بما أن نحن في فترة الشتاء عطلة الربيع يايه حبيت أذكرك بأيام أول ,وأطرح عليكم هذا الموضوع . هي مب أيام أول يعني الستينات .. ,
أواخر الـــثــــمــــانــــيـــنـــات وأول الـــتــــســــعـــيـــنـــــات .
كانت الحياه بسيطه والناس على قلب واحد .. :
كنا نيتمع ونطلع البر نتغدى ونلعب ونسولف .. والقلوب صافيه والله كانت حياه جميله ..
الريال لبس كندورته وغترته وأما الأم لبسة كندورتا والعباه و البرقع ..
محد يعرف الماركات وال***بيط .. ***بيط .
الناس مايهمها الدوام ولا المدرسه , من يطيح المطر حملو سامانهم وياله هوبيس البر .. مـــافي حـــد يـــــقول لا والله تعبان ياي من الدوام .
الناس تدخل البر وأتشوفون كل عائله بـ 10 سياير ماشاءلله , هاذي العائله على العرقوب ولا هاذي تحت الغاف ولا هيج مخيمه .
والمطر ( مايوقف ) ويخضر البر في عطلة الربيع … والجو مغيم.( فظيع ) .. ونحن كنا صـــــغـــــــار نـــلـــعـــب على العراقيب . أنا بكشتي ماعرف شئ أسمه مشط ( بروش ) . بكبري خايس بالرمل من فوق لين تحت من الفرحه واللعب .
من تظلم الدنيا شوي ورينا الضو ويلسنا دور ماداير .. ونحن عندنا الجبس والعصير وناكل نسمع سوالف الكبار , وإلي كانو شباب هذيج الأيام يلعبون بالمواتر تصعيد وتفحيط ..
تدخل البر أتشوف الهوش والبوش يرعن من العشب :
قول صاحب السمو رئيس الدوله :
والرمل يعشب ويرعونه . .. ( أما الحين أتشوف راس ولا راسين والصحرا قاحله ) .
يعت قلت بتسير تاخذلك شئ :
بسكوت ولاعصير أتسير البقاله ( الدكان ) أتحصله جديم ومغبر والبسكوت صناعة الإمارات .( والله الحياة حلوه ) .!! …. أما الحين ماشئ إلا الـستار مارت وكله صناعة أمريكيه .
أتسوق في البر وأنت مشغل ميحد .. ( مب شكيرا ولا برتني ) .
والله الحياه حلوه …
نـــتـــمـــنـــى مــن كــل واحـــــــد يـــكــــتــــب عــــن الأيام الحلوه ( 1985- 1995 .
ذكرتني باياااااااااام اول
يوم كنا نروح البر
اذكر مره كنا رايحين المزرعه … والعايله كلها هناك
من خالاتي وريايلهم … بس بصراحه شي عجيب
وقعدنا هناك خمس أيام .. بس شو كان وناااااااااسه
نوري الضو … ونلعب بالتراب .. خاصة المطر طايح
بس الحين وين من تي الأجازة نتمي الدراسه ونداوم عشان نطلع من البيت
شكلي أندمج في الذكريات
خذت راحتي
والسموحه
وهـــــ#G# ـــج
…
نحن قبل كنا نروح البر ونخيم …وكان وناااااااااسه ..وكله قوم واشكالنا ونحن نلقط عرايين قوم
..اللي يربع هناك واللي يختفي ومحد يلقاه…
حتى انه مرتين بنات عمتيه نسوهن في البر وراحوا عنهم
…
من كثر العايلات ..بس بعد كم من دقيقه اخذوا يعدون الاشخاص في السيارة ولا القوهن وردوا خذوهن…وهن بعدهن يدورن عرايين
..
ومحلالالالالات الاكل في البر ..له لذة خااااااااااصه
…
الله يرحم زمان اول …بس نحن الين الحين نروح البر والمزرعه ونلعب على العراقيب ما جنا كبرنااا….حياااااااااااااااة حلوووووة
الظاهر اني طولت…السموحه
اختكم
قارئة العيون@_@
قصدي ياهل 😀
ايام يوم كنا نروح البر …… شو وناسة 
كنا نتسابق ونحن نطلع العرقيب ……
نوصل لين النص ونرجع تحت 😀
بعد كيف نرجع ؟؟؟ نرجع تقلب واللي شعره يستوي كله تراب
ويوقف كككككككككككككككككككككككك
وطلع ما اطلع تراب من جيوبك 😀
والله ايام عجيبه
احييد كنت اتجلب على ورا زمان
اطلع فوق شي من العرقيب الصغار
واتجلب من فوق اسوي اكثر من خمس جلبات
…
وعاد خذ عندك الشباب يقزون في هالعراقيب
وخذ عندك شارات ووناسة
ايام والله
ذكرتني بالذي مضى
تسلم على الموضوع الغالي
Oo____ALMENHALi____oO