مرة كنت سايرة عرس واحد من الأهل بس من بعيد، يعني ما اعرف كل الحريم المعزومات، المهم أكيد كل وحدة ياية و يابة وياها شغالتها و عيالها، أكيد بترتبش و بتنسى عيالها عسب جذيه يايبة شغالتها ويّاها.
شوفوا المشهد هذا ويايه … الكل مرتبش ، الحريم مرتبشات يسلمن و يعاتبن ربيعاتهن، طبعاً و الشياطين ترقص على روسنا من أصوات و طبول الفرقة ( فرقة الرياييل ) يعني اللي عندك ما تروم تسمع شو يقول لك، و يا الله يا الله بتسمع لما الفرقة توقف الدق و التطبيل… عااااااااادي شراة كل الأعراس … – المهم ألحين – الكل مرتبش، مجموعة من الشغالات ( الخادمات ) يالسات على طاولة وحدة صاحباتهن نشن يسلمن على الحريم يعني مب حاطات البال عليهن ( مب منتبهات ) و لاّ وحدة منهن تظهر كاميرا و تيلس تصوّر ربيعاتها من الشغالات بس في الخلفية ( في خلفية الصورة ) أكيد راح تظهر صور اعراااااااااض خلق الله و القهر محد حاس بهن، و لا المصيبة كل وحدة تصور ربيعتها ( الله ياخذها هي و ربيعتها ) كل وحدة صورت الثانية صورتين و هن ثلاث شغالات يعني عدد الصور 6 صور في العرس ok و اعراض خلق الله، المصيبة يتصرفن شراة الحرامية خشن الكاميرا لا بارك الله فيهن و في نفس الوقت صوت الفرقة العالي يبط الراس الواحد ما يروم يرمس.
في البداية اشتغربت من الفلاش، بس بعدين انتبهت انهن يصورن، الحمد لله كانوا بعديدين عني و عن بنات عمي، بس حرام أعراض خلق الله.
* قصة ثانية:
مرة وحدة الله يستر عليها كانت رايحة البقالة تشتري اغراض، شافت شغالة وحدة من يرانها (جيرانها ) و في ايدها ألبوم صور يايبتنه عسب يشوفه صاحب البقالة ( لا بارك الله فيه و لا فيها)، بس السؤال صور منو ؟!!!
هيه … نعم صور أهل البيت، و يمكن بعد صور بناتهم وهن متكشفات يعني بثياب البيت لا شيلة و لاهم يحزنون… مب حرام الواحد يأمن الكفار على أعراضه و على أهل بيته.
* قصة ثالثة:
مرة حصلنا صورة بنت اليران ( الجيران) و هي فال**الة … لا تضحكون السالفة ما تضحك لأن الصور هي صور بنت مب معرسة، الشغالة المسيحية عقت ( رمت ) الصورة في ال**الة آسفة حذال درام ال**الة في الشارع، و البنت بثياب البيت يعني لا شيلة ، البنت حليلها ما تدري Otherwise ( والا) بتذبحها و بتنسّيها حليب امها، في نفس الوقت البنت هذي ربيعتي، الحمد لله قدرت آخذ الصورة و أخشها عندي و أستر على ربيعتي، على الأقل أحسن عن ايشوفها واحد نذل يترصّد أعراض خلق الله و ما يخاف من الله.
انتهى … ( هذي القصص غيض من فيض ) اخواني و خواتي احذوا الخادمات و خاصة اللي مب مسلمات
Melody
وين الرقابة ؟ ليش يخلونهن على راحتهن وما يراقبونهن ؟
وبعدين أستغرب وايد من الناس اللي يخلون بشكارتهم
تظهر من البيت بروحها …. البشكارة من تظهر من البيت خلاص
محد يروم عليها فالمفروض ما تنعطى هالفرصة !
وبالخص انه الآسيويين ماشالله تارسين بلادنا وممكن ينقص
عليهن بسهولة ويستغلونها لأغراض دنيئة .
وسالفة الصور الأفضل أنه ما نتساهل فيها لهالدرجة ..
في رايي انه التصوير اذا ما كان لضرورة فما له داعي ..
محد يامن على عرضه في هالزمن .. وشو الداعي اني
اصور ابلا حجاب ؟
ترا نحن مرات نتصرف ابلا تفكير ونرد نلوم غيرنا .
بس انتي ليش ما خبرتي على البشكارات اللي
كانن يصورن ؟ 😉
لو انا منج بخذ الكاميرا عنهن وللا بخبر عليهن … وتراني سويتها مرة في عرس 😀
تسلمين اختي عالتنبيه ويزاج الله كل خير .
الوحدة منهن كل همها الخقة والتفاشر
والشغالات صارن أهم من البيت.. لأن الحريم عندنا يتحاسدن امبينهن وفيهن **ل عجيب
رقاد وتشخير ومسلسلات واغاني ومجلات… وفي النهاية تخمة
العتب على طباعنا وعوايدنا اليديدة..
والله يحفظنا من أنفسنا..
ومشكورة يانغم على الموضوع
أساسا ما يجوز أحضار خدامات إلى البيوت..
ولكن الخطأ منا والنتيجة..لا بد أن تكون كما في القصص..
وللأسف مقصرين صراحة في هذا الأمر..
الآن ما يخلو بيت من شغالة إلا إذا كانوا فقراء..وإلا ما رحم ربك
نسأل الله السلامة..
والبعض ما يكفيه شغالة واحد يجيب عشر شغالات..
الله المستعان
نعم .. اذا كان البيت متطورا بالافكار الغربية فسوف تشعر الخادمات بالحرية المطلقة.
معظم الناس عندهم خادمات و لكنني لم اسمع مرة انها عملت شيء من ما ذكر.
لأن هناك رجال يعرفون كيف يتعاملون مع الخادمات و يحددوا حدودهن في البيت.
و الخادمات بشر أيضا و إن أحسنت معاملتها و أحسنت إليها فلن تستطيع أن تفعل من ما ذكر في الموضوع و لن تنسى الجميل الذي يقدم لها.
و الخادمات عندنا مثل واحدة من اهل البيت فنخاف اليها و لا تظهر في الشارع أو الى البقالة و إلخ
فبرأيي الشخصي و برأيتي الواقعية أرى أن العيب و الخطأ من أهل البيت نفسهم التي بها الخادمة المنحرفة إن صح التعبير.
هذا و بالله التوفيق
الحين مادري هم شو يبون يالسين يصورون المعرس والعروس بس للاسف انهن مسلمات مب كافرات
ميلودي تكلمتي عن موضوع مهم وهي صور البنات وايد سوالف استوت على الصور وانا اشوف من الافضل ان الوحدة ماتتصور الا للضرورة ماله داعي البوم وذكريات ومادري شو
شكرا على الموضوع
ترا نحن مرات نتصرف ابلا تفكير ونرد نلوم غيرنا
للأسف مب مرات … في ناس عاطيه عقولها اجازة مفتوحة
بس انتي ليش ما خبرتي على البشكارات اللي كانن يصورن
الشغالات كانن يصورن بعض … بس في خلفية الصور ممكن يظهرن الحريم … و الله من صوت الفرقة ما رمت اسوي شيء … ثانياً ما اعرف صاحباتهن … و غير جذيه … صورن بسرعة و خشن الكاميرات:o
لو انا منج بخذ الكاميرا عنهن وللا بخبر عليهن … وتراني سويتها مرة في عرس
و الله زين تسوين … و للأسف صارت نفس الحركة في عرس ولد عمي … بس لحقناهن و خذنا الفيلم و قطعناه …
ويزاج الله كل خير
و اياج اختي جمرة غضا
رقاد وتشخير ومسلسلات واغاني ومجلات
للأسف كلامك صح … الوحدة كل همها راحتها و خدمة ريلها و عيالها على الشغالات:(
والله يحفظنا من أنفسنا
آمين
مشكور اخوي على المرور
والبعض ما يكفيه شغالة واحد يجيب عشر شغالات
للأسف بس للتفاخر … وفي ناس اتييب سواقين و زرّاعين بس للتفاخر:confused:
مشكور اخوي الحسام على الرد و التواصل
الله يعينا و يستر على بنات المسلمين
اللهم آمين
مشكورة الغالية على الرد و التواصل
و الخادمات بشر أيضا و إن أحسنت معاملتها و أحسنت إليها فلن تستطيع أن تفعل من ما ذكر في الموضوع و لن تنسى الجميل الذي يقدم لها.
للأسف مب الكل … في شغالات يبين فيهن الزين و بعضهن اعوذ بالله … عليها حركات و ما اتيي الا بالعين الحمرة
يعني يا اخوي ما تقدر تعمم على الكل
و في شغالات يخربن غيرهن من الشغالات و يسممن افكارهن
:confused:
يزاك الله خير على الرد و التواصل اخوي