كنت مرشحة لحضور دورة تدريبية مع مجموعة من الدكاترة … طبعاً وقت الدورة كان ممتاز بالنسبة لي … يعني ايلس و اتعلم و ارّيح راسي من الشغل شوي، المهم مكان الدورة … كليات الطلاب … و اقووووول هذا الناقص ؟؟؟
المهم سرت المختبر اللي مفروض نتدرب فيه و نحضر فيه للدورة … دشيت المختبر، ما عرفت وين اخش ويهي من الحيااااا … فضيحة… انا و اعوووووذ بالله من كلمة انا الوحيدة المواطنة … و اصغر متدربة و الباجيين دكاترة وأكثرهم رياييل 
، الحمد لله … حصلت وحدة طلبت مني ايلس حذالها ( عندها ) و بصراحة كنت خايفة انجبر ايلس عند واحد من الدكاترة ييلس طول الوقت يرمس او يلعب و ما اروم اركز و اتعلم.
المهم بدأت الدورة و بدأنا نتدرب … مجموعة من الدكاترة مب مهتمين بالدورة و لا يبووون يتعلمون، استغرب كيف صاروا دكاترة … و من هنا و هناك موبايل واحد منهم يرن و واحد يضحك و الثاني يرمس و الثالث يبي يفهم بس انجليزيته ما تساعده … الله يعينه … و الشيء اللي ضايجني انهم ما كانوا يحترمون الانسان اللي كان يالس يدربنا على البرنامج اليديد … كانوا ي**رونه بإسمه الاول بس و يعاملونه كأنه واحد يشتغل عندهم و ما يحاولون يفهمون، يعني على الأقل يظهرون نوع من الاحترام و المشكلة ان صار و صوتهم صار أعلى من صوت المسؤول عن التدريب 
… ما شي الا من رحم ربك.
كانت الدورة لمدة يومين، خلصنا التدريب و الحمد لله تعلمنا شي يديد … سألت واااايد أسئله كرهّت المسؤول عن التدريب فحياته من كثر ما سألته، تعرفت على ناس يداد … و عرفت أشياء يديدة … بس السؤال اللي ما حصلت له جواب:
لييييييش الدكاترة عاملوا المسؤول عن التدريب بهذي الطريقة، ليييييش بعضهم ما حاولوا يتعلمون؟( تراهم مسؤولين عن تدريب غيرهم، كل واحد يدّرب الدكاترة اللي عنده في الكلية اللي يشتغل فيها، و الشيء هذا خلاني اتحمل مسؤولية التدريب، و نقل المعلومات ) و كيف مع اللامبالاة صاروا دكاترة و لا الشي هذا ظهر بعدين فيهم؟
همسة في أذن اللي كانوا في الدورة التدريبية و ما راموا يستفادون منها بإهمالهم … مب العود( الكبير ) بعمره … العود يكون بتفكيره و عقله.
و السموحة على الإطالة
أختكم
ورد الجــــوري …
احترام الناس يفرضه علينا الدين والعرف والشهاده لا تقدم ولا تاخر واذا احترمت الناس هذا احترام لنفسك
بس المفروض بدكاتره يحملون شهادات عليا ان يكونوا قدوه
والكبر لله
ثانيا
فيه شهادات جامعيه وماجستير ودكتوراه بفلوس يعني مب كل حد خذها بمجهوده
ثالثا
اللي اسمعه عن دكاترة جامعه والحركات اللي يسونها مراهقين ما يسونها استغرب صراحه
ليش ما يقيمون الدكاتره سنويا
مب بس من الناحيه العلميه الاخلاقيه بعد
دكتور جامعه يقول لطالبه
يا بت هاوديني وتعالي المكتب
اتخيلوا واللي زاخينه ويا طالبه واللي واللي يمكن يكون للطالبات دور بس المفروض ما ينزل مستواه لها الاشياء
وايد صراحه لو بنرمس ما بنخلص
اهم شي مبروك لجتياز الدوره ورد جوري
الواحد مش بعمره وشهادته ..
اهم شي احترام النفس و الغير
بخصوص ما ذكرتيه في هذا الموضوع
في موضوع سابق يمكن كتبته عن احدى الجامعات اللي درست فيها بالسابق ( غير جامعة الشارقة )
وذكرت عن اسلوب الدكاترة العرب .. واللي الكثير منهم تنقصهم الأخلاق واحترام الغير..
واللي ذكرتيه مب عندكم بس في كل مكان موجود حتى بعض الدكاترة ماتقدرين ترمسينهم من اتقوله يادكتور يطالعك من طرف عينه .. كأنه حكم الدنيا بهذا الدكتوراه
للأسف هذا دليل على دنائة أخلاقهم
ومايستحقون الشهادة اللي حصلوها
لازم تكون مع الشهادة العلمية – شهادة الأخلاق للذين لايملكونها
واشكرج على الموضوع
ولد بوظبي
بس يبون يشتغلون والاحترام مرمي وراهم
ما يعترفون فيه
الله يصلحهم لو انا مكانج جان **ترهم وقلت لهم احترام شوي للدكتور او المسؤل
بارك الله فيج وفي موضوعج
ودمتي سالمه
بس بعد هذا مايبرر انهم يتصرفون بهالتصرف … والله شو بقولج في ناس جي عفان الله لامذهب ولا مستحى ولا ذرابه … على بالهم شهادة الدكتوراة تسمحلهم يسوون اي شي مايدرون انها بداية لأن يحاسبوا على تصرفاتهم الطائشة
الوحيد اللي عنده شهادة الدكتوراة وكان مقرر علينا في كل محاضرة انه يقول لنا انا يوم كنت ادرس
في اسبانيا وانا كنت ادرس هناك وانا سويت جيه وانا قلت جيه ويتم ساعات يتكلم بالاسباني
والله لاعت جبودنا منه ومرة ربيعتي اللي قاعدة عندي في المدرج كتبت وقالت هاي
المرة …….. اللي يطري السالفة من كثر ما طفرنا
الشهادات العليا مب اسم بس اهم شي شخصية الواحد واسلوب تعامله ويا الناس والله فيه ناس
ثقافتهم واخلاقهم احسن عن اللي عندهم اعلى الشهادات وهالنوعية اللي تتحسب نفسها
عارفة وفاهمة وكل شي هي اساس ال***ب في مجتمعنا
انهم مايحبون يردون لوضع الدراسه وتلقي التعليمات..يحسونه ينقص من مقدارهم..
وتلقيهم مثل العيال الصغار كل واحد يتفاخر انه مطنش استاذ الدوره ولا مب مسويله سالفه وقاعد يسولف ..حركات مراهقين يعني
لان البعض مب الكل اخذ شهادته لمجرد انه يضيف شهادة ويحصل بها وظيفه..وماصدق على الله خلص
ويبى يفرد عضلاته..ويارض هدي ماعليكي أدي (سوري عالمثل) 
الله يهديهم بس لو عطيتيهم ملاحظه اثناء الدرس كان بيحسون على دمهم ..مافيها شي
المشاركة الأصلية كتبت بواسطة الخياال احترام الناس يفرضه علينا الدين والعرف والشهاده لا تقدم ولا تاخر واذا احترمت الناس هذا احترام لنفسك
بس المفروض بدكاتره يحملون شهادات عليا ان يكونوا قدوه
والكبر لله
ثانيا
فيه شهادات جامعيه وماجستير ودكتوراه بفلوس يعني مب كل حد خذها بمجهوده
ثالثا
اللي اسمعه عن دكاترة جامعه والحركات اللي يسونها مراهقين ما يسونها استغرب صراحه
ليش ما يقيمون الدكاتره سنويا
مب بس من الناحيه العلميه الاخلاقيه بعد
دكتور جامعه يقول لطالبه
يا بت هاوديني وتعالي المكتب
اتخيلوا واللي زاخينه ويا طالبه واللي واللي يمكن يكون للطالبات دور بس المفروض ما ينزل مستواه لها الاشياء
وايد صراحه لو بنرمس ما بنخلص
اهم شي مبروك لجتياز الدوره ورد جوري
هلا اخويه الخياال …
احترام الناس يفرضه علينا الدين والعرف والشهاده لا تقدم ولا تاخر واذا احترمت الناس هذا احترام لنفسك
بس المفروض بدكاتره يحملون شهادات عليا ان يكونوا قدوه
والكبر لله
الله يستر عليهم يا ما انظلمنا لما كنا طلاب و طالبات …
و اللي يقهر يا ريت عندهم إحساس إلا من رحم ربي …
فيه شهادات جامعيه وماجستير ودكتوراه بفلوس يعني مب كل حد خذها بمجهوده
الله يذكرك بالشهادة اخويه … و الله ذكرتني باربيعني لما سارت تسال واحد من الدكاترة سؤال شافته ما يعرف و خربطتها زيادة و آآآآآآآآخر شي سارت المكتبة يلست حليلها اربع ساعات عسب تعرف الجواب، يعني هو شي بديهي و الدكتور ما يعرفه و هو متخصص أساساً في المعلومات هذي …
اللي اسمعه عن دكاترة جامعه والحركات اللي يسونها مراهقين ما يسونها استغرب صراحه
ليش ما يقيمون الدكاتره سنويا
مب بس من الناحيه العلميه الاخلاقيه بعد
يا ريت اخويه … كنا بنحصل رسوب في السلوك عند بعض الدكاترة 
دكتور جامعه يقول لطالبه
يا بت هاوديني وتعالي المكتب
اتخيلوا واللي زاخينه ويا طالبه واللي واللي يمكن يكون للطالبات دور بس المفروض ما ينزل مستواه لها الاشياء
اعووووووووووووووووذ بالله
هالنوعية من الدكاترة مفروض ما تنعطى ويه … صدق درسنا في الجامعة و شفنا تمييز من بعض الدكاترة يعني اللي تعطي الدكتور ويه ساعات يرفعها أكثر عن غيرها و يفرق بينها و بين غيرها و التفريق شي مر، يعني انت تحس بالمرارة لما يفرقون بينك و بين غيرك لأن فلان أو فلانة تعطي الدكتور ويه و ترمسه و أنت ما تعطيه ويه لأنه يلعب بذيله … ( اسمحولي على هالكلمة )
الله يبارك فيك اخويه … الدورة هذي كانت في شغلي الجديم و الحمد لله ارتحت من همها …
يزاك الله خير اخويه و بارك الله فيك …
المشاركة الأصلية كتبت بواسطة اللوتس الواحد مش بعمره وشهادته ..
اهم شي احترام النفس و الغير
هلا الغالية اللوتس …
آآآآآآآخ يا اختي يا ما رمسنا … بس ساعات نشوف الياهل يعرف اشياء بديهية ما ينتبهون لها الناس الكبار و أحياناً تحصلين العود يتصرف شراة اليهال …
العود يكون بعقله مب بعمره … و أهم شي احترام النفس لأنج لما تحترمين نفسج بتحترمين غيرج و بتكون علاقاتج الاجتماعية ناجحة …
يزاج الله خير و بارك الله فيج …
المشاركة الأصلية كتبت بواسطة ولد بوظبي بخصوص ما ذكرتيه في هذا الموضوع
في موضوع سابق يمكن كتبته عن احدى الجامعات اللي درست فيها بالسابق ( غير جامعة الشارقة )
وذكرت عن اسلوب الدكاترة العرب .. واللي الكثير منهم تنقصهم الأخلاق واحترام الغير..
واللي ذكرتيه مب عندكم بس في كل مكان موجود حتى بعض الدكاترة ماتقدرين ترمسينهم من اتقوله يادكتور يطالعك من طرف عينه .. كأنه حكم الدنيا بهذا الدكتوراه
للأسف هذا دليل على دنائة أخلاقهم
ومايستحقون الشهادة اللي حصلوها
لازم تكون مع الشهادة العلمية – شهادة الأخلاق للذين لايملكونها
واشكرج على الموضوع
ولد بوظبي
هلا اخويه ولد بوظبي …
الله يعينك اخويه … إن شاء الله بتتخرج و بترتاح من هم الدراسة …
اخويه الحمد لله في الجامعة شفنا من كل عينات الدكاترة و الحمد لله صارت عندنا خبرة كيف نتعامل مع كل عينة …
اخويه واااايد من الدكاترة يتحرون عندهم الدكتوراة خلاص ملكوا الدنيا و اللي فيها تشوفه يطالعك بطرف عيونه و يرمسك و نفسه على راس خشمه … بس مب الكل
في نوعية منهم ما شي أحسن عنهم من ناحية العلم و الأخلاق … و الأخلاق مطلوبة قبل العلم و أهم منه …
يزاك الله خير و بارك الله فيك …
المشاركة الأصلية كتبت بواسطة الس يا فتاة بس يبون يشتغلون والاحترام مرمي وراهم
ما يعترفون فيه
الله يصلحهم لو انا مكانج جان **ترهم وقلت لهم احترام شوي للدكتور او المسؤل
بارك الله فيج وفي موضوعج
ودمتي سالمه
هلا اختي الس يا فتاة …
الله يهدي الجميع …
شو خانة ( فايدة ) الشغل بدون الأخلاق ( شراة اللي ما عنده ذمة و ضمير )
الغالية قام واحد من الدكاترة و صرخ عليهم : يا جماعة شويه هدوووووووووووء نبغي نفهم …
و الله ويهي عوووورني … معقولة الهدوء شي بديهي عسب نفهم الدورة و نتعلم و معقولة الدكاترة ما يعرفون الشي هذا ؟؟؟؟؟؟؟
و اتوقع لو رمست ما بيسمعوني … يشوفوني اصغر عنهم و شراة طالباتهم فما أظن بيسمعونها مني … و بعد تراني استحي ارمسهم … لأن وااااايد منهم شواب و ما أعرفهم …
يزاج الله خير و بارك الله فيج …