مايد هذه متربي وفي فمه ملعقه من ذهب… من يوم وهو صغير مدلع آخر دلع… أتخرج من الثانويه ويلس في البيت بطالي…
أبوه ما شاء الله عنده خير ومال… أبو مايد عنده شركات في الجمارك…
وهاي الشركات مدخله عليهم خير ونعمه …. المهم أحين مايد خلص الثانويه ويالس بطالي في البيت…
كان مايد يسرف في الشهر تقريبا 10000 درهم وفوق… وكان يركب كل أنواع السيارات … يقول واحد كان يشتغل عند البوابه .. انه كل يوم ييي علشان يزور أبوه في موقع شركاته في الجمارك… كان يدخل بوابة الجمارك كل يوم موتر مره رنج ومره جاكور ومره بودمعه… المهم مايد طول وهو يالس بدون شغل…
أبو مايد أحتشر عليه يلس يقوله تعال أشتغل عندي علشان باجر يوم بموت تعرف ويين حلالك وتعرف كيف أدير أمور الشركه.
مايد طبعا ما يوافق لانه كل شي متوفر عنده .. بيزات وسيارات و تيلفونات..
ابوه بعد تم يحن عليه ويقوله له أنزيين بفتح لك محلات بس أنته ألي عليك ترووح أول الشهر وتاخذ المعاش…
مايد راسه يابس ويقول ل أبوه لا مابي..
ابوه شو سوى له سحب كل شي عنه , السيارات وما يعطيه بيزات…
مايد اول شهر عندي عادي و وكمل ثلني شهر وثالث ورابع…
كان ياخذ مايد البيزات من أمه… بس طبعا مب مثل قبل….
مايد تم يفكر في كلام ابوه…
رايح مايد لأبوه وقال له أبوي: أبي أشتغل .
الأبو : قال أنزيين شو تبانيي أسوي..
مايد: أفتح لي محلات.
الأبو: أوكيه وين البيزات…. علشان أفتح لك محل..
مايد: أبوي أنته قلت لي قبل أنك بتفتح لي محلات.
الأبو: هذاك قبل مب أحين…
مايد أنزيين أبوي شغلني عندك مسوؤل ..
الابو :مسوؤل مره وحده .. انا بشوف لك شغله حلوه وزيينه لك.. نادى الأب هندي يشتغل في قسم مراقبقة الآلات… وقال لي مايد: شو رايك تبي تشتغل في هاي الشغله أو لا… ترى ماشي شغله ثانيه…
مايد بعد تفكير عميق وافق.
الأبو : مايد ترى الهندي بيكون مسوؤل عليك… الابو للهندي أياني واياك تخليه يغيب عنك … شغله اي شغل .. خله يكرف…
المهم مايد بعد سنه حب الشغل وكانت : يشيك على المكينات..
لا مب بس هذه بعد تغير 90 درجه عن قبل…
أحين يوم يدخل الشركه يسلم على الجميع .. ويضحك معاهم… مب مثل قبل متكبر ورافع خشمه فوق….
وأن شاء الله عجبكم…
اكيد حس بقيمة الفلوس …;)
أتمنى الكل يستفيد منها
شو ما حس بقيمة الفلوس … حس ونص..
الرمادي:: الله يسمع منك…
