قلت لكم ضاك اليوم ..
اني بالعلمكم سالفتي مع ابوشنب راعي الموتر المقلم ..
اكيد تعرفون الموتر المقلم ..
هذا يا جماعة الخير وعلى قولة اخوانا المصريين جماعة الربع ..
ابوشنب واحد مذيني ..
تسن ما في اليديرة غبري انا وهالدتسن ..
كل ما شافني جودني ونطل في وجهي مخالفة ..
مرة يقول ليمنك ركبت بالدتسن تربط ..
وشلون اتربط .. انا مهبول .. خبل .. الخبل هو اللي يربطونه ..
وانا اول ما شريت الدتسن تسان امتسع ذا الرباط اللي هم حاطينة ..
ومرة .. يقول ليش تقطع الاشارة ..
ياجامعة الخير .. فية احد يرضا توقفة لمية حمرا ..
عرابجة منفوحة والعريجة والظهرة .. والعدامة .. والعين ودبي والمنامة والتسويت وام دخان والمحرق وعبيلة وشوالة .. عجزوا عني .. تبوني اوتسف عند لمبة حمرا ..
هين عشم بليس بالجنة ..
ومرة .. يقول وراك طامرن الصيف ..
زين وش ازين دامن الملف آخر الشارع ..
ليش ما يقربونة ..
ويحطون بين كل تقاطع وتقاطع تقاطع .. مهوب ازين ..
ومرة .. ومرة .. وهذي سالفتي معة ..
اللحين هذا اللي انا حتسيتة مخالفة ..
لا .. هذا حنا في عصر العجلة .. كل الناس عجلين ..
واللحين خلوني اهج تسني اوح ريحتة ..
شوفوه اقبل ..
سلام ..
مطفي النور
عن عنعنعنعنععععععععععععععععععععععععععععععععععععععععععععععع
اية هين يجودني ععععععععععععععععععععععععععععععععععععععععع
ديزل و الا بتروووووول
يا اخى …..صفى الماكينه
ريحه الديزل…….قتلتنا
الحين نوجه لك تهمه
تلوث البيئه
ماشاء الله عليك يا مطفّي .. اسلوب عفوي رائع
اشلقت عيوني وانا أقرى!!
حرام عليك.. ما تقدر تولع النور عشان أقرى ؟!!
يا أخي ليش مطفي عنا النور ؟؟ 🙁
………..
لا تقول >> نورنا ونورك يكفي .. !! 😉
———–
على فكرة.. ذكرتني بمقال قريته أمس في جريدة الاتحاد > الصادرة من أبوظبي
واحد كل ما نزل اجازة اسبوع أو اسبوعين للامارات
ما يرد لبريطانيا غير وهو دافع أكثر من 1000 درهم مخالفات!!
من رادارات، وحزام الأمان .. وفي الأخير ..
نسبة المخفي أكثر من المسموح له!!!
وحجز سيارته لشهرين!!! 🙁
أقول.. الله يعينكم وكل مخالفة وانت بخير
سلام ..
نبيل .. نويبل ..
يا بعد تسبدي ..
هقوتي انك ما تعرف المواتر ..
ما تدري يا مانيب قايل ..
ان دتسن مطفي بنزين ..
وبعد يا خيي ..
لا بتلشوني ..
دور على موتر يمشي بالديزل .. شف ذا المذياع راعي الاخبار النكوتي ..
تسني شايفة أمس يسوق دنيا .. أقول تسني ..
وبعدين يا الفالح .. مهوب دتسني اللي يلوث هذي اللي مدري وش أسمها ..
الا على فطنة .. وشي ذي وش تزين
هذي اللي أنت قايلها .. وش وش وش ياربي ..
اية .. اية .. البيئه .. ونهي فية ذي ..
هي تجي حبوب ولا كبسولات ..
ولا دوا كحة ..
أحتس حتسي افهمة وخل عنك الفلفسة ..
سلام ..
مطفي النور ..
عنعنعنععععععععععععععععععععععععع شفتوا مافية عج ولاغبار ععععععععععععععععععععععععععع
سلام ..
هذا انا مرة ثانية ..
اية .. مطفي
أقول .. يا النكوتي ..
وش ذي رائع ..
عسا ماهيب سبة ..
جايني يدربي راسة ..
ويقول عفوا رايع .. وشي ذي ..
شفني .. تراي أعرف كلش ..
وترا معي شهادة الروضة .. ومعيد سادس ابتدائي عشر سنين ..
يعني خبرة ..
أنت توحي ..
قل اية ..
سلام
مطفي النور .. راعي الدتسن ( هذا أنا )
عنعنعنعنعن تشتشتش حسبي الله عليكم نظلتو موتري .. تشتشتشتشتشعنعنعنععععععععععععععععععععع
اشتغل مزدي فيكم .. خلكم انتم وحسدكم .. ومانيب مركبكم بالدتسن ولو تحبون الثريا عنعنعنعنععععععععععععععععععععععععععععععععععععععععععععععععنعنعععععععععععععععععع
سلام ..
اية انا اجل منهو ..
مطفي راعي الدتسن ..
سيتارا .. جايتن تقولبين هل كمخة ..
والشويه طايرة ..
تقل ام السعف والليف ..
نوركم طافي .. بلاكم ما سددتم فاتورة الكهربا .. يا مال الصلاح ..
ولعي تريك ولا سراج ..
ولا .. يا خيتي نوري لحاله يجهر علشان تسذا مطفية ..
اسمع .. تبي ابوشنب راعي الموتر المقلم يشوفني ليمن عطيت الاشارة أشكل ..
وهذا اللي حجزوا سيارتة شهرين ..
بلاة والله العالم انة كمخة ..
بس تضنين عندهم هناك ابو شنب مثل عندنا ..
تكفين علميني ..
علشان اذا ما عندهم ..
باسير عليهم ..
انجزي علميني ..
سلام ..
مطفي النور ..
عنعنعنعنعنعنعععععععععععععععععععععععععععععععععععععععععععععع مكينة تقل ساعة ام صليب عععععععععععععععععععععععععععععععععععععععععععععععععععععععععععععععععععع
بس هذا موتره ماهو مقلم ….
ولو شفته يوم يخمس يطيح ددسنك ذا …
ولا حد من الي ذكرتهم ( عرابجة منفوحة والعريجة والظهرة .. والعدامة .. والعين ودبي والمنامة والتسويت وام دخان والمحرق وعبيلة وشوالة .. ) يقدرون عليه
هذا بوشنب والأجر على الله:D:D:D
يالله عاد بوشنب رد لاتفشلنا مع الريال:D:D:D
ولع لمباتك بس :D:D قال مطفي قال 😀
سلام ..
ول ذي جايتن بشرها ..
الشوشه طايره تقل تسنها ماكدت من سنه ..
لا وتقول عندهم بوشنب ..
بس تسيف ما عنده موتر مقلم ..
وبعدين .. يا مانيب قايل .. من قالتس .. ان به موتر يجدع موتري ..
ذا دتسن مطفي يا الخبلة ..
انتي ما غير تقولبين هل كمخة اللي تسن بها شي ..
بس يا خيتي مهناش ..
ما بالحمض احد ..
اقول يا الاجوديه ..
خلي عنتس الحتسي اللي ماله سنع ..
ولا تراتس باتسر بدورين موتر يشيل مقاضيتس ولا نتيب لاقية ..
شيليهن على كتوفتس ..
ولو تقامزين .. ماني مركبتس بالدتسن حقي ..
بعد .. ماعاد الاهي .. موتر يجدع موتري .. يا هملالاي ..
يا كثر ما تحلمون ..
سلام
مطفي النور
راعي الدتسن
عنعنعنعنعععععععععععععععععععععععععععععششششششششششششششششششششششششششششششششششششششششششششش هذا عبار الدتسن ششششششششششششششششششششششششششششششششششششششششششششششششششششش تلطمي بشيلتس أزين ششششششعنعنععععععععععععععععععععععععععععععععععععععععععععععععععععععععع