منو يأيد ومنو لا واذكرو السبب لو سمحتو 2024.

في سالفه استوت لوحده من الربع..
وبغيت اقولها لكم ..وانتو قولو شو رايكم بهالسالفه ..اوكي

هالبنت خطبها واحد ..بس ابوها رافض فكرت الطلعه وياه ايام الملجه ..عسب جي الريال غير رايه ..وهون عن الزواج ..

فانتو شو رايكم ..في فترة الملجه .وهل اتايدون طلعت الحرمه ويا الريال في هالفتره ولا لا ..وليش؟؟

بالنسبه لي اايدها ..وشو فيها اذا طلعت ..مب ريلها ..اصلا كيف بيتفاهمون اذا ما طلعو ويا بعض ..كيف بيعرف وبتعرف شخصيته ؟؟.
بصراحه في اسباب وايد اتخليهم يطلعون ويا بعض في هالفتره ..

الحين اللي ابغي منكم اتقولون لي ..اتوافقون ولا لا ..ولا تنسون اتقولون السبب

اتريا ردوتكم..

اقصد بكلامي صح ان الابو ليش ما طاع بس ماعليه ما استوى شي يتريه لين ما يعرس ليش مستعيل ?والله عجيبه

اللحين هو خلها عسب هالسبب >>صدق ما عنده سالفه
وماله داعي لطلعات >> وهذا راي :rolleyes:

يعني في ناس هالشي عادي عندهم ..

وناس عندهم هالشي مستحيل إنه يظهر معاها

بس الصراحة اللي سواه الريال مب داخل مخي ..

يعني يتركها بس علشان أهلها رفضوا انها تظهر معاه .. :confused:

يعني في مثل هالحالة .(حالة ان الأهل يرفضون طلعتهم )
يقدر يزورها في البيت .. يكلمها في التلفون .. عادي يعني ..

عيل شو تقولين في العوايل اللي ما يسمحون للريال إنه يشوف حرمته إلا في يوم العرس .. يعني لا شافها لا في الملجة ولا في اي مكان ..

هني صدق غلطانين.. :rolleyes:

و ها اللي عندي

تحياتي

المهم احنا عادي عندنا يظهر ويا مرته في الملجه بس ويا حد من الصغاريه 😀 😀

والله ها الي احيده :rolleyes:

ويسلموا

ومثل ما يقولون كل واحد ورايه..

وانا يوم قلت عادي حل يضهر وياه ..ما قلت بروحه .. يعني مثل ما يقول اخونا الصرصور ..واحد من الصغاريه ..ترا الاهل يعرفون الصغاريه ..ما يجذبون:D

بس ابو هالبت رافض فكرت انه يكلمها بعد:confused: ..عسب جي الريال رفض

واذا كانت على التفاهم ……… يقدر يزورها ويكلمها في التلفون مثل ماقالت عيون ………

تراه في النهاية بياخذها وبتم عنده لين يشبع منها …. ما بتطير البنت

اذا ها الحينه ما رام يتحملها وين بيتحملها بعدين .. :rolleyes:

ويسلموا 😉

وأصلا إذا الريال ملج على الحرمه وأنكتب العقد تحله بكلشي بس نحنا عندنا التخلف ملجه وبعدها ليلة العرش وبعدين عادي الريال يظهر مع الحرمه و الله تخلف عفوا :rolleyes:

أعرف ناس أول ماملجوا على طول سافروا لا حفلة عرس ولا هم يحزنون

تحياتي لكم

صح انها حرمته ،،،،، بس ليش انجوف ان ظاهرة الطلاق وايد منتشره في الملجة ،،،،، لكثرة الاحتكاك بينهما يؤدي الى المشاكل وبالتالي على اي سبب تافه ممكن ان يطلق زوجته ،،،،، يكفي بأن يزورها في البيت والتلفون ..

هذا رايي ….

كل واحد يمشي على هوى أصله….قويه الجملة آسف
ودامه خلاها عشان ها السبب…تحمد ربها ما ارتبطت وياه..و النعم إبو البنت ريال ..و إلي كان يباها كان يقدر ييلس وياها في الميلس في بيت أهلها دام انه مالج عليها..ويسولف وياها ويه بويه لين يقول بس

في أمان الله

اتعرفون انتوا الملجه محد ايعرف فيها غير الأهل يعني ما انتشرت سالفة زواجهم بعد . فهذا غذا طلعت وياه اتعرفون انتوا السنة العالم ماتقصر ويمكن انه يمس شرفها وهي البنت مظلومه

وهذا رأيي

أخوكم ولد بوظبي

وما في اعتقد ان الابو هذا المفروض ان يمنعههم من الطلعة
بالع** المفروض يشجعهم

وهذا رايييي

بااااااااااااي