و بدون توفيق الله سبحانه و مساعدة الوالدين كانت حياتنا شيء ثاني
كل يوم الصبح لما تنش تحس بايد تمسح على راسك و صوت ناعم و بسمة حلوة
ترفع راسك فتقول لك : يا الله يا ولدي وراك دوام أو يا الله يا بنتي وراج دوام نشي يا حبيبتي
هذه هي الأم … بكل الحب و الحنان اللي في قلبها ، تهّون عليك الصعاب و تدعو لك بالتوفيق
يا الله اخواني و خواتي كل واحد يذكر موقف مر و أحد الوالدين ساعده فيه ( أو الوالدين معاً ) و حس في الموقف بحنان أمه و أبوه
تسلمين اختي على الموضوع الحلو …
والله الوالدة الله يحفظها لي مواقف وياها فديت روحها غير …
يوم توفى واحد من ربعنا في حادث كان الوالد مسافر وانا راجد … وحجرتي ملحق بروحي في البيت ماحسيت الا والباب يتبطل علي بقوة ومطر داخل يوعيني … يقول لي قوم … فلان عطاك عمره …
والله اني شهقت شهقة وبغيت امووت … ويودت عمري وسرنا نصلي عليه واندفن المرحوم الله يرحمه ويغمد روحه الجنة …
وتميت انا في البيت ياتني حالة هيستيرية لأنه كنا سهرانين قبلها بيوم معاه ومافيه شي الريال …
والله أذكر امي اتي وتيلس عند راسي وتحط راسي في ثبانها وتمسح على وتقرا قرآن … وترمسني وتحاول تضحكني … وتأكلني بإيدها اسبوع على هالحال لين هديت وبديت اتحسن .. والله لولا وقفتها معاي ماعرف شو كنت بسوي …
الله يحفظها لي ويطول لي بعمرها يارب … ويقويني على طاعتها
[/c]
[sound]http://www.anashed.net/audio/antomfialqalb/ya_amy.rm[/sound]
موضوع ولا احلى
امممممممممم
كثير سوالف
احيد ايام كنت في الابتدائيه
يت دوريه شرطه(كريل) وخذت مني سيكلي (ايام السياكل الكشخه)
ههههههههه
😀
رديت البيت وانا اصيح
🙁 🙁 🙁
لا تضحكوا علي كان عمري يومها 10 سنوات يا حليلي
ههههههههههه
🙁 المهم خبرت الشيبه الله يحفظه لي
اكيد قال في نفسه ذاك اليوم خلني اطلع سيكله لا يتعقد الولد من كل شي يوم يكبر
هههههههههههههه
المهم سرنا انا وابوي وطلعنا السيكل من الحجز
حشا مب سيكل
بورش كايين
😀
😀
عاش سيكل الBMX
منو يداعس 😉
احب اذكر لكم المواقف اللي ابدا ماراح انسها……
واعتبرها دين علي لازم ااديه لعيالي اذا تزوجت انشاء الله
منو مايذكر الضرب اللي كنت انضرب بسبة المدرسه ونشة الصبح ولولا الضرب ماوصلت لهاالمستوى
وغير الحرمان من المصروف…. الله يخليكم يالوالدين والله علمتوني الاقتصاد
والله لو شو بقول ماضنتي اعطيهم حقهم ؟؟؟؟؟؟؟؟؟
رضى الله من رضى الوالدين الله يحفظكم لي انشاء الله
والله أذكر امي اتي وتيلس عند راسي وتحط راسي في ثبانها وتمسح على وتقرا قرآن … وترمسني وتحاول تضحكني … وتأكلني بإيدها اسبوع على هالحال لين هديت وبديت اتحسن
الله يخلي لك امك و ابوك بشتخته
و الله الحياة ما تسوى شيء بدونهم
سلومي … حلو ان ابوك الله يحفظه فهمك و سار ويّاك عسب ترجعون السيكل
– ألحين دوري أنا …
الموقف الأول مع الوالد … الله يحفظه
==========================
مرة لمّا كنت صغيرة يعني كان عمري يمكن 3 أو 4 سنين كنت واااااااايد أحب العب عن عتبة باب الحوي
و مرة كان الوقت ليل و يلست العب بالرمل عن عتيه الباب و رجدت
يعني شكلي غلط … ياهل رجده بروحها عند باب الحوي … يمكن أي حد يشيلها ويّاه
و ما حسيت الإ واحد عود يشيلني في صدره … رفعت راسي و لا أشوف الوالد الله يحفظه شايلني … شو سوّيت حطيت راسي على جتفه و رقدت … اتطمنت أنه الوالد
و كان ميلس الرياييل جريب من باب الحوي … و لا الوالد يدخلني الميلس عند الرياييل و يقول لهم انا بسير اودي بنتي رقدت عند باب الحوي و لأول مرة في حياتي حسيت أني مستحية مع اني كنت صغيرة على أيامها
😮 😮
و بعدين وداني و حطني على الفراش … و خبر امي عسب اتظف ايديني و ريلوي من الرمل
موقف حلو 
موقف مع الوالد و الوالدة الله يحفظهم
=========================
كان عمري على ايامها 9 سنين و كنت مريضة فخلوني( الوالد و الوالدة ) ارقد عندهم في الحجرة و طول الليل ما رقدت من المرض و الخوف
لأول مرة في حياتي ما ارقد الليل
و لمّا صار و قت صلاة الفير نش الوالد و نشت الوالدة
و لاحظت اني مب Ok خبرت الوالد … الله يحفظهم و خذوني للمستشفى
كانت حمة حارة و باردة
و حليلهم ويّاي من مستشفى لمستشفى و من عيادة لعيادة و ماشي فايدة
يعني يمكن اسبوع كامل مريضة و حالتي لله طول هالمدة الوالدة ويّاي ما تودرني بروحي تسهر عند راسي و تأكلني
لو هي كانت مشغولة الوالد ييلس عند راسي ويأكلني
و يقرأ على القرآن
و الحمد لله الله شفاني
موقف مع الوالدة الله يطول بعمرها
=========================
كنت واااااااايد مشاغبة و اتحرك وايد ( حتى و انا في الإعدادية ) في المدرسة
و طحت و انرظت ريلي …. و الله عوار ما بعده عوار
يهّلك و الوالد على ايامها كان عنده زام ( مناوب ) في الجيش
و الوالدة خبرت الوالد Melody طاحت و تعّورت و محد عندي يوديها المستشفى و هي ما تروم تمشي
بعدين الوالدة خبرت عمي و وداني المستشفى طبعاً و الوالدة ما ودرتني و لا دقيقة
و لمّا رجعت البيت حطيت على ريلي أدوية شعبية و يلست تمسح على راسي و تسألني لو بسير المدرسة ولا لأ
قلت لها … أكيد بس عندي امتحان و ما ذاكرت من العوار
خلاص … هي سارت ترقد
و اليوم الثاني الصبح حصلتها تمسح راسي و تسألني لو صرت Ok و لا لأ
حركت ريلي … سبحان الله جنها كا كانت مرظوظه
قالت لي : أمس طول الليل أدعي لج
فديتها الغالية … الله يطّول بعمرها و يخليها لنا ذخر هي و الوالد
بانتظار باقي الردود
والله أنا لو أيلس من اليوم لي باجر ما بوفي بحقهم الله يعطيهم الصحه والعافيه ويطول بعمرهم ان شاء الله…
والصراحه أنا بدونهم ما أعرف أسوي شي ولازم أشاورهم في كل شي
وبالنسبه للمواقف والله وااااايد وما اذكرها:D 😉
تسلم أخوي بشتخته ع النشيده
أنا بدونهم ما أعرف أسوي شي ولازم أشاورهم في كل شي
مشكورة اختي الشبابية انا شراتج ما اروم أسوّي شيء بدون ما أشاورهم
يلا وين الباقييييييييييييين
في الإنتظار