
الكاشخ ..
انت الكلام ما يازلك هناك ياي هني بعد ..
الا انت ظاهرلي من يومين وتنبش في المواضيع لهالعضو بالذات ..
ليش بينك وبينه مشاكل ولا تغار مثلا ..
انت من اول يوم داش المنتدى كاتب ابا ادمر المنتدى ..
اثاريك صدق ياي ادمره .. ياي ادمر سمعة اعضاء المنتدى ..
اونك ياي تنصح ..
انت وين والنصيحه وين ..
بس اقول لاخوي كلاسيكي ..
الكلاب تنبح والقافله تسير
ويسلموا
الحمدلله ع سلامتج….وما تشوفين شر
اخوي الكاشخ
اول شي حبيت اقول لك ان الامير حاط موضوع مثبت بعد
عن النصيحة بين الناصح والمنصوح.. لو ما انتبهت له
انصحك تسير تقراه..وخذ وقتك فيه بعد
ثانيا
نحن الأعضاء الي ويانا نعرفهم عدل كيف مستوين
و مب انت اللي تيي وتخرب سمعتهم
ثالثا
انت شكلك يالس بس تبا تصيد شي على الاعضاء…
واكبر دليل انك ميمع ماشالله يوم نحن نتحمد على سلامت الاعضاء
همسة: شوف لك شغلة غيرها لانها ما تمشي ويانا
السموحة