حملت جرايد البارحه خبر وايد اضحكنى وكان عن ضرورة ترشيد المياه في امارة راس الخيمة وانا بدوري اتسال كموطنه من الامارة يعنى يا الترشيد على امارة راس الخيمة من بد الامارات ليش اصلا في ماى مثل باقى الامارات الماي مايزال مالح زحر في معظم مناطق الاماره وهو دايم الانقطاع عن المناطق السكنية لدرجة انه الاهالي يطرون لشراء الماي من الصاريج وبعدين تم تحلية الماي في بعض مناطق الفي اي بي لان الله ايسلمكم الواسطه فوق الجميع في كل شيء حتى في الخدمات الاساسية وعلى فكره شهريا المواطن يدفع فواتير الكهرباء والماي لاتقل عن الف درهم ويتفنن العمال في الكهراء في زيادت الفواتير على المواطن المسكين المب عارف ايلقيها امن واين والامن واين؟ اويقولون بعد في احصائية ظهرت من المصرف المركزى بينت انه اهل المناطق الشمالية هم اكثر الناس مديونية في البنوك ؟ انا اقول خلي حكومتنا الرشيده في الاماره تتقى الله في المواطن المظلوم في راس الخيمة فكلكم راع ومسؤل عن رعيته يوم القيامه
والسموحة
حتى في الإمارات ماي مالح..:confused:
وبعد يتشكون:eek:
المفرووظ يشوفوون لنا صرفه وي هالماي…وبعديين وياهم.. والله قهر
حرام حرام ليش راس الخيمة مشعورة لا ماي و لا كهربا و شوارع مثل الناس
انا امسمنها الامارة المقهورة و المظلومه و لا انسى انها مشعورة يعني ما لها حظ فهالدنيا:cool:
جنكيز خاان لو سمحت لا تغلط على راس الخيمه.. نحن مب اماره مقهوره
و حتى لو فيها عيووب نحبها ونعشق ترابها بعد ومانرظى حد يسيء لأمارتنا الحبيبه…
فييها كل شي الهدوء واليبال والخظره .. وناسها طيبيين وطموحييين
وبعديين كل اماره لها عيووب.. اذا راس الخيمه فيها مناطق ماعندهم كهربه وماااي دوم… ترى اماراات ثاانيه فيها أشياء غير…
بس نحن هالراس الخيمه يووم مايعيبنا شي نشتكي ومانسكت غير عن باقي الامارات…
من سنيين ونحن أي شي غلط في الاماره نقوله علني وما نستحي لأنه حقنا كشعب والاماره المفروظ توفر لنا متطلباتنا الشرعيه.. وها شي حظاري انه نطالب بحقوقنا ونحارب الظلم بأسلوب راقي…
عندك مثال يووم انتشرت بيوت المساجاات.. حرييم اسيوياتوروسيات بسوون مساجات حق الشباب وطبعا معظم هالبيوت دعاره.. الناس طالبو بوقف هالشي.. وطبعا عقب مده وتعب وهلاك من قبل الشعب أوقفو هالبيوت
بس المهم انه في النهايه اوقفوها وها من حنتنا ومداومتنا على وقف هذا المنكر…ز
ووايد أشياء ثانيه…وانشالله ياي الدور عالكهربه والماي ما بنسكت لا تخاف نحن مب مقهوريين يووم ما يعيبنا الشي نقووله وباسلووب…
المقهوور اللي ما يرووم يرمس ويكتم في قلبه
وداعة الله
فديت هالبلاد … شقد مشتاقلها …:cool:
اشكركم اخواني على مداخلتكم واحنا فعلا مش اماره مقهوره احنا الناس اتعرفنا ميصح عدنا غير الصحيح وادئما اناقش مواضينا بحرية مع اشيوخنا ونقول عن كل شيء اضيقنا بصراحة
السموحه
كل واحد يشتري مكينة للتحلية ويخليها في البيت..
يكون ما فيه مشاكل..
شوف توقيعي بطارية عشان اشتغل زين..والحين ما أحس بمشاكل:D
مب قصدي بس الي اشوفه
و صدق الحقوق يبالها حلوووووووووووووووووووووووج
تسلم اخوي .. من طييب اصلك ومرباك 