في الآونة الأخيرة شفنا وسمعنا وااايد عن لجوء الشاب العربي بصفة عامه والشاب الإماراتي بصفة خاصة على الزواج من أجنبيات بغض النظر عن من أي دوله تنتمي إليها ولكن وبصراحة لا مانع من ذلك ولكن ما هي الأسباب التي تؤدي إلى ذلك …. مثلا
-هل بسبب غلاء المهور؟ ولا بسب كثره متطلبات الفتاه الخليجية مثلا يعني المقدم سبعين ألف:eek: والمؤخر حدث ولا حرج :confused: .. بس الأهم من هذا كل السعادة الزوجية والتفاهم بين الزوجين ….
يالله عطوني الأسباب :confused:
الشباب اي شي ردوة على البنات بس بعد ما اظلم الشباب كا كل و لا البنات
بعد و في مقولة مشهورة تقول((شباب الامارات يبون يؤبرني و يخزي العين و
تاركين الدهن العود و الدخون)):D 😀
احس اليوم انا بنضرب يعني بنضرب
بس انصح و اقول مالكم غير بناااااات الدار و السموحة و لا تزعلون اوكيك
صـــــــــــــــــــــح لســـــــــــــــــــــــــــــــــــــــــــــــــــــــانج يالود
😉 😉 :p صــــــــــــــــــــــــــدقتي 100%
اولا ماعتقد ان في واحد يروح المكاتب (مكاتب الخدامات) ويتفرج في الصور ويختار وحده عشان يتزوجها
ولا اعتقد بعد ان في حد يسافر الى دولة اخرى وييلس في الشوارع عشان يختار زوجه
الموضوع وما فيه هو ان الواحد يسافر مثلا الى دولة اخرى لدراسة او العمل وبالصدفة يعجب في وحده ويحبها وبعدين يتزوجها
او انه مثلا يتزوج وحدة زميلته في العمل او تعرف عليها في مكان ما واعجب فيها واتزوجها
والاحتمال الاخير هو انه يتزوج الخدامه مالتهم وهذا احتمال ضعيف جداا
يعني انا برايي اكثر اللي تزوجوا من اجنبيات ، ماكان هذا في تفكيرهم بالاصل، بس حدثت الظروف اللي خلته يلتقي بها واتزوجها.
وفي بعض الشباب يفكر باجنبية من البداية، وهذا يكون اكيد بعد مافكر وسوى بعض العمليات الحسابية واكتشف انه بيكون مديون للبنك طوال عمره، فتزوج اجنيبة عشانه على الاقل بيكون مديون للبنك لمدة ثلاث سنوات بس 😀
ما قصرت..
الحب والتفاهم مايبالم جنسية……………….. ولا شو رايكم
وبعدين معظم بنات الامارات يرفعون الضغط (إما هم أو أهاليهم)
يوم الشباب الفقارى يخطبوهن، يردون عليه البنت بعدها صغيرة (لازم يستوي عمرها 30 عشان تعرس!!!!!)
و يوم الشباب الفقارى يخطبوهن، يقولون البنت تبا تكمل دراستها (خل دراستها تنفعها عيل ppp)
ما لي خاطر أكمل
اريد اذكرك بأنه محد فقير…
مب شرط الشاب يكون عنده عمارات وعقارات وفلوس..
الانسان مب غني بفلوسه.. الانسان غني بعلمه وخلقه…
مب شرط المعرس يركب سيارة اخر موديل او يمسك في ايده اخر ما نزل في الاسواق من تليفون او انه يلبس نعال ب 1000 درهم او يكون عنده احلى رقم تليفون الخ…
الانسان بعلمه ودينه وخلقه..
بس للأسف الشديد ماشي وعي بين الآباء والامهات لهذا الموضوع…
شو انساوي كل واحد له نصيب يتزوج بيتزوج
والي ماله نصيب.. الله يعينه..
و الشباب الفقارى اللي تكلمت عنهم ما قصدت الفلوس و لا يبت طاريها
قلت فقارى لأني آسف على حالهم
و لا تنسى إن بينا واحد اسمه "الفقير" ppp
وأحي شجاعة الطرح …بس
بقول شي
اولا الأجنبية شي والعربية شي ثاني يعني ما نقدر نسمي
بنات الشام أجانب لأنهم موب خليجيات
وبعدين الفكرة معقدة
يعني اذا ربنا حلل للريال يعرس حتى على مسيحية ،،
والريال ياخذ من يرتضي دينها وخلقها
نحن يالسين نقوله اونه عاد ليش ما تعرس على على خليجيه،، حرام
والموضوع اضيق من تشي بعد نقوله
افا خلا بنت بلاده وعرس على سعودية …….. ليش؟؟؟
البنية الي عنده ثقة في نفسها وتعرف عمرها وقدرها ،،،وما تخاف من الجنسية
القلب وما يهوى
:rolleyes:
وأسمحولي البنات هل المرة…..
بس انا مع الشباب
سبب تافه انه نوقف ضد ريال لانه معرس بنية موب خليجية،، ولو كان أخوي ما بوقف ضده
الموضوع مجرد رأي
والسموحة
غــــــــــــــــزل
أشكرررررررركم على تواصلكم الدايم وعلى إختلاف وجهات النظر من بينكم
الهنــــــــوف#G#