السلام عليكم …
عندي موضوع وحابه اطرحها عليكم … والموضوع بيرجعكم شويه للورى … يعني أيام الدراسه … الأيام الخوالي … طبعا الكل كان مشااااااغب في المدرسه ppp وأكيد صارت لكم مواقف طريفه في المدرسه … سوء مع الطلاب ولا المدرسين …
يالله أتمنى من الجميع يشاااارك
إذا مااااااااااا عندكم مانع …
والسموحه
وهــــ#G# ــــج
وطبعا كل الي بقوله تدريبه …. مع ذالك بفضح عمارنا شو كنا نسوي …
كانت وحده من المعلمات اسمها فهميه …
تعرفون شو كنا نسميها ؟؟؟؟
بهيمه ….
لين اليوم معفنه في المدرسه ….
المهم …
احنا بين شلتنا …. قارئه العيون ووهج وكم بنت … نسميها جيه ..
في مره كانت قارئه العيون وانا عندها … وكان علينا حصه جغرافيا ..
تاخرنا عن الحصه فتره …. سألتنا ابله الجغرافيا وين كنتن ؟؟؟
عاد الحبيبه قارئه العيون .. ما صدقت جان تقول …. عند ببب
قاطعت رمستها وقلت حق الابله … فهميه …
رجعنا مكانا واحنا فااااااااااااااااطساااااااااات من الضحك … زين يوم ما كشفونا ..:D
هذا اشوي من كثييييييييير…
ومنكم السموحه …#G#
المهم في اول يوم في الدراسة اتفقت شلة المشاغبات انهم يسوون مقلب لأول معلمة تدخل الصف .. وطبعا بدا الشغل .. وحدة وقفت عند الباب "برج مراقبة" والباقي راحوا يشخبطون على كرسي المعلمة بالطباشير ..
وما سدهم بعد حطو الكرسي على طاولة المعلمة ..
دخلت المعلمة الفصل .. وطبعا شافت الكرسي على الطاولة .. اكتفت بابتسامة صفراء .. سلمت .. ونزلت الكرسي واللا انها تتفاجأ بالطباشير .. طلعت المعلمة وااااايد طيبة واكتفت بس بإنها قالت "الحمد لله .. قلبي كبير"
الله ستر .. لو ما كانت هذي الطيبة .. كان الفصل كله راح فيها !!!
وذكرياتنا وااااااااااااااااايد وغير انه كنا نسمي المعلمات اسامي مثل ما قالت دانه العين بهيمه 
(او بهوم للدلع)ومهجنه 
و الاميرة الفاطسه وام خشم وهلول
وغيرهااااااااااااااا من الاسامي اللامعه جدا….
وبسكوت نبيل (ابله العربي) اللي كانت تقولنا نحن ما بنفلح وبنخيب ظنها(انا ودانه العين وكم من بنت) واذا حضرنا نحضر للسوالف 
والاكل لا اكثررررر…
حتى مرة كان علينا امتحان وحضرنا في نص الحصه ولا بعد قواة ويه ما طعنا ننمتحن سلمنا الاوراق وعشان نقايضها ظهرنا الشبيس وتمينا نقرقش 
جدامها(عيني عينك) بس مع ذلك فلحنا(فديتنــــــــــــــــــا)ويبنا نسب ورحنا نقايضها بعد..
ذكرياااااااااات حلوة مع دانه العين وووهج…
تحيدين بسكوت نبيل يوم تقولنا ….(( المغفلات الثلاثه )))
على اساس انا ما نهتم بالمذاكره ….
لا ومره قالت لنا … ان شاء الله يخيب ضني وتنجحون …
قتلها افااااااا ما عاش منو الي يخيب ضنج يا ابله …
قالت لالالالالالالالالالالا كله ولا ده … خيبو ضني ..
ومنكم السموحه …#G#
وصدقتي سوالف المدرسه متخلص…..
انا بقول سالفه استوت وياي صف اول اعدادي….
مس الانجليزي((((معروفه بطولها الزايد…وهبلها…اصلها تونسي و ماتفهم على رمستنا))))
ودوم ما نحضر حصتها..بس يوم طلعة من الصف وراحت تفتر من بنيه للثانيه..عسب تدخلها الصف..وتدخل منهنيه ..ونطلع من صوب ثاني…اخر شي لمتنا….فوحده من الربع..كتبت في ورقه(((حمــــــــــــــــــار للبيع)))ول**ته في ظهر المس…والمس طلعة والبنات كل ما شفنها ينقعون من الضحك..وهي وحلليلها في خبر كان…حتى شافتها وحده من البنات الزلمات وقالت لها…
البقيه عقب
والسموحه…..
مرة من المرات يوم كنت صف اول اعدادي
كان علينا عربي والابله قالت لا ترمسون تبى ترصد الدرجات
وهي وايد عصبية(سورية)
انزين فانا الذكيه بدل ما ارمس قمت اكتب حق اربيعتي وهي تقرا
جان ازخني الابله واتقول:زعفوووووووور(جان انيغ حتى ارتجفت لانها اتخوف وضخمة بعد ….. بعدين جان اتقولي اطلعي برع … قتها حرام اخر مرة قالتلي : لا اخر مرة ولا اول مرة … اطلعي
واحليلي رضيت بالامر الواقع وطلعت ….. فضييييييييحة..
جان اتجوفني الاخصائية وقالت :زعفووور ليش واقفه برع
انا ذكيه قلتها لا بروحي جا اتقول ادخي الصف
فدخلت وقلت لابله ان الاخصائية اتقول دخليني
قالت اوكي بس مب قبل ما اضربج وضربتني ودخلت
شو رايكم بسالفتي … حلوة
زعفووووور… سالفتج وايد حلوه صارت لي مره أنا وقرئة العيون 😀 :D:D
وأنا عندي لكم سالفه بعد صارت لي …
عن مدرسه الأنجليزي .. هي اللي دوم مطفرتنها
مره كانت وحده من ربيعاتي يايبه حلاوه الصف …
وأنا وهي يالسين اول سيد مجابلين شيفتها …
وربيعتي في اول الصف عند الباب وأنا في اخره …
وهي تفر عليه الحلاوه … جدامه .. وأنا اكل عيني عينك ( قوه ويه )
ومره كانت معصبه :mad::mad:وأحنا نتفار بالحلاوه .. قاتلي ( وهج ) أعرف أنج تاكلين حلاوه :D.. ومن ذاك اليوم وأنا اكل حلاوه في حصتها وهي ما تقول شي ..
لازم …طفرت منها ثلاث سنوات ادرسني ما يسوى عليه … عشان جذيه خلتني على راحتي 😎
ودوم ضرايب معاها …
إن شاء الله مره ثانيه بخبركم سالفه من سولفها …
والسموحه
وهـــ #G# ـــج
السنه الماضيه حبينا نطقم بالمريول …. سوينا موديل بس واااااااايد فنان ومخالف قوانين المدرسه ….
لبسناه اول يوم في المدارس … شافتنا الاخصائيه وقالت مااريد اشوفكم لابسينه مره ثانيه .. تعرفون شو ردينا عليها ؟؟؟
قلنالها ..: لا ابله باقي الشيل ما خلصن باجر بيخلصن ..:D
سكتت عنا …. باليوم الثاني … سرنا نتنقز عندها في الاداره ولابسات الشيل … الشيل فيهن لونه ازرق …
عاد اهنيه وقفت تبحلق عيونها علينا ..:eek:
وقالت : حتى الجواتي والزليغات؟؟؟
قلنالها عيل كيف بيكون التطقيم ( قواة ويه ) …
المهم ..قالت لنا … اخر مره اشوفكم لابساتنه … قلنا لها .. اوكي
عاد احنا .. بو لاباس
بعد اسبوع ..ردينا لبسنا اللبس مره ثانيه …
عاد هنيه يوم شافتنا الاخصائيه طرشت المعلمات ينادونا …
ويا قواة ويهنا رحنا ولا جنه مسويات شي … قالت لنا … خذو التلفون واتصلو حق اهلكم خليهم ..ايبون لكم ملابس ثانيه وشيل ثانيه … عاد وهج ما عندها حد بالبيت من صدقها … وقارئه العيون قالت الدريول محد … وانا اتصلت في بيت عمي لاني اعرف انهم محد … وقلت لها محد يشله …:o
قالت انزين روحو داخل غرفه الاذاعه … قلنا لها اوكي … عاد احنا عيبتنا اليلسه .. وقعدنات نسولف حصتين … لا ومن قواة ويهنا طلعنا نبا نسير اونا نشرب ماي .. كل ما نسوي جيه تواجعنا الاخصائيه وتردنا …
وآخر مره تسللت وهج توايج من الباب .. وتناديني وتقول لي .. مب جنه هذي امج ؟؟؟؟:confused:
قلت لها .. لا امي شو بيبها .؟؟؟
قالت سيري طالعي .. يوم وايجت 😮 طلعت امي؟؟؟؟:confused:
رحنا ركيييض نوايج عليهم .. جان ت**رنا الاخصائيه .. وعطتنا الجيسه ..فيها ملابسي انا ووهج ….
وقالت لنا روحن البسن ..
خذينا الملابس انا ووهج … ورحنا عند قارئه العيون …بروحها مسكينه …
قلنا لها انا بنروح نلبس وبنروح الصف …. قالت اوكي …
رحنا عنها وقعدت مع …. وحده من المعلمات العزيزات علينا والي نحبها وتحبنا … والفراشه …قعدت تسووولف وياهم لين يت امها و يابت الملابس لها ..
وهذي سالفتنا ..:D
ومنكم السموحه على الاطاله …#G#
محد صارتله سوالف .. غيرنا ؟؟؟؟؟
محد يذكر ايام … الشردات و المشاغبات ؟؟؟
محد استواله موقف ايام الدراسه ؟؟؟؟؟
نبا نسمع … نبا نطمش …:D
ومنكم السموحه …
والله غبرتو الدنيا علينا بهالسوالف لكن والله الين الحين وخاطري ارد حق المدرسه .
وعلى هالسوالف اذكر كان وكيل مدرستنا وايد اينقع فكان يوم ايصنفر:mad: كان وايد اينقع مثلا:الله يبارك في صفنا كان وايد مشاغب وكل يوم ي**ر شي في المدرسه كانو بعض الشباب كاسرين البالب الي فوق حق الفله طبعا:D يوم صلحو الباب يانا وقالنا طلاب هذا باب مالكم شغل فيه :confused: .
ويوم من الايام ييت المدرسه متاخر يوم دخلت ولا هوووه واقف ويحاضر الطلاب وجان يقوول طلاب اليوم بنعفيكم ومن باجر بيبتدي ضرب وباجر عصا بيشتغل.
وكنت حضرتي دوم اتناقر وياه حتا لو ما عندي شغل ارتز جدامه وتعلثله بشي وفي يوم من الايام قلتله استاذ بغيت دباسه اتخيلو شوقال
قال:ما ادريبه وين صبر بدوره .
يوم حصل الدباسه جان ايقول:هكوووووه 😮
والله عبط
ومره من المرات دش الصف عاد تخيلو المشهد
يفج الباب مره وحده ونحن منشغلين في الحصه ويقول استاذ حمدي ياك ورقه
كلنا مارمنا نيود عمارنا جان ننطر في ويهه:D حليله من القفطه جان يرض بالباب
وفي يوم من الايام بغيت اظهر من المدرسه بس ظهره شريفه بستاذان ما عرفت شو اسوي هاذيج الايام كان مضرب عطر صغييير في مخبايي قلت جيه ما احط في عيني واقوله ابا اسير المستشفى شوفو المستلعن شوقال يوم سرتله :الحين انته بتطلع بعدين بيي سعيد وبيقول ابغي اطلع ولي هوه اربيعي الي مثل ظلي وفلتنا نحن الثنين مع بعض وعلوم وطبوب المدرسه انسويها مع بعض المهم وبعد عناء شديد قال كلم بو خالد الي هوه المدير يوم دشيت عنده المتفلسف ما عطاني ورقة خروج قالي سر العياده وييب ورقه حق الغياب مخ والله ما ادري شقايل صار مدير…. سامحوني عل التطويل
والبقيه تاتي بعدين…
اخووووووكم الصغيييير
R30oo0D
😀 :p 😉 :p 😀