شحااااااااالكم .. و علوومكم .. عساكم مرتاحين وعال العال ………
طبعا في وايد جامعات وكليات عندنا هني في الدولة … (( العلم مقطع نفسه)) لوووووول
انزين … بس حبيت احلل شخصيات الطلاب والطالبات في كل مؤسسة من مؤسسات التعليم العالي
(( احلىىىىىىى تعليم عالي )) ههههههههههههههههههههههههههههههههههه ش
بسم الله نبدأ ..
جامعة الامارات:
الطلاب : داشين الجامعة غصبن عنهم … اهلهم غاصبينهم يدرسون هندسة ولا طب عشان يخقون جدام العالم (( اناااا ولدي يدرس طب !! )) ولا هم مووووول مايخصهم في شي اسمه درااااااااسة !!
الطالبات : وحلييييييييييلهن وايد وايد مغلوبات على امرهن .. كل شي ممنوع .. مافي شي مسموح !! (( انزين ليش الشباب عادي سامحيلهم بالموبايل والبنات فصل !! )) والللللله حاله .. بس بنات جامعة الامارات معظمهن شاطرات .. و ايجيبشنات !! لوووووول … الله واكبر عليييييييييي !! ماشاء الله .. طبعا اكثريتهن مايعرفن يكشخن … يكشخن بززززززيادة و يتحرن عمارهن كاشخات !!! وحليييييييييييييييييلكم !! لوول
الحين ننتقل لكليات التقنية :
الطلاب : تخرجوا من الثانوية بنسبة ضعععععععيفة … (( مسويه رجيم )) لوول … مساكين مافي كليه ولاجامعة بتقبلهم الا التقنية !! مايخصهم بالدراسة !! كل همهم لعب وهياته !! يبون يخلصون ال CD عشان يشتغلون ويفتكون !!
الطالبات : بعد نفس الحاله … نسبة الثانوية ضعيفة … ماتهمهم الدراسة ,, اهم شي الكشخة و اللبس اللي كله ماركات !! و السكارف والشنظه نفس الماركة فندي ولا مسكينو ولا بولغاري !! لا و اذا سألتها عن الاغاني المفضله عندها بتقوولك المعلاية !! لووووووووووووووووول .. (( انا ما جد شفت وحدة في التقنية ماتداني المعلاية )) !! لا ودوم يعايرونا ( نحن اول مانتخرج شغلنا جاهز ) اللي يسمع يطيييييح واقف … ليش يبونكم الا دبلوم !! ويييييييييييييييو
جامعة زايد :
بنات ماااااااااهمن الا CHATTING ALL THE TIME ..
و طبعا معذورات .. ماشي شغل كله بريكات .. عنبووووووووه بريك 5 ساعات !! هاي ماصارت ولا في اي جامعة في الدنيا !!… دش اي موقع Chat من الساعة 8 الصبح و جيك ال اي بي مال الموجودين في الموقع … بتحصلهم يا من جامعة زايد .. يا من امريكا ! (( ترا هذيلا الفاضين )) ………. اللي يشوف الوحده يقول هاي الشطارة مقطعة بعضها !! جدامها الاب توب و مايخصها في حد .. وهي مناك يالسة تسولف على التشات ولا الماسنجر !! لوووووول …… الحق يقال .. في منهن بنات كشيخات !! بس الاكثرية ايييييييي شي !! لوووول
جامعة عجمان :
اكثريييهم شطار … و ماهم الا الدراسة .. لا لعب ولا مصخرة … يعني بالمختصر دحييحييييييييييييييين !! ماشاء الله !
كلية الاتصالات:
شباب شطار ماشاء الله !! ماشي شغل الا الدراسة ثم الدراسة .. ثم الدراسة !! هندسه بعد شووو لازم ياكلون الكتب اكل … ماشاء الله عليهم لا طبعا خقاقين الواحد منهم يقول انا عقب بتخرج و بكون مهندس يعني انا فوووق وكلهم انزل عني .. !! ماشي وقت حق لعب و كلام فاظي !!
الجامعة الامريكية :
(( مستانس وايد)) لوول
شبااااب وبنات فرييييييييييييي !! لعب و مصخرة .. 99.9% منهم داشين بس يلعبون … وطبعا مايكملون سنه الا يظهرون منها … يتحرون الدراسه سهلة .. طبعا ماخذين مقلب مساكين !!
دش الكوفي شوب اللي عندهم ( ستار ب** ) بتطلع وبتقول اعوذ بالله .. عذا كافيه في جامعة !! بار .. لوووووووووووووووووول
بس في اقلية داخلينها عشان الدراسة .. الله يوفقهم ….
جامعة الشارقة :
طلاب: اذا كان الطالب شاطر متخرج من علمي بيدخل كلية الهندسة … طبعا سنه وحدة و السنة اللي بعدها بيشيب شعره و بيحول ادارة اعمال !! هنيه شي اختيارين … يا انه يكمل في الادارة .. يا انه يحول إعلام !!
وطبعا بيتخرج من الاعلام بس بييييييييييييييييلس ماعنده شغله لانه اعلام جامعتنا بييييييييييييزط !! يعني اي شي … فالافضل انه يشد حيله من البداية !!
اما عن طلاب الشريعة والقانون فهذيلا تشوفهم مجتهدين .. وشادين حيلهم .. كل واحد شايل له من هالكتب قوم بو 1000 صفحة و فوق و يمشي … مساكين يبالكم عربانه حق الكتب !!
طالبات : على حسب الكلية … بنات كلية العلوم الصحية
والهندسه
هاااااااااااي
ماتشووووووفوونهم الا سنة اولي … وبعدين ياااالله في السنه احسنه .. مساكين متقوقعين على بعضهم في مبنى كليتهم و مايظهرون … 🙁 طبعا بنات شاطرات جدددا جدااا … و تلاقي الوحدة متخرجة من الثانوية بنسبة 95% فما فوق .. ماشي كشخة …. الوحده منهن تي الجامعة بجلابية البيت .. لافه الشيله اي شي .. و ماشي ولا نقطه ميك اب (( الواااااحد كم بيعيش )) لوووووووول
أما عن بنات الشريعة والقانون طبعا متمسكات باللبس الشرعي .. عباه على الراس و نقاب .. الله يحفظهن ان شاء الله ….. و ماهمهن الا الدراسة .. هم الوحيدات اللي ما يتأخرن في التخرج ..
بنات ادارة الاعمال .. عاد هذيلا احلى بنات في الجامعة شرات هالباربي
… كشخة و وناسه .. كل وحدة يايه الجامعة جنها يايه عرس لوووووووول … شنط و سكارفات و نظارات كله ماركات !!! معظمهن شاطرات بس المعظم الاخر مايهتمون و يصحون الا يوم يوصلهم الانذار الثالث .. هاييج الساعة تستوي الطالبة ايجيبشن ماشاء الله !!! احلى شي سوولهم اياه انهم فتحوا الماسنجر في اللابات .. تشوفهم معسكرين هناك !! لوووول
وسسسسسسسسسسسسسسسسسسسسسسسسسواااااااااااااااااااالم !!
بدوووووون زعل بلييييييييز ..
اختلاف الرأي لا يفسد في الود قضيه 😉
و الله ما جذبت عن جامعة الشارجة ..
ومثل ماقلت .. اي بينة تدخل هندسة ..بعد السنة الأولى تشوفها محولة إدارة أعمال .. 😀
الهندسة ما يبالها اي حد .. يبالها ناس يقدرولها ..
مصدقة عمري:cool:
حتى احيد وحدة كانت تبى تحول من الهندسة للإدارة ..
عميد كلية الإدارة حرج .. وقال : جيه كلية الإدارة م**لة الهندسة ..:D
وا للي بيجتهد ما بيتأخر عن التخرج
يعني نحن الحمدلله ماشين اوكيه …
وبنتخرج في الوقت اللي حددولنا اياه .. 😉