[c]
سلام على أعضاء أحلى منتدى في مجرة درب التبانة …:D 😀
الصراحة موضوعي اليوم موجه …
لطلاب وطالبات المدارس
أقول لكم تعرفون الدولة كم تخسر على تأليف وتدقيق وطبع كتبكم …
اللي أخرتها ساحة المدرسة مقطعة ومنتفة …
سؤال يفرض نفسه … انتوا بينكم وبين الكتب ثار جديم ؟؟؟:D 😀 لأنه هذا هو التفسير الوحيد للي تسوونه ..
بغض النظر عن الكتاب المعقوق لا تنسون انه مذكور فيه اسم الله في أكثر من مكان … في صفحة البداية والخاتمة وفيه آيات قرآنية …
فحافظوا على كتبكم للفايدة … هالمعلومات اللي فيها يمكن اي عليكم وقت وتدورونها … سووا لكم مكتبة تستفيدون منها عقب …
إقتراح لوزارة التربية والتعليم ..
1- كنت بكتب فرض فلوس على الكتب بس في ناس واايد بينظلمون … ماقدر اقترح غير شي واحد …
كشرط للإنتقال للمرحلة الصفية الجديدة :
1- تسليم الكتب كلها في يوم أخر إمتحان نظيفة ( عشان يكتبون ملاحظاتهم بالرصاص 😀 😀 أحسن أو على نوته ) ..
2- اللي ما بيسلمهم يتحمل نتيجة هالتصرف ويدفعونه ثمن الكتب …
عشان ماتخسر الدولة فلوسها على طبع كتب يديدة تعطي الطلاب الكتب المستعملة … وهي كتب نظيفة يستفيدون منها …
والسموحة لو طولت عليكم …
[/c]
تسلم أخوي على الموضوع وعلى الاقتراح الجميل.. وسلمت يمناك على هاي المواضيع الرائعة اللي اتقدمها للمنتدى..
والسموحة..
انا عني شخصيا كتبي كل عام عقب ما تظهر النتايج اطرشهن لولد عمي لانه اصغر
مني بمرحله واخذ كتب ولد عمي اللي اكبر عني بعام عشان استفيد وشو بعد بس:D
اللغه العربية واللغة العربيه..
وآخرتها تأتي الرياح بما لا تشهي ….
قوية صح:D
اما اقتراحك بخصوص الكتب..محد بيسمع لك وبعد بتلقاهم يلعبون لعوبهم فيها
الاحسن يسوون لنا مشاريع كتب لاكثر من سنه..
شرات الجامعه..كم مساق من نفس الكتاب..يعني حركة تغصبهم يحتفظون بكتبهم من العبث فيها آخر السنه
وسلمتوا:cool:
نعم هذه الكتب فيها من النفع العظيم فحافظ عليها ؟
فالوفاء بالأمانة بين المسلمين أشد ونقضها اعظم وكل شيئآ استرعاك الله أياه فهو أمانة فلنحافظ على الأمانة أو تضعها وقف لله ؟؟؟؟ أو ارسل هذه الكتب إلى الخارج فهم بحاجه اليه ومعذره على الأطاله
ويعطيك العافية
اخوي بشتخته
وتسلم حبيبي
علي الاقتراحات
والله كان تسليم الكتب في اخر يوم موجود عندنا في السعودية
وما تاخذ النتيجة حتي تسلم الكتب
لكن الان اختلف الوضع
ومعاد فيه تسليم الكتب في اخر امتحان
عن نفسي انا اعطي كتبي لاخوي اللي اصغر مني و يا ريت يستفيد منهم 😀
اخوكم
ال***اوي
أم سعود مشكورة على الرد والتواصل … وهذا من ذوقج .. وان شاء الله توصلهم المقترحات ونستفيد من الكتب بدل هاللي يستوي الحين …
حلوة دبي تسلمين على الرد وهذا اللي تسوينه هو عين العقل وفيه الفايدة بس يمكن فئة بسيطة اللي تسوي مثلج والأغلبية تعق الكتب …
مطر ماشاء الله تتطنز الغالي ماعليه هذا كله على الحساب 😀 😀 وإقتراحك جدا جميل ياريت يتطبق بعد … تطلع منك فناتك …
المحب للخير تسلم اخي الكريم على مرورك .. ورأيك صحيح أخي الكريم بدل أن يلقون بالكتب يبعثونها للخارج ليستفيد منها المسلمين في الدول الفقيرة … وتسلم الغالي على الرد …
فتى السعودية تسلم على الرد الغالي .. وحركة حلوة هاي اللي تستوي عندكم … بس ليش لغوها …
***اوي تسلم الغالي على الرد … واللي تسويه عين العقل … واسمي هو بشتخته
[/c]
هذا الشي مطبق عندنا في البحرين … وأول سنة طبقوه ماكنت ادري طبعا .. لكن يوم تسليم الكتب انقص ظهري وانا امسح ال***بيط .. المشكلة كلها تعليقات على المدرسات ولا جان مامسحتها .. بس عاد كنت صغيرة 😉 😉 😉 :rolleyes: :rolleyes: ماكنت ادري ان التعليق على المدرسات عيب 😉
أنا عن نفسي ايشي الابله أو الدكتور يقوله لازم اكتبه في الكتاب حتى التفله اذا تفل نكتبها
ولو الوزاره خذت منا الكتب الصراحه ما بعطيهم فيها ذكرياتي وسوالف سب فيها فظايحنا
اما عن كتبي انا لحد الحين محتفظه بكتب ثانويه العامه
مينونه 😀 😀 كنتي تعلقين على المدرسات عيل … 😀 😀 ماعليه حتى احنا لين الله هدانا وبعدنا عن هالسوالف … وتسلمين على الرد .. 
صدى الأحزان أهم شئ تحتفظين فيها … مو تعقينها مثلهم …
يعني تستفيدين منها وممكن يستفيد غيرج … تسلمين على الرد … ذكريات فيها عيل كله تعليقات صح 😀 😀 😀
[/c]
وياريت يووصل للوزاره