نصائح من فتيات الامارات إلى شباب الإمارات . 2024.

اللي صار انه في ***يه كانت تستهزء بالشباااااب

والحمد لله ردت عليها احدى الاخوات وماقصرت يزاها الله الف خير

شوووفوووووو اللي صاااااااار

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــ

تقول في الايميل .. "يوم تسوقون السياره .. مافيه داعي تحطون ريلكم عدال المكيف .. لانه البنات يشمئزون وتلوع جبودهم من ريولكم المشعره"

التعليق: مافيه داعي البنات ايلسن يبحلقن في ريول الرياييل يوم بتشوفن هالموقف صدن مكان ثاني .. وطبيعة الريال انه ريله تكون مشعره .. والا يعني تبون الرياييل يكونون بدون شعر ؟!!

تقول في النقطه الثانيه .. "يوم بتسوقون السياره مافيه داعي تلفووون وتصيحون ويلات .. اونه بطريقتكم هاي تخوفونهن ما تلفتون انتباهم .. وتقول انه هالحركات حركات مراهقين .. وتقول انه انتو مب عيال بن سليم عشان تسووون هالحركات .."

التعليق: من ناحية تصييح الويلات في الشوارع .. فا انا اوافق هاي النقطه .. واقول انه هالاشياء لازم تكون في شوارع فاضيه مش زحمه .. على اساس ما تسوي ربكه في المرور .. اما عن انه هالحركات ما تلفت الانظار بالع** تخوف البنات .. فا انا اقول .. دام انه انتي طريتي هاي النقطه .. هذا يدل على انه هالشي لفت نظرج .. !!!

تقول في النقطه الثالثه .. "هاي لحيه اللي تسووونها هالايام والا قلة ادب؟"
التعليق: صح انه اللحيه الغليظه احلى .. بس بعد كل واحد حر في شكله .. والدنيا اذواق ..

النقطه الرابعه .. "سخافه يوم تكونون في سياره وعليها مخفي شامل وتنزلون الجامه لين تبين عيونكم بس .. هل انكم تدسون ويووهكم الخسفه؟"

التعليق: هل انتي فضوليه لهاي الدرجه انج تبين تشوفين ويووووهم؟ اصلا ما فيه داعي تتصددين وتطالعين السيايير ..

النقطه الخامسه .. تقول .. نحنا ما يعيبونا الشباب اللي ايلسون في الكوفي شوب ويدوخون .. ونحنا نكره التدخين ونكره ريحه الدخان .. ظروسكم بتسود وشفايفكم بتكون اغمج ..

التعليق: في اماكن ممنوع فيها التدخين .. سيرو يلسو هناك .. وما فيه داعي تتخششن في الاماكن اللي فيها شباب .. سيرن كوفي شوب مافيه حد ..

النقطه السادسه .. تقول .. لا تزعجوووونا زياده عن اللزوم يوم ما نبا نحفظ ارقامكم .. خاصة يوم تكون بطاقه مدفوعه ..

التعليق: قصدج يعني اذا كانت خط بتحفظين الرقم؟؟؟؟؟؟ والله حاله ..

النقطه السابعه.. تقول .. 90% منكم تحتاجون انكم تسيرون تسووون بادي كير والا اشترو كريمات حق ريولكم لانها وصخه واظافركم لازم تنظفونها ..

التعليق: بصراحه .. انا شاكه انج يالسه بس عشان تبحلقين في الشباب .. شو دراج انه ريولهم واظافرهم وصخه ؟؟؟!!!!!!

النقطه الثامنه .. تقول .. شوفو نعلتكم قبل ما تلبسونها .. لانه معظمكم تكون نعلتهم خايسه طين وغبار ومادري اشوه .. وها الشي مب جذاب ..

التعليق: يا اختي يمكن هم ما لاحظو هالشي وماشالله عليج انتي طبعا تدققين فيهم اكثر عن عمارهم .. هالمره يوم بتشوفين حد خايس نعاله والا شي .. خبريه .. قوليله نعالك وصخ ..

النقطه التاسعه .. تقول .. لا تتحككون ..

التعليق: لو انتي ريال جان ما قلتي هالكلام .. هاي طبيعه فيهم .. فا عذريهم ..

النقطه العاشره.. تقول .. لا تاكلون لبان .. اونه هالشي حق البنات .. انتو ما تشوفون عماركم نحنا نشوفكم ..

التعليق: اللبان مصنوووع حق كل حد .. مش مكتوب عليه للنساء فقط ..

النقطه الحاديه عشر .. يوم بتيلسون .. سكرو ريولكم شويه .. لانكم مب يالسين في البيت ..

التعليق: يعني شو تبيني اقولج .. والله استحي اطري هالشي .. بس تخيلي يعني تكونين ريال .. بترومين تيلسين وريولج مسكره لمده طويله؟؟؟؟؟ ما اعتقد ..

النقطه الاخيره .. تقول .. اذا كنتو لابسين ساعه غاليه . مافيه داعي انكم تيلسون تأشرون بايدكم طول الوقت بس عشان تتفشخرون فيها .. نحنا نعرف هالحركات .. البنات دايما اغنى عن الشباب وعشان جيه نحنا ما نهتم بالساعه .. نحنا نهتم بس بالسياره ..

التعليق: بارك الله فيج .. صدق انه اهلج عرفو يربوووونج عدل ..

_____________________________________________________

اسمحولي تراه منقول من الايميل :rolleyes:

مجنونها