موضوعي عن البنات من الجاليات الاخرى بدون تحديد الي يلبسن العباه والشيله الخليجيه بطريقه ملفته للنظر وبعده ابتكارات من تصميمهن من دون مراعه انا هاي الشيله لها قوانين للي يريد يلبسها اولا:
1. الشيله تنلبس للستر على الراس ولتغطيه الشعر ما تنلبس على الكتف .
2. العباءه تتفصل لتغطيه الجسم مب لتحديد الجسم.
وتنلبس عشان تستر الجسم مب تلفت النظر .
واذا تريدن تلبسن العباه البسنها بها القوانين او مافي داعي تلتزمن فيها لان مافي داعي تلبسنها ان ماكانت من اصول عاداتكن وتقاليدكن انتن بها الطريقه تعطن فكره ان بنات هالبلد ما يتحلن بتعاليم الدين الاسلامي وتقاليد وعادات هذا البلد .. اتمنى انكم تردون على هذا الموضوع 😡 😡 
والمشكله ان هالظاهرة اثرت على سمعتنا كمواطنات 😡 🙁
والسموحة :rolleyes:
والله صدقج .. البارحه كنت في باسكن روبنز ولا وحده داشه شكلها مواطنه؟؟؟ حاطه الشيله على جتوفها ولابسه عباه لازم انسميها "عباه استريج":D
ولا يوم تبى تطلب تقول "محدش عارف ايه بدو يختار":confused: :confused: :confused: :confused:
يعني الحينه الواحد الي بشوفها ما بقول البنت مب من البلاد بقول هاي بنت البلاد جي مسويه بعمرها ..
الله يستر على بناتنا ..
ولا تؤاخذنا بما عمل السفهاء منا :rolleyes:
وسموحه 
وللاسف انا اشوف بنات من المدرسة اخر الدوام (المشكلة انهن مواطنات).. اللي حاطة الشيلة على جتوفها واللي توزع هالابتسامات:mad: 😡
واللي متغشية بشبه شيلة :rolleyes: 🙁
كل هذا من الوافدات .. لين متى بنتم على هالحال.
الله يستر علينا ويبعدنا عن المحرمات :rolleyes:
اخوي الصرصور مشكور المداخلة
والعفو خيتو
ويسلموا
وهذي الظاهره واااايد منتشره في مجتمعنا ،،،، هذولي يلبسن العباه عشان الكشخه ولفت النظر ،،،، وعاااااااد يبدعون في لبسها ….
بس تبين الصدق حتى بنات البلد انتشرت هذي الظاهره بينهم ……
الله يهدي الجميع ..
وانا معاج في ان حتى المواطنات يلبسن هالنوع من العباه 😡 والشيلة:mad:
بس المواطنه لو تغار على تراثهاوعادتها وتقاليدها جان ما سارت وراء هالنوع من البنات اللي غيرنها 🙁 🙁 (وانا ما اقصد كل البنات)
والسموحة
على طرحج لهذا الموضوع
مره من المرات كنا نتمشى على البحيره :rolleyes: محد يقول ليش :confused: وإذا بثلاث بنات يتمخطرن في المشيه وكل وحده لابسه مثل ماقلتي تحريناهم مواطنات ولكن بعد شوي وحده قالت منهم سرنا فوق وله ين تحت بنتم لبنانيات و الله أنا هيج الساعه ماصدقت أبد :confused:
الله يستر علينا وعلى بنات المسلمين
مشكور اخوي على تواصلك
في البداية أشكرك على طرح هذا الموضوع ، وإن دل فإنما يدل على غيرتك على دينك ، والأوضاع المزرية التي انحدرت بها كثير من الفتيات – هداهن الله – ، وأقول وبالله التوفيق :
إن المتأمل لأحوال هؤلاء الفتيات يجد أن العدوى قد انتقلت للغير وللأسف ..
ربما كانت البداية محصورة في جنسيات معينة ، ولكنها أخيراً قد تفشت بين الكثيرات – إلا من رحم ربي – ، وهذا إن دل فإنما يدل على ضعف الإيمان بالدرجة الأولى ، لأن الفتاة الملتزمة بشريعة ربها لا تغرها الصيحات والموضات إن كانت ستؤدي إلى زعزعة إيمانها .
بالإضافة إلى ذلك فإن انقيادها وراء الموضات يدل على ضعف شخصيتها .
نسأل الله أن يهدي بنات المسلمين ، وأن يردهن إلى دينه رداً جميلاً ..
مرة اخرى أشكرك أخيتي السنافية ..
اشكرج اختي السنافيه على طرح ها الموضوع المهم
والله يهدي الجميع
وايد اجنبيات مب بس وافدات يلبسون العباه بطريقه فاضحه بس عشان يشوهون سمعتنا
لا و آخر موضه في وافده قاللتلي ربيعتي عنها تسير القهوة تشيش تقولج : اييش فيها يعني لما بلبس عبايه و بروح شيش نحنا بنشيش فأماكن محترمه !
حشى رياال مب بنيه تشيش لا و تبى تلبس العباه و هي تشيش مب ستر بس تغيير و تشوييه لسمعتنا و لا جان لبستها دووم
وسلامتكم
:rolleyes:
الرومانسية
مشكورين اخواني على الرد وابداء رايكم