شحالكم ربكم بخير ونعمه
خاطري أتخبر كل بنيه أدش أهني
وأظني هالسؤال يخطر عبال أي ريال فهالدنيا .
أبتخبر عن مقياس الرجوله اللي أطالع فيه البنيه الريال
هل بيكون من ناحية ماله وحلاله .
أو بيكون من ناحية فلسفة ومريلة وصفاته
أو بيكون من ناحية سلوكه وجماله
أو بيكون من ناحية شموخه وكبريائه .
ومنكم نستفيد 😉
فالجوهر.. هو المقياس اكيد..
يشمل الدين والاخلاق..
وكل شي عقبهم تكميلي
<body onUnload="window.alert(‘ولا شو تشوفون؟’)">
وانت في رااايك انك بهذاااااااااااا المعنى……………؟
والأخلاق ما اتي الا من الدين ..
ومن توابع الأخلاق انه يكون انسان محترم وانسان غيور على عرضه واهله وما يرضى عليهم بشيء .. وانه يحافظ عليهم ويحميهم..
ويحتفظ بخصوصيتهم .. وما يطلع الأسرار لبرع .. او حتى يعطي فرصة لأي حد انه يتدخل او يتطفل …
واهم شيء انه يكون مداوم على صلاته .. فهي تهدي الى الصراط المستقيم …
وصلة الرحم .. لكل من اهله واهل الزوجة…
وغيره الكثير الكثير من الصفات المهمة (مثل الكرم والشخصية الحلوة .. والصلات الإجتماعية مع الناس .. وما تكون عينه زايغة بعد…))وغيره وغيره ..
بس شو يا اخوي .
جنك تبى تعرس …؟؟!!:cool: 😎 😎
أهم شيء في الريال أن يكون على خلق و دين دون النظر إلى الصفات الشكلية أو الحالة المادية لقول الرسول _عليه الصلاة و السلام_"إن جاء من ترضون خلقه و دينه فزوجوه "
و بعد ذلك الحالة المادية و مدى استعداده لتحمل المسؤولية و رعاية الأسرة من جميع النواحي
سكون
واخلاقه تكون عاليه يسامح + يعرف ربه"يخاف من الله"+الصفه اللي اتمناها
ومش شرط تكون موجودة رومانسي:D "شو جني قمت اخبص"+يشتغل عشان
يكد ع عمرة وع حرمته مستقبلا +صفه تعيبني بعد مش شرط تكون موجودة:D
مرح ودمه خفيف 😀 والخير خيرين لو يكون عنده فلوس:D
شكلي خبصت عدل
وياحلوة دبي شكلش طمااااااااااااااعه ؟!
وبعدين متعلم على نفس مستوى تعليمي أو أكثر المهم مخلص الثانوية
وسيم وجميل
أنيق
طيب وحبوب
راتبه زين أو بالاصح شغله زين
#G# #G# #G#
وشو عن الشباب؟؟؟؟
يعني لازم تتواجد فيه كل الصفات
يعني الدين ميعوض الجمال والخلق
والمال ميعوض على السلوك ؟
والله عن نفسي .
أول شي دينها وشخصيتها
خلاف سلوكها ونسبها
وأخر شي أظني بيكون الجمال
لأن الجمال بين يوم وليله .
اولا ديــــــــــــنه…واخلاقه طبعا………مع شكله يعني مع بعض……
وبعدها….شخصيته…….و مركزه فالمجمتع…….و من الناحيه التعليميه بعد….
وبعدها……يهمني اعرف اصله و من اي طبش………..يعني لازم الوحده تفكر بالمستقبل من هالنقطه طبعا……(( مستقبل عيالها طبعا))…
و يكون بعد مركز و عنده امكانيه…و من كل النواحي……
بس…..هذا اللي يهمني..:rolleyes:
بس الريال الذرب السنافي
ميعيبه الشكل ولا المركز
وعقولتنا ميعيب الريال شي