.. بسم الله الرحمن الرحيم ..
… اول شي أبي أقول.. هو بما أنه الأخت عنودي وافقة على الموضوع ألي بحطيه أحيينه…. كما هو آتي..
قام مايد بكتابة رسالة في 03-08-02 05:03 pm:
مايد:.. بما هذا رايج. شو رايج أحطيه موضوع.. عشان الجماعه. كلهم ألي في المنتدى. يعرفون شو الفرق..
…. وانا كملت تقريبا سنه مشترك والمنتدى نفس ما هو..
.. أنا أنتظر منج رسالة موافقه. عشان أسوي موضوع..
.. بس حبيت أخبرج لأنه الكلام ألي بينحط في الموضوع.. هو ردي على كلامج.. وردج على كلامي… أوكيه..
يالله مع السلامه,,
عنودي
و عليكم السلام و رحمة الله و بركاته
هلا فيك اخوي مايد
انا ما توقعت انه موضوعي بيضايقك لهالدرجة
عالعمووم انا ما عندي مانع تحط الموضوع
بس في احتمال كبير اني ما ارووم ارد على طوول
لانه كمبيوتري فيه فايروس
يعني يمكن اطول لين ما ارد
لا تتحراني اتهرب
و الله انه الكمبيوتر فيه فايروس
بس بحاول بقدر الامكان ارد عليك باسرع وقت
اختك
عنـــــــــ#G#ـــــــــــــودي
مايد …
خلاص بما أنج وافقتي أوكيه..
.. وأن شاء الله كل شي بيكون أوكيه..
..وحصل خير..
.. أحيينه بنشوف رد الأعضاء..
واتمنى الكل يشارك..
………………………
.. أحيينه كل واحد يفكر ويقول شو السالفه.. وهو محتار..
… السالفه أحيينه بتعرفونها…
… وهاي السالفه تخص كل الأعضاء في الأماره..
.. ويار ييت الكل ياخذ الموضوع بجديه….
…. السالفه كل أتي…
….هذا الكلام ألي بينكتب هو .. كلام بعض الأعضاء القدامى..:::
…..يمكن يرد المنتدى شرات قبل
لان المنتدى واااايد متغير
و مب شرات قبل..
.. طبعا أنا قرييت هذا الكلام من قبل.. واايد..
وبما أنه آخر شخص كتب هذا الكلام هو الأخت عنودي..
..دار نقاش بيني وبين أخت عنودي..
.. وأتمنى الكل ما يزعل ولا يتضايج مني أو من الأخت عنودي..
مايد:
سلام عليكم.. اخت عنودي..
.. ممكن أعرف شو معنى كلاااامج أن المنتدى واايد متغير..
ومب شرات قبل…. يمكن يرد المنتدى شرات قبل..
. ليش يعني الأعضاء الحاليين مب عاااجبيينج…
ماشاء الله عليهم كل واحد يقوم بألي يقدر عليه واكثر…
.. انتي جيه يمكن جرحتي مشاعر حد بدون ما تقصديين..
.. لأنه معنى كلاامج.. انه المنتدى أحيينه مب شي..
. والأعضاء ألي فيه حاليا أي شي….
….المواضيع مواضيع….
….أذا كان جيه قصد كلاامج.
ف مع السلامه الى الأبد….
… يعني بعض الأعضاء الجدام يدخل.. ويكتب.. وأقرأ في رده …
يارييت المنتدى يرد المنتدى مثل أول… شو الفرق بيين احيينه وأول..
ماشي فرق..
والسموحه
———————–
عنودي:
ما بالنسبة لاخوي مايد
ترى انا مب قصدي جي
بس الصراحة راحة
و الحق لازم ينقال
في فرق كبير و شاسع بين المنتدى الحين و قبل
قبل المواضيع اللي تنحط في المنتدى ما تتكرر الف مرة
و قبل معظم المواضيع اللي تنحط بالمنتدى للاستفادة
اما الحين و للاسف معظمها تنحط للسوالف
و مهما كان الموضوع مهم و جدي
تلاقيه في دقيقة انقلب جات
و اتمنى انك تطالع المواضيع الجديمة كيف كانت
و تطالع مواضيع هالايام كيف استوت
اباك تقارن و تعطيني رايك بكل صراحة
انا مب قصدي اجرح حد
بس كان ودي اقوول اللي في خاطري
و اتمنى انه كلامي ما يتفسر بطريقة غلط
اختكم
عنـــــــ ـــــــــــــودي
……..
</center>
….. أتمنى الكل يشارك…
. واتمنى الكل يقرأ الكلام.. ويفهمه صح..
… ويقوم بالرد..
</center>
.. هل حقا أنه المنتدى أحيينه غير… وقبل غير..
…. هل يعني أنه ماشي.. تعرفون بروكم..
.. يعني الواحد ألي بشارك بشارك بأي شي.. بس عشان ..
يرفع عدد مشاركاته…
….</center>
لاني انا كنت مشتركه العام بس بنك نيم ثاني ..
يمكن يكون الفرق .. انه وايد مشتركين .. و الموضوع مايتم اكثر من يوم .. .. يعني مب حلوه كل واحد يي و يكتب 13 موضوع في يوم واحد .. اطني طلعت من الموضوع .. سوووري 😀
عشاق مشكور على المداخله..
… سنيوحه…
.. صدقتي.. بس المشكله.. أنه بعض الأعضاء الجدام..
.. يقولون ياريت المنتدى يرجع مثل قبل..
.. ليش يعني . الأعضاء الحاليين أي شي..
… مشكوره على المداخله…
..
. وأتمنى ألي بشارك يقرأ كلمه كلمه من الموضوع..
</center>
وكأن الأعضاء اليداد ما منهم فايده أو مشاركاتهم و مساهماتهم ما توصل للمستوى المطلوب …
وهذا يسبب إحباط للأعضاء الجدد ..
وعني أنا أشوف ان المنتدى في أحسن أحواله هالفتره … الكل يشارك … حتى لو كانت المواضيع مكرره … البعض يعرفها لكن الأغلبيه تكون يديه عليهم …
صح إحنا نتمنى رجوع و مشاركه الأعضاء الجدام لكن دون التقليل من قيمه الأعضاء اليداد ..
و إسمحوا لي ..
أخوكم ليمون <br><br>
أخ ليمون..
كلامك عسل على عسل..
.. عين العقل…
.. كلااامك 100%..
.. وهذا يضر بالأعضاء الجدد.. ويحبط معنوياتهم..
مشكور على المداخله… </center>
اشحالك مايد 
شخبارك
اشكرك على الموضوع واحب اقول لك ان التغيير سنة الكون …
بس التغيير الى الافضل ام الاسوء ؟
يعني المواضيع اللي كانت تنحط قبل كانت تناقش قضايا محلية ومشاكل عامة ومستجدات وطبعا هناك مواضيع للسوالف بس المستوى العام لنوعية المواد المطروحة كانت تشجع الجميع انه يشارك فيها…
المستوى الحين وابصم لك بالعشرة انه نزل عن ما كان قبل والمعدل العمري للمشاركين نزل بدرجة فظيعة…
طبعا ليس تقليلا من شان اي حد بس سرد لحقائق …
يعني لا تتوقع دكتور يسجل بالمنتدى ويرد على موضوع بعنوان البنات راح يغلبونكم يا الاولاد … مثل ما هي نوعية المواضيع احينه …
(( السلام عليكم مشرفين… ))
فالمنتدى صار للدردشة اقرب منه لمنتدى …
وهذا طبعا شي مب من صالح المنتدى ….
اي منتدى ….
وانا ما ارضى على امارتنا هالشي …
واكيد انتوا …
والسالفة ما يبالها غير ان الواحد يشد حيله شويه ويرد على بعض المواضيع الحساسة ولا يحط موضوع..
يعني بس عشر الى عشرين دقيقة بعدين اقلب جات…
على الاقل مب داش عرض على موضوع لعاشق وتقوله ابا عزيمة بمطعم حاتم 😀
حبة حبة ..
انا احترمك عاشق ..
واشكرك على الوضوع….
بس حبيت اسالك ليش **********
واذا كان ال ****, *****؟
وكيف ما يكون ال****
وغيرها من الاسئلة بعدين اقعد حش وانغز فيه ..
ارجو اني ما طولت عليكم…
وشكرا 😎
المنتدى قبل كان غير صح …. المواضيع كانت هادفة في معظمها … واقلام ما شاء الله عليها وكانت المواضيع تتراوح بين الجديه لين المواضيع الي اتحرك الاجواء … بس ما كانت المواضيع سخيفة ..
التشات الحين في كل موضوع .. والمواضيعي الهادفة النقاش فيها شبه معدوم .. واي موضوع ماله فايد الردود 100 وفوق… انزين ليش
في بعض من الكتاب الروعة الي كانوا ويانا واختفت اقلامهم اما بسبب الانشغال او بسبب انه المنتدى فقد بريقة الاولي
قبل من يدش عضو يديد يحتاج وقت ليم ما يثبت نفسه .. ويحظى بالردود بس كانوا يقدرون تعبه بس الحين سخافة بعض المواضيع وتكرارها 10 مرات اتخليك اتمل …
اما بانقطة الي اختلف وياها فيها.. بعض الاعضاء اليداد اثبتوا جدارتهم من مجاملة وكتابتهم زينه وتستحق الاحترام ….
بس شو انسوي بالغالبية …….
في النهاية هذا منتدانا ولازم انحافظ على مستواه …
والسموحة
غـــــــــــــــزل
ماشالله عليكم..تحطون ايدكم على اليرح..لكن نريد علاج عقبه..التشخيص عمره ما يكفي..
-صح نوعية المواضيع كانت تنحكم بفئات عمرية اكبر شوي..
وتناسب نوعا وطرحا الكل..الحينه <مع احترامي للمتواجدين دوم بالمنتدى والي يحركونه دوم>..
صار الوضع غير..
ردود ما تثري الموضوع..ابدا يبين منها ..اجمع ردودا لترقى رتبه..وبس لمجرد شات!!؟
وعمرنا ما كنا نطمح لهالشي بحت..!!
– تجديد ماشي..المواضيع سوالف ويوميات ومواقف.. والتكرار بالالف يمكن لو كانت تتوزع بين فترة وثانيه ما بتطغى بهالطريقه وتكون نموذج يقلدها الغير..
– قبل بين وين ووين ان لقيت شي يخالف الذوقيات العامه..الحينه كم وكم تنصعق باليوم..
– واكيد احنا مقصرين.. والدليل العضو يرص عشر مساهمات باليوم !!!لكن كذا محاوله استوت قبل لانعاش المنتدى وبعث الحياه فيه ..لكن الناس تمل وتتعب ..وايد وحده عمرها ما بتصفق
– هالوضع هو الي كنا نتمنى يرد..مثاليه بالطرح والرد..
اتمنى اكون قدرت اوصّل شي..
واسمحولي عالصراحه الزايده..لكن احنا نبا بيئه تريح الجميع وساحة حوار راقي هادف دون ما نتناسى الترفيه المعقول داخل حدود دين وعادات..
وسلمتوا..
> بوجابر…
.. والله أخباري تسر الحال..
….المواضيع اللي كانت تنحط قبل كانت تناقش قضايا محلية ومشاكل عامة ومستجدات ..
على ما أعتقد.. هاي أمارة الصداقه والتعارف..
… وبعديين شي أمارات آخرى.. لهذه المواضيع..
.. أنته تعرف ليش المنتدى صار مثل دردشه..
السبب يعود لأنه الشباب والشابات كلهم..
.. يعرفون بعض.. وأكييد كل واحد مع الثاني.. في المسنجر..
… .. صح.. أنا دخلت منتديات.. وحصلت نفس.. الأسباب في المنتدى.. وهي الدردشه.. فهذي أشياء عاديه.. أستوت.. فلا نستطيع تخيرهاااااا..
.. مشكور على مداخلتك أخ بوجابر… تلسم… وما قصرت..
غزل… مشكوره على المداخله…
… كلمج صحيح..
أما للأعضاء الجدد.. ف أشوف بعضهم.. يسجل..
.. ويكتب موضوع عشان نرحب فيه.. بعديين..
.. ما نحصله يدش..ليش ما نعرف..
مشكوره على المداخله…
… ما قصرتي…
.. والسموحه منكم… ومن عنودي ألي ما أتوقعها زعلت.. </center>