على ما اعتقد ان اغلبكم سمع هالبيت الشعري:
ياحادي الركب طول السير أضناني****قـف بي تمهل فهذه خورفكان
من باب الترويج السياحي لمدينة خورفكــان اقدم لكم هالموضوع اللي اتمنى انه يحوز على اعجابكم
معنى اسم خورفكان:معنى اسم خورفكان الله يطول بعمركم اعتقد انه معروف عن الاغلبيه..لما تروحون صوب ميناء خورفكان بيتضح لكم هالشي…بتشوفون جبلين و بينهم خور..الحبيب *** بطوطه لما شاف الجبلين و الخور شافهم شرات الفك فسماها خورفكان..واتمنى الكل فهم علي
الجو في خورفكان:الجو عندنا حار و جاف و مرطب صيفا..بارد مثلج شتاء..وخخخخخخخخ..والله ما اقص عليكم ان نص اهالي الخور ما يظهرون من بيوتهم الا بالشتاء..والله الجو من اروع ما يكوووووووون..درجات الحراره 18 و تحت..فنصيحتي تعالو خورفكان هالحزه و تمتعو بالجو العجيييييييييييييييب
الاماكن اللي ممكن انكم تزورونها:عندكم اول شي غصبن عليكم بتسيرون كورنيش خورفكان..والله انه روووووووعه..وعقب عندكم قرية الغوبانه الترفيهيه..كل لعبه تخطر ببالكم موجوده..وعقب طبعا ودكم تتعشون..شي عدة مطاعم بالخور و من افضلها..الشوكه الذهبيه..تاج خورفكان
احينه عاد ودكم ترقدون:مساكين احنا ما عندنا الا فندق وااحد بالخور:الاوشانيك,بس الصراحه روعه,واسعاره مناسبه,وشي فندق احينه بمنطقة دبا(مريديان العقه) و هي قريبه من خورفكان تبعد حوالي ربع ساعه بالسياره
فاحينه شرايكم تجهزون اغراضكم و كل واحد يدق الموتر سلف و ايي خورفكان؟
عسى التقرير عيبكم بس
والسموحه على اي تقصير
يالله عاد نبا الردود
باااااااااااااااااااي
و السموحة