بس حبيت انقل الكم الكلام اللي فخاطري :
وين هالمنتدى على ايام قبل ؟ كانو الاعضاء ما يصدقون يوم الواحد يحط موضوع او يرد على المواضيع .
قبل لو عضو يغيب عن مشاركاته او تقل مشاركاته الكل يسأل عنه والكل يحاتيه .الكل يقول وينك وين مواضيعك
بس الحين لو احط موضوع واحد محد يرد عليه محد يسويلنا سالفه
في ويدين من الاعضاء يحطون مواضيعم بس الردود تكون صفر (0) يعني عيبنكم هالرقم وايد؟
الواحد يبغي التشجيع عشان يقدر يشارك يقدر يفتح قلبه ويشارك من الخاطر بس لا مادري شو لي غيركم
كنا كلنا على قلب واحد بس الحين كل واحد في صوب ودربه لييييييييش شو اللي صاير الكم؟
ما تحبون مشاركات مثل قبل ولا عشان ظروف الدراسه؟
انا حتى حاطه الموضوع بلالوان عشان تعطونه اهميه اشوي
وجزاكم الله الف خير
والله كلامج ما عليه غبار ،، صحيح إني يديدة على المنتدى لكن حاسة فيج
ووجهة نظرج صحيحة
زين منج انج نزلتي هالموضوع
اشوفج على خير حبوبة
و لو اني اشوف ان المنتدى منتعش في الفترة الأخيرة …
بس ما وصلت الدرجة المطلوبة لأعضاء Uae 4 Ever
اتمنى تزيد مشاركاتنا …
تحياتي … رويال 
بـــــس
الناس يتغيرون مع الوقت
من أحس الناس أختفوا
والصراحة ماشيء تشجيع للأعضاء الجدد
وسمووووووووووووووووووووووووحه
المواضيع احيانا تكون مهمة ومع ذلك الردود (((0)))
الله يحفظك على هذا التذكيرررر
وين المنتدى اوول….. بس احس اللي يشغلهم الدراسة والشغل …..الخ
ولا هم ما ايقصروون ……….ويا اللي ايعرفوه واللي ما ايعرفوه
ومثل ما ايقول اخونا كلاسيكي نحن مب مجرد اعضاء نحن اعضاء منتدى uae4ever
وان شاء الله ما اتشلين فقلبج علينا ………
اسمحي لي على القصور اختي بس صدقيني انا في الفتره الاخيره
ماقمت ادخل وايد يعني مب شرات اول وعسب جي مااعرف منو
اللي يشارك ومنو اللي غايب عن المنتدى
وانتي ماعليج اختي قصايد كتبي وشاركي وحطي
وبعدين تعالي وين القصص ولا نسينا الوعد 😡
اقول قصااايد خايف تنسينا والله عقب ماتعرسين 🙁
صراع الاجيال موجود حتي هني في المنتدى
اذكر يوم اول ما دخلت المنتدى ..
كنا نقول (بعد مدة من الاشتراك طبعا): المنتدى مب مثل قبل
واحين صاير نفس الشي
بس صدقوني المنتدى ما تغير
الاعضاء هم اللي يتغيرون
أكيد كل جيل (قصدي جيل الاعضاء) له خصوصياته
وانا عن نفسي متأقلم مع المنتى ولله الحمد
شي مهم ان الواحد يتأقلم
تسلمين اختي قصايد على موضوعج
واتمنى من الكل يشارك ويفضفض
بدخل في لب الموضوع على طول..
انا صارلي سنه من مشاركتي للمنتدى..
في البدايه…. حسييت محد يعطيني ويه…
بس لا ..لقيت الدعم الحمدالله من قبل الاعضاء والتشجييع المستمر
………….
بس الحين عشان انا مادش وايد للمنتدى ( له وحشه ) فا ماعرف الاوضاع … بس ادش بين فترة وفترة اجوف المواضييع>الدراسه الله يعين<
…………
بس هاي اللي حبيت اقوله
والسموحه على الاطاله
][ مع السلامه ][
على الموضوع وأهم شي المصارحه لنصل إلى أعلى المراتب
ان كلامي من كلام اخوي السؤدد وإن شاء الله الكل يتأقلم مع المنتدى
[moved]تحياتي لكم [/moved]
اعصابج علينا 😀
يمكن المنتدى قبل كان غير والحينه غير بس لازم نتاقلم معاه .. انا لين الحينه مب متاقلم 😀
فخفت مشاركاتنا مع ان دوم نكون متواجدين ..
ان شاء الله نحاول نشارك اكثر ..:rolleyes:
عسب ما تشوفين الاصفار بس 😀 😀
ويسلموا