بغيت أطرح كم نقطه أو كم سؤال عن حقوق المواطنين أو شو المميزات اللي يميز
الشاب أو البنت المواطن/ة عن باقي السكان اللي ساكنين في الإمارات (الهنود والوافدين )
اللي لحظة أنه ماله أي ميزه مافي قوانين تخلي الشعب الإماراتي غير عن الباقين .
في بعض الدوله (بدون ذكر الأسماء ) اذا واحد من مواطن من … تهاوش مع مثلا هندي
على طول يسفرون الهندي .
وفي دوله ثانيه مثلا في الجمارك أول شي يخلصون معاملات أبناء وطنهم عقب يتفرغون حق الزوار
وفي دوله عربيه تخفف على شعبها أسعار الشقق والأماكن الترفهيه أما اذا واحد زار الأسعار تكون دبل .
بس نحن في الإمارات ما نشوف هالشي الإماراتي يتعامل مثل أي شخص لدرجة أحيانا يكون
الهنود والوافدين لهم الأولويه في كل شي .
بس في أحد الإمارات الدوله عيبني تصرف شبابهم أو شعبها أنهم ياخذون حقوقهم بالقوه وما يهتمون من أي شي
بس انا ما انكر الشي اللي انتي قلتيه لاني لاحظت هااا الشي
والسبب انه اغلب الوظااائف حق العمااالة الوافدة
سبحان الله يمكن بعدين هم اللي بيمشونا على كيف كيفهم
والله المستعان
احس شيء عنصريه شوي
ان المواطن له شيء والوافد ماله شيء
يعني وين الأنصاف
بس شيء وافدين ما يستاهلون
يعني لو حصلوا شيء يضرطون على الخلق
فالعين اشوف الأوليه للمواطن
بس شيء مذله للي ما عنده واسطه
ولي عنده واسطه فيومين يخلص معاملاته
ومرات اسرع
جني شردت عن الموضوع
سموووووووحه
أما في الدوائر الحكومية مثل "المرور" .. الأولوية للمواطن والباجين يخيسون لي ما يخلصون شغلهم ..
فالأولوية تتحدد باللي يمسك المكان ان كان مواطن او وافد ..
=====
وشررررررررررررردة .. 
أو نقول معامله تمام ويقدرون المواطن ويعطونه حقوقه..
كيف لو تجي معنا عمان..بيخلونك تسوجي تنكر(صريج) أو تعملي في الدكان مع الهنود أو تسوجي سيارة غاز (امزح) وقبل فترة طلع معنا قرار بسماح للمرأة سياقة سيارة الأجرة..طبعا مب حرام أن الشباب يشتغلون هذه الأشغال ولكن الراتب قليل أما المرأة تعمل في أماكن محرمة أو خاصة للرجال فلا وألف لا..والله المستعان..
أمزح لا تزعلي..
بس أختي الإمارات ما شاء الله فرق..والواحد ما يعرف النعمة إلي فيها إلا لمن يشوف أحد غيره يعاني..يعني شوفي دول الخليج كيف وضعهم؟؟
وثاني شيء..أنت ذكرتي الدول إلي تعامل مواطنيها ولكن لا تنسي هذه الدول ربما لها سلبيات ثانية أكثر شدة منكم..صح وإلا لا؟؟
يلا عاد خليك من هذا الكلام ههه
والله الموفق
وفعلا كلامج صحيح بس ولا مره صار لي موقف بدوو وافده عليه خخخخ
يالله نسمع راي الجميع
اللي صاير في البلاد ان كل شي بالواسطه
يعني اذا كان مواطن يبغي يشتغل وعنده شهادات وأوراقه كامله
وفي واحد وافد وعنده واسطه قويه
بيشغلون الوافد وبيطنشون المواطن
هذا اللي صاير الحين اللي عنده واسطه يعيش في البلاد هذه
ولاتنسين ان نسبه الوافدين اكثر من 90% من سكان الامارات
الله المستعان
لأن هذا بلاده اذا ما حصل حقوقه وين بحصله في دوله ثانيه …. ليش نحن غير عن باقي الدول
اللي محافظه على حقوق الشعب ليش الحكومه ما تسوي نفس الشي ….
صحيح أن الوافدين في الامارات أكثر من سكان المواطنين بس هذا مب سبب اللي يخلي حقوقنا
تضيع
ولا تفهمون كلامي على أنه لازم يكون هناك تفرقه عنصريه أنا ما طالب بهالشي بس نطالب حق المواطن .
وتسلمووون جميعا على الردود والمشاركه
الكل الي من خاارج الدوله مااخذ فكره ان دولتنا الحبيبه موفره لكل مواااطن سبل الراحه جميييعها…. ولكن الع** صحييح ليس الكل انما ( فيتامين واو) السبب الرئيسي في حصول اي مواطن على مبتغاه وحتى لو كان ( مواطن) من مواطني الدوله وجميع الامتيازات تعتبر حق من حقووقه المنصوص عليها لدينا
كامتلاك منزل ومزرعه ( فالاحلام طبعا ) او بعد ( موته) او بعد( فيتامين واو ) وبمدة قصيرة جدا…..
هذا من ناحية الممتتلكاات….
مااننكر العلاج المجاني …( الحكومي )
المدارس الحكوميه.تعتبر ميزة للمواطن ايضا…
ولكن الموااطن لا يعامل لدينا كمواااطن …وانما حاله حال البقيه….
والمطلوب معاملته بصورة افضل مما ( سائد لدينا) ..