في ظاهره منتشره في البلاد وهي منع البنت من انها تدخل السينما مع ربيعاتها او مع اهلها من البنات او الحريم حتى لو كانوا كبار
ما ادري ليش هذا الشي صاره مع انه ما فيها شي اذا ما شافت الفلم في السينما بتشوفه في البيت .
اممممممم الظاهر انهم يخافون من الحركات الي اتصير في السينما، اتعرفون ليش لانهم هم نفسهم ايسوون هذي الحركات في البنات ويخافون على خواتهم. يا شباب مثل ما اتخافون على خواتكم وخلو بنات الناس يستانسون بالفلم.
الحين ابغي اسال الشباب الي في المنتدى اذا يوافقون على انه خواتكم ايسيرون السيمنها واذا لا قلولنا ليش؟؟؟؟
اذا ما تبونهم يسيرون بروحهم ودوهم عن خاطرهم ولا بيسيرون بالدس ترااااه
مع تحياتي
قوقوش
السالفه تهديد ؟؟ :rolleyes: :rolleyes:
انا ما ارضى على خواتي الا اذا في حد وياهم .. امي .. ابوي .. اخوي .. انا .. :rolleyes:
بنات و في السينما رواحهم 😮 😮 😮
لا بالله عشنا و شفنا ..
ملاحظه : الاخت قوقوش .. شكرا على سؤالج عني .. :rolleyes:
اخوكم : عاشق الأبيض 
بس اسمحولي ببدي رايي>>>>>داشة عرض
المهم بالنسبة لي ما اياد البنت اتروح للسينما سواء برحها ولا ويا حد من اهلها ..عاداتنا وتقاليدنا مافيها بنات ايروحون السينمات وبعدين اشحقة يسيرون خله يشترون افلام بروحهم وانتهى الموضوع
اخر همسة : الله يحفظنا من افكار الغرب
اختكم الياهل
مروج
بعدين احنا ربينا في مجتمع من البدايه كان متشدد على البنت وتعودنا انه كله عيب
السينما الموبايلات سواقة السيارات
احنا شيه ربينا وها الشي خلاص ثابت في مخنا ومستحيل انه نغيره
نحن وين عايشين ……
يعني خلاص مو مكفيها الافلام اللي في التلفزيون او في محلات الفيديو عشان تروح السينما…
:rolleyes:
يحشوون ريولي حش إذا سرت
ولا أبى أسير ترى عقبهاا الأفلام بتوصل البيت مع اني مب مدمنة أفلام
تحيااتي لج
بنت السطوة
شكلي انا اللي بكون غير ..
انا عندي عادي بس بحدود و شروط طبعا ..
1- اتسير بوقت ما يسيرونه الناس ( الظهر ) يعني ما تكون السينما زحمه .
2- اتسير ويا امها او اخوها او اي حد اكبر عنها ..
و انا عندي الافلام في السينما غير لها حس مميز غير عن البيت ..
و ليش ما يكون عدنا يوم مخصص للبنات و الحريم في السينما ؟؟؟
و الله بيكوون اوكي .. انا الصراحه اتمنى ها الشيء .. يوم للحريم .. مثل ما سوا في الحدايق و ما ادري شو يوم للحريم بعد في السينما ليش ما يسون ؟؟؟
وانتوا ما ادري ليش مسوينها سالفه كبيره يعني ما فيها شي اذا سارت مع حد كبير او اخوها او ريلها احسن من اتسير بالدس
arab_girl مشكوره على ردج والله هاي الفكره كانت على بالي صدق ليش ما يسووون اياام حق البنات او على الاقل عرض واااحد خق البنات
في سينما حق البنات في بوظبي ولكنها تعرض افلااام قديمه
انا الصراحه عاااادي اسير السينما بس مع اخوي او خالي او مع امي ما جد رحت بروحي
والوحده اتعرف نفسها قبل ما ا تسير
قـــوقــوش