يوم الجمعه،،، غيـــــر 2024.

حبيت اخبركم عن يوم الجمعه في بيتنا كيف يكوون،، من نصبح يلين نمسي

بداية اليوووم،،،،(( من الفيـــر ))

أنش على صوت أمايا،،، تتقرب من على سرير وتقعد عدالي

عبوود ترا الآذان أذن، نش من الرقاد،، وأتلاحق قبل لا يقيمون الصلاة عنك

أقولها،، ان شاء الله امايا،،بنش بس اصبري علي دقيقة

ترد عليه امايا،،،لا فديت رووحك،، لا يقص علييك ابليسووه،،، تراه تلقاه الحين مخيس لك أذنك عشان ما تنش اتصلي

يوم اتقولي امايا هالجلام،، ابتسم لها واقولها،، افا عليج يا امايا،، من متى وانتي تحيدين ابليسوه يتقرب مني

أسير المسيد أصلي وارد،، والقى امايا يالسة فالصالة،، مزهبة الجاي والقهوة
صباح الخير أمي،،،

صباح النور نظر عيني
أيلس بوحميد،، اشرب لك كوب حليب يدفي يوفك

لا امايا فديتج بسير أرقد

انزين شقايل بتسير ترقد وتخلي الهريس في الموقد،، بي ابووك عقب اشوي يبا يرووق قبل لا يسير الع**ة
وأبغيك تضرب لي الهريس،، ما اروووم على الضرب ولى زمن شب***ا

افا عليج يا امايا من عيوني،، وانتي ترااج بعج شاب ،،ياغير المرض ماثر عليج

أضرب الهريس ويوم أخلص ألقى اخواني كلهم ناشين،، يتريوني أخلص(( فخواطهم يقولون أنقفذ
يوعتنا ترااك))
أسلم على ابويه واخواني ونتريق مع بعض

يا حلااة جو الفير،، رهيــــــــب ينعش الرووح،،

آخذلي كوب حليب واطلع عند باب بيتنا اللي مجابلنه عرقووب عووود
مرااات نطلع ويا اخواني واخواتي وبنات خالي نتمشى عدال بيتنا،، لين ما نوصل العرقوووب ونرد

عني انا،، أرد أطيح على الشبرية وانخمد

وخواتي ينشن يطلعن العصافير في حديقة بيتنا،، عشان يحومن عليهم العصافير الطليقة، ويسمعنا أحلى **اقيقهن،،،، ويشغلن رشاشات الماي ويسقن الزرع

الصالة،،، اتكووون هادية ،، ومحلنها صووت القرآن من المسجل اللي في المكتبة،

يمر الوقت وانا راقد لين الساعه 10،،بعدها انش واسير ازور بيت عمي وخوالي،، انسلم عليهم

ويوم ارد البيت ألقى الوالد ذابحله ذبيحة ويباني أسلخ الرااس
ما ارده،،،(( دومني أيرح عمري يوم أسلخ هههههههههه))
وخاوتي يلسن يقطع اللحم،، ويفزعن امايا على الطبيخ اللي دايم ما يكون مميز يوم الجمعه

عقب ارد غرفتي،، اتسبح واتكشخ واتعدل
ويوم اظهر القى امايا ولا حد من خاوتي متعدلة لابسة ثوب و ماسكة المدخن شابه بخوور وعود وادخن البيت
أدخني وأرووح المسيد،،
وأمي وخواتي عقب ما بتكشخن يشغلن التلفزيون يطالعن ويتصوخن خطبة اليمعه

وعقب ما نرد البيت نلقى العايلة الكريمة كلهم في بيتنا خواني وعيالهم وبني عمي وخوالي

نتغدا ذاك الغذا الزين ،،، وعقب نشرب أحلى شاي سليماني ويا الزعفران والهيل

حلو يوم نيتمع كلنا مع بعض،، نسوولف ونحل مشاكل بعض

العصر البنات والحريم يسيرين ويا ابويه المزرعه يتمشن هنااكي ويقصرن الدووب
والشباب معظمهم يداومون خاصة اللي فالكليات

وعقب المغرب انرووح الع**ة ونتيلس هناااك بعيد عن الحشرة والناااس،، على صوت

أحلى البوش "النوق"

وابويه يتفنن،، ويسيولنا أحلى القروووص للعشاء،، ناكله ويا اللبن

يكوون الجو روووعه في البر وانشوووف كل النجووم في السما
ونتقرب من ابووونا ونسوولف وياه ونتضارب ويااه

أش رايكم فيوم من ايام بيتنا
وشو تسون من عادتكم في بيوتكم في هاليووم؟؟

من رايه انا انه البنات والأمهات ارواحهن هن اللي يقدرن يحلن هاليووم[/align][/align]

وبعد نتجمع برع الصالة نسمع الخطبه.. وحيانا نسمعه من التلفزيون..[/align][/glow]

اما احنا جامد ما فيه حياه يوم شرات اي يوم بالسبوع

بس اللي احس فيه صلاة الجمعه والخطبه وكافي انه اسمه يوم جمعه

ياليت احنا شرات اول والله جنان معنا جدتي وجدنا الله يرحمه

يوم راحت جدتي بعيد عنا صار البيت ما يسوى مع احترامي لباباي ومماتي

بس للأسف ما فيه حيويه وحتى الخطبه بعض المرات نسمعها

ما ادري كيف صاير مخربط والله

بحاول من الجمعه هاي اني اعدله وازينه واخليه خوش يوم

مع انه احسن ايام الاسبوع عندي

بوركت اخوي وبارك الله في موضوعك

ودمت لنا

ألس الفتاة

تسلمون على المرور

ونحن صراحة محتاااييين انه نغير هالروتين اليومي للبيت

وونحن نقدر انه نضيفه لليوم اشياء بسيطة اتخليه ايكون أحلى

اوكي تروح عنا بنت خالي تنش و صلي انا بعدني ..
تيني عاد اهني قرونها طالعه …
درامووووووووووووووه وتير الحاف وانا خبر كان …
اخر شي انش المهم
وعشان صلاة الجمعه توعينا عاد الساعه 11
وعاد هني تقوم القيامه
يعني انا عن 10 بنات رافعه الضغط على امي
..

بس اصدق حياتكم فنتكه اذكرني بعزايم الجمعه