يمكن تضحكون و تقولون شو بلاها ميلودي
أو يمكن تقولون بنت خوافة … بس اسمعوا شو صار
من مدة بسيطة يت عندنا في مبنى الكلية عاملة من عمال النظافة اندونيسية عمرها 18 سنة … يعني صغيرة و مراهقة، قلت مب مشكلة المهم تسوي شغلها، بس بصراحة تخّوف … كيف؟
اول مرة يت تنظف مكتبي سمعتها تضحك بروحها ، قلت يمكن تضحك على شيء في المكتب أو تذكرت شيء يضحك.
بعدين لاحظت انها تتكلم مع عمرها و تضحك بروحها … قلت يمكن تتذكر شيء يضحكها و أو طبيعتها جذي، يعني هي مراهقة و هذه يمكن تكون حالة ما شفتها من قبل، مع اني لما كنت مراهقة ما اذكر اني سويت شيء جذي.
كنت في الحمام سمعتها بروحا تضحك بطريقة كأن حد معاها، طبعاً خفت منو هذا؟
طلعت حصلتها بروحها.
مرة سمعتها تكلم حد و تضحك بطريقة حتى اني شكيت ان في حد معاها … بس طلعت بروحها.
آخر مرة كنت في الحمام سكعتها تضحك بصوت عالي ووصلت لحد خفت اني اطلع، و تغيرت ضحكتها و صارت اتسير و اتي و هي تضحك ضحكة غير ضحكتها او تضحك بطريقة تخوف، و تصفق.
بصراحة ما استحملت طلعت شفتها خفت الضحك و طلعت برع، بعدين رجعت و يلست في زاوية ويلست تتطااااااااااالعني بطريقة كانها خايفة مني او ناوية على شيء … بصراحة حسيت قلبي طاح من مكانه و غيرت مكانها و يلست تتطالعني كأنها خايفة أو ناوية على شيء … أحس انها مب طبيعية
انصحوني الله يخليكم، كيف اتصرف و شو اسّوي
واستنتجت من كلامج ان البنت مب بعيد عليها الامور هذي
نصيحه انج تبعدي عنها او تشوفي طريقه تكفين شرها قبل ماتسوي شي والله اعلم
ولا تنسي الاكثار من الذكر والاستعانه بالله وانشاء الله مايصيبج شر
اقولج هالكلام من خلال سماعي للعديد من القصص ومن خلال تجربه حصلت في الحياه.
والله يحفظج من كل شر آمين
صحيح ان الاندونيسيات معروف عنهم التعامل بالسحر ….
نصيحتي لج ععزيزتي .. لا تلفتين انتباهها لج .. ولاتحسسينها انج خايفة منها .. او انج ملاحظة عليها اي شي .. تجنبيها كثر ماتقدرين …
واذا قدرتي تكلمين اي احد من المسئولين وتشرحين لهم وضعها … وتحاولين تنبهينهم انهم لازم يغيرونها … وهذا فيه مصلحة الجميع …
واهم شي الاذكار …. تحصني بالله … والله يكفيج ان شاء الله من كل شر …
لو انا منج بطلع من الكليه :rolleyes: 😀
خاطري اعرف اي كليه
بتصفعييني ادري..
بس ماادري شو بقولج غير انج اتخبرييين حد يشتغل ويااج عشان اطفرونها..لاتسكتين..ولااا بتخبلج وياها انتي بنتنا..
اختي انا قريت عن هالحاله بالضبط بس عن وحده
اكبيره اصلها من شرق آسيا مب مسلمه المهم
اتكلم عمرها وتضحك يوم حققو وياها طلع ان ابوها كان يعذبها
يعني عباره عن ضغوط نفسيه لاتخافين انتي حصني عمرج بالاذكار
وما بيصيبج شي غناتي 😉
اختج
فطفط
ذكرتيني بوحده عامله عندنا في المدرسه ][مدرستي الاعداديه القديمه ][
جيي والله يووم اتي اتخم الصف..تضحك….
وأنا وربيعاتي انطالعها بستغراااااب:confused: :confused:
ترى كل حد يخاف منها…
يقوولون انها ساحرة وتتعامل وياهم ][ الله أعلم ][
][ اللهم كفنا شرهم ][ اللهم آمين ][
او فيها حاله نفسيه
ما عندج غير خيارين
يا تطلعين من الكليه …
يا يفنشونها
والله لو بدالج بختار الحل الاول
الله يعينج اختي ميلودي
الشبابيه : مشكله القافه 😀 😉
طالعه عليج 😉
السموحه ميلودي
تسلم على مرورك
اختي المعروف انه الكثير من الاندونيسيات يتعاملون بالسحر والعياذ بالله
و الله اخوي اتوقع كل شيء شو اسوي … على الفكرة الكل لاحظ عليها هالحركات … الله يعين
ولا تنسي الاكثار من الذكر والاستعانه بالله وان شاء الله مايصيبج شر
و الله يا اختي ادعي … الله يحفظنا جميعاً من كل شر … اللهم آمين
يزاج الله خير الغالية
نصيحتي لج عزيزتي .. لا تلفتين انتباهها لج .. ولاتحسسينها انج خايفة منها .. او انج ملاحظة عليها اي شي .. تجنبيها كثر ماتقدرين …
تراني احاول اختي الغالية … احياناً ارمسها عسب ما تسوي هالحركات … يعني أشغلها:o
واذا قدرتي تكلمين اي احد من المسئولين وتشرحين لهم وضعها … وتحاولين تنبهينهم انهم لازم يغيرونها … وهذا فيه مصلحة الجميع …
راح احاول بس اعطيها فرصة يمكن تتغير
واهم شي الاذكار …. تحصني بالله … والله يكفيج ان شاء الله من كل شر …
يزاج الله خير الغالية على النصيحة و بارك الله فيج
الله يهداج هذا مكان شغلي
الله يعين
تسلمين الغالية على مرورج