السلام عليكم ورحمة الله وبركاته…
وبعد
يقولك الساعه تسع الكل مستعد لأداء الإمتحان…. بس فيه بنات
ناقصات…. يعني بعدهم ما حضروا الكلاس
عسب الإمتحان…
المهم…
المس يت وأوراق الإمتحانات وياها..
أول ما دخلت… قالت لنا… بنات إجلسوا…
وتقول لينا بكل رقه….. بالطبع تتكلم بالإنجليزي…
المهم… أنا سحايب… أم لسان طويل… يلست أقول حق ربعي...
بنات المس ترمس بكل رقة!!!
يا الهول…أنا ما كنت أعرف إنها تعرف تتكلم عربي…لأنها موب
متحجبه..ولا شيء…وأنا حكمت عليها من إنها أجنبية في الكلية..
وأنا ويالسه أحل الأسئلة… أقول في خاطري…الله يغربلني…
شووه يلست أرمس في أول الحصة….وأقول إن المس تتكلم بكل
رقه…والمس تعرف عربي…
أم لسان لا تلوموني…
بعد نفس اليوم… كان علينا إمتحان سبيكنق.. الإمتحان المحادثه
بإختصار..
المهم … بالطبع يقولون البداية حلوه…وأنا وربيعتي بديتنا في
الإمتحان… المس تسألني… خبريني عن بلدة إنت سافرتيها..
قلت لها … مس أنا ما سافرت ولا دولة…
شوووفوا انحين الكذب بدأ….. وأنا في الحقيقة مسافره إلى صلاله والسعودية…. بس يله شووه أسوي… قلت أكذب عليها….عسب ما تبلشني بالأسئلة…
قالت لي إنزين.. رمسي لي عن التخصص مالج… المهم.. يلست أخرط عليها.. منه ومناك..
بعدين قالت لي…. شووه تفضلين الفنادق يوم تسافرين..
قلت لها بالتأكيد الفنادق الغالية… ردت وتسأل… ليش؟؟؟
خرطت عليها…منه ومناك… بس عسب أسكتها…
وأنجح وأفتك من هالإمتحان…
قالت لي إنت وين تبين تسافرين…
قلت لها إن أهلي يخططون إنهم يسافرون السعودية أو صلاله..
قالت لي… إنت ما قلت في البداية…إنج موب مسافره.. يعني ما سافرتي لبلده ثانية…
قلت لها … لاااااااااااا مس أنا أهلي انحين يخططون عسب نسافر
السعودية أو صلالة…
المهم…إنتهي هالإمتحان … بعد ما كذبت على نفسي وكذبت عليهااا..
ههههههههههههههههه
اليوم الثاني…
علينا إمتحان الكتابة والقراءة والإستماع..
المهم.. خلونا نمتحن إمتحان الكتابة والقراءة في المسرح…
ومحطين…على كل طاولة إسم البنت ورقم البطاقه..
أول ما دخلنا….يلسنا إندور على أسمائنا…
فما حصلنا أسمائنا…قلت للبنات … يله خلونا نطلع..
ما بيمتحنونا…
ويوم عقب..دورنا مره ثانية وشفنا أسمائنا…
إمتحان الإستماع….رحنا مكان الكلاس إللي بنمتحن فيه…
وزعوا الأوراق لينا…وبشويه…نسمع صوت…
بخبركم كيف كان الصوت… كأن حد طايح من فوق إلي تحت..
الصوت كان قوي…
قالت … وحده من الربع…هذا الإستاذ الكمبيوتر… طاااح…
كككككككككخخخخ
هههههههههههههههههههههه
ضحكنا عليها من الخااااااااااااااااطر..
وفي الإمتحان…أضحك..وأحل..
وكل ما أتذكر الموقف أضحك..
والله يوميات كانت مضحكة….خصوصــًا أيام فترة الإمتحانات..
تنويه:::خلصنا إمتحاناتنا
بدينا يوم السبت وخلصنا يوم الأحد
كشخه
عسى بس كانت سهله ؟؟
الله يوفقكم ان شاء الله
دمتي سالمه
سحايب ,,
عثرنج طلعتي جذابة عودة ,,, ها ااااا اعترفي ,,,
الله يسهل عليج في امتحاناتج بس خفي من الجذب ترى مايمدحونه موووول 
المشاركة الأصلية كتبت بواسطة الس يا فتاة عسى بس كانت سهله ؟؟
الله يوفقكم ان شاء الله
دمتي سالمه
ونتريا النتائج..
إن شاء الله أنجح
وأكمل السمستر الياااي
آآآآآآآآآآمين
المشاركة الأصلية كتبت بواسطة الصقر الإماراتي عثرنج طلعتي جذابة عودة ,,, ها ااااا اعترفي ,,,
الله يسهل عليج في امتحاناتج بس خفي من الجذب ترى مايمدحونه موووول
وأصلا في الإمتحان الشفوي "سبيكنق"
عادي لو نخرط عليهم لين باجر
المهم الفوكاب والكلام وما نكون متوترين
مشكور على المرور
المشاركة الأصلية كتبت بواسطة درام الحب
وأكمل السمستر اليااااااااااااي
ومشكوره على المرور
المشاركة الأصلية كتبت بواسطة الخيال قلنا نجذب عليهم
بدل ما يرسبونااااااااااا
مشكور الخيال على المرور
الخيال
امتحان كذب عندكم
في امتحان الاسبيكنق كله جذب في جذب المهم نرمس "هم يبون جي"
بدينا يوم السبت وخلصنا يوم الأحد
كيف يعني امتحنتوا يومين بس!!
وبشرينا شو النتايج؟
بالتوفيق إن شاء الله ..