شحالكم عساكم بخير وصحه
يا جماعه اليوم مرينا في موقف كالعاده انا والمغروره والحلوه وباجي الشله
المهم بنخبركم السالفه بالتفصيل
كنا يالسين فالاب انا والحلوه والباقيين كانت المس ادرسهم والمس طيبه ما تقول شي وعادي اي حد يدخل الاب وييلس ع الكمبيوتر
وشوي اتصلتبي المغروره وتقولي اظهري من الكلاس اونها تستحي تتدخل الكلاس بروحها "أحيد ويها لوح"
المهم دخلت ويلسنا نسوي البروجكت وفاتحين ع المنتدى وشوي نسولف ويا رباعتنا
وعلى الصوب الثاني كان شي بنات الله يستر عليهم فاتحين ع المسن والجات "يعني شي واحد ما يكفي لازم الاثنين"
عشره ع المسن والجات ما يحتاي انتوا عارفين بلاويه "مب قلب فندق"
كانت وحده يالسه صوبهم ونعرفها نحن وقالت انها شافت بعض الكلام وخبرتنا شو الرمسه الصراحه الواحد يستحي يقولها بس هم ما استحوا ولا ستروا على اعمارهم
والقهر ان أشكالهم مايخصها في هالسوالف يعني بعضهن متحجبات ومتنقبات يعني "من برع هالله هالله ومن داخل يعلم الله"
الي نبغي نوصله ليش كل ها " اوكي كلنا نغلط بس كل شي وله حدود "
بس ليش الواحد يفضح عمره يوم الله ساتر عليكم استروا على أعماركم
السموحه رمسنا وايد بس والله من الي نشوفه وأعتقد موضوعنا يتكلم عن كذا قضيه
وأظن فهمتوا القصد من الموضوع
لا تبخلون علينا بارائكم
لا تخبريني عن هذي السوالف لأني وايد أوفها في الجامعة
الهندي اللي عندي … ( خلاص ما بدعي عليه ) الله يهديه مقصّر
و يا ما سرت اقفل المختبر
طبعاً مب شغلتي بس شو أسوّي
الاحساس بالمسؤولية
كنت سايرة مرة انا و ربيعتي
وقفت فنص الاب و قلت للبنات عسن يظهرن من الاب
سرت اتمشى بين الكمبيوترات
و فجأة التفت لوحده و قلت لها يلا بسرعة اظهري من اللاب
شفتها فاتحة على الماسنجر و الجات …
و من شفت الشاشة قامت بسرررررررررررعة و بندت الشاشة
و بينت من حركاتها انها ترمس واحد ….
ارتفع ضغطي و تمنيت لو جتلتها …
المهم وحدة ثانية كانت بعد مسوية نفس الحركة … و بالعمالة قلت و الله الاب ممزوووووووووور
ياليت اعرف ليييييييش
أتمنى يكون شي من وراه فايدة
صخت ربيعتي
و البنت نشت خلاص بتظهر من الاب
جان ارفع صوتي بالعمالة و اقول … شو ها كله على الجات و الماسنجر
التفت البنت و هي جاااااااااااااافطة و طلعت برع و بدون ما ترمس …
و الله حركات
الله يهديهن بس
يزاج الله خير الشبابيه على طرح الموضوع و الله طلعت شوي من حرتّي …
بنات عرب وما ينبان عليهن وهنه عدهن شي عادي ..
لانه وايد بريكات وماشي شغل
المهم تسلمين الغاليه عالموضوع والله يهدي الجميع
والسموحه
عيل شوخانة المسز اللي في الجامعة
بس يناظروهن؟؟!!
كلام في الهواء ماينفع …
نبغا أدله بالصور عشان نتأكد 100 % ونشوف اللى في المعمل ..
ونتخذ أجراءت صارمه نحو هذا التلاعب والتأثير على سمعة الجامعات واللى يصير فيها وعليها …
…………
تحياتي
اخوي مب كلام في الهواء شي شفناه
ويمكن استوا هالشي عادي عند الكثير
وما يحتاي صور اسال وبتعرف
السموحه لي عوده
عارف والله انه فيه شىء وأشياء يشيب الرأس منها داخل الجامعات والمدارس …
بس حبيت أعلق من أجل أيجاد الحماس لديكم وتشجيعه …
بارك الله فيكم الى الامام ..
…………
تحياتي
جزاك الله خير
الله يهدي جميع ان شاء الله
هلا فيج عزيزتي
على الاقل هاي استحت وحست والله الي عندنا عادي لو تيلسين عندهم وتشوفين شو يكتبون ما تفرق عندهم
والله يهدي الجميع وخذي راحتج طلعي الي فخاطرج
حلوة دبي
واايد بريكات..؟!!
اوكي شي مواقع ومنتديات مفيده بامكانهم يشاركون ويتناقشون فشي وراه فايده
مب يرمسون الي يسوى والي ما يسوى ويقصون على اعمارهم وعلى الخلق
الله يهدي الجميع
وتسلمين عزيزتي على تواصلج
الجويس
اممم كم بيراقبون وكم بيشوفون
أولا : أقول الله يستر عليهم وعلينا وعلى بنات المسلمين جميعا
من وجة نظري
أن الكليه ما شي فيها مراقبه أو قوانين في هالسوالف … والمسؤوليه تقع على عاتق الكليه
لا تستغربين احيانا تشوفين وحده متنقبه وقفازات وحالتها حاله تقولين يمكن هاي
ملاك …. وبس بعدين تنصدمين من السوالف اللي عليهم …
اصدقين من كم يوم افكر في هالموضوع بس بأسلوب ثاني … سرقتي افكاري
نسيت اقولج : الله يعوضج ترى هذي مب نهاية المطاف جدامج شهر ذاكري عدل 
وكل صديقاتي ضايفتهم فيه
واعرف بنات كثير بالمنتدى مؤدبات وخلوقات
وضايفتهم عندي بالمسنجر بعد …
ليش ماخذين فكره عن البنات اللي يستخدمون المسنجر!!!
طيب يمكن فيه بنات يكلمون بنات مثلهم وصديقاتهم ويعرفونهم
المسنجر مب غلط
اسلوب استخدامه لبعض الناس غلط
بس مب معناته نعمم على الكل !
وتعجبني صراحتك جاره القمر 