وأنت تتبضع في الجمعية,قد تقّدر في ذهنك السعر الاقرب لماقد اشتريته,إلا أنك وعند وقوفك أمام شاشة الدفع تفاجأ بمبلغ خيالي لم تتوقع أن يكون هو مجمل مااشتريته من الجمعيه 
لكن اذا عرف السبب؟!!
بعض الاسباب التي تؤدي الى صدمة ال**ون من المبلغ الخيالي تكون لهذا السبب :
فبعض ال**ائن هداها الله قد تختار سلعة أو بضاعة معينة الا انها قد تتراجع بعض الاحيان عن شراءها إما لان سعرها غالي,أو لتوفر وجودها في المنزل,أولعدم اقتناعها من شراءه 
الا انها لاترجعه الى مكانه الحقيقي 
,فالبعض يركنون بعض السلع التي لايريدونها بأماكن غير أماكنها الصحيحة والمخصصة لها
مثال على ذلك :
"قد تشتري إحدى ال**ونات مثلا "طنجرة"إلا انها تتراجع في بعض الاحيان عن شراءها وفي اثناء تبضعها قد تضع الطنجرة بمكان ليس هوالمكان الحقيقي لها وتحت سعر لايخص السعر الحقيقي لها ,كأن يكون سعر الطنجرة الحقيقي حوالي ال125درهما إلا انها وبتكاسل منها ركنته بمكان اخر وتحت سعر لايتجاوز ال20درهما ,فتأتي **ونة أخرى لشراء الطنجرة ظنا منها ان سعرها الحقيقي هو عشرين درهما فقط وليس 125والسبب في ذلك تصرف بعض ال**ائن الخاطئ في اعادة البضائع التي يتراجعون عن شرائها
فلماذا لايوجد تصرف حضاري من البعض اثناء وجودهم في الجمعية,واعادة مالايريدون شراءه الى مكانه الطبيعي,بدل خداع الغير بسعره المشبوه؟!!!
موضوع بقلمي
وأنت تتبضع في الجمعية,قد تقّدر في ذهنك السعر الاقرب لماقد اشتريته,إلا أنك وعند وقوفك أمام شاشة الدفع تفاجأ بمبلغ خيالي لم تتوقع أن يكون هو مجمل مااشتريته من الجمعيه
الحمد الله ما صادفني هالموقف ابدا واذا صادفني أخلي الماما تدفع خخخ
ومعاج حق في ناس كثير يوم ما يبون شي ماريرجعونه مكااااااانه مثلي انا من العيازه اطق درب عسب ارد الشي أقول في نفسي السؤولين هم بردونه ليش انا ارده (الأعتراف بالحق فضيله خخ)
وبعدين كمااااااااااان ما تنبلع اشوف شي قيمته 100 في مكان قيمته 20 باقول اكيد غلط
وانا اعتقد ان هذه المشاكل تحصل مع الحريم بس لانهم بس شيل وشيل وشيل تحتاج ما تحتاج شيل بس واااااو ياسلام هذا عليه عرض وهذا رخيص ولما يجي الحساب وجهها يطيح عند المحاسب
تستاهلوااااااااااااااااااااااااا
لو مثلا بيبسي ما خلينها في مكان الصحيح مثلا وضعناه في مكان الأقمشة..هل بيظن البعض أن سعر البيبسي مثل الملابس..
ما يصير أختي هههه
شكرا لك أختي
كلامك عدل..
أنا إذا شفت سعر مب السعر المطلوب على طول أرجعه إلا إذا كان فيه ضرورة
حياك الله
انا ما اسير السوبر ماركت
المهم مشكورة خيتوووو …..وتسلمين على الطنجرة الحلوة 
وسوالم
ومعاج حق في ناس كثير يوم ما يبون شي ماريرجعونه مكااااااانه مثلي انا من العيازه اطق درب عسب ارد الشي أقول في نفسي السؤولين هم بردونه ليش انا ارده (الأعتراف بالحق فضيله خخ)
هيه صدوي وافرضي ان حرمة يت من بعدج وخذت الشي اللي رديتيه,وعلى بالها إن سعره الحقيقي,هو السعر الموجود فوقه"يعني السعر المشبوه مب الحقيقي"؟!!
أكيدبتنصدم الحرمة بفاتورة الشراء,خاصة اذا كانالفارق في السعر كبير
"بس المسؤوليين وايد بيتعذبون ترى من كثر مايردون أغراضج,خصوصا ان معظمهم منغرضين ومافيهم وزن ,يعني يمكن يختفون بلمحة بصر؟!!
وتشكرين على المرور
اسمحيلي يا اختي المسالة بسيطة
أخوي عصفور عندك بسيطة,بس عند غيرك تكون كبيرة أحيانا,خاصة اذا كان فارق السعر كبير
وبعدين كمااااااااااان ما تنبلع اشوف شي قيمته 100 في مكان قيمته 20 باقول اكيد غلط
أخوي بس في ناس ماينتبهون لهالشي,ويعتقدون إن هذا هو سعره الحقيقي,خاصة اذا كان فيه تشابه في السلعتين,لكن الاختلاف يكون في الجودة
وانا اعتقد ان هذه المشاكل تحصل مع الحريم بس لانهم بس شيل وشيل وشيل تحتاج ما تحتاج شيل بس
خخخخ,أخوي لاتطلع فضايح زيادة 
,عن الاحراج.
ولما يجي الحساب وجهها يطيح عند المحاسب
ترى هذي النتيجة
تستاهلوااااااااااااااااااااااااا
الله يسامحك,,,,اخوي الشماتة مب زينة
الجويس .. اذا كانت السلعة غاليه قولي للي يحاسب .. غيرت رايي أو هونت .. مابى أشتري هالسلعه .. بسيطه المسأله 
يعني الحين إل هذه الدرجة بيكون خطأ..
هيه خوي يصير ساعات لهالدرجة
لو مثلا بيبسي ما خلينها في مكان الصحيح مثلا وضعناه في مكان الأقمشة..هل بيظن البعض أن سعر البيبسي مثل الملابس..
أخوي لو على البيبسي بنقول ماعليه,بس غالبا على بضايع متشابهه شكلا لكن مختلفة سعرا
ما يصير أختي هههه
يصير أخوي خخخ
كلامك عدل..
من متى
شكرا لك أختي
العفو أخوي الحسام,وتشكر على المرور
البعض يتكاسل ان يرجع البضاعه الى مكانها الاصلي ويركنه في مكان ليس بمكانه وهذا غلط.
بالنسبه لي انا حصل الموقف اكثر من مره ..
صح اني انحرج لاكن اخذها مدام انها في نفس اولادي او نفسي شو اسوي بعد..
بس المشكلة يوم اتسيري الجمعية وتشتري كل الأغراض وتين عند الحساب وبروحه سيد طويل الحساب ويوم اتين اطلعين البوك عشان اطلعين بيزاتج تحصلين ان البوك فااااااااااااااااضي اهني صدق بتنحرجين …. وهالموقف استوى لربيعتي صدق مسكينة والله واتقفطت وردت الأغراض والعالم كله يطالعها 
طبعا هي بإمكانها ادق لحد في البيت اييب لها البيزات بس من القفطه خلاص ما تبى شي بس تبى تطلع من الجمعية
:
:
:
في بعض السلع تكون واضحه انها مب في مكانها الصحيح ولكن مثل ما قلتي في سلع تكون مختلطه مع الاخرى ويتفاجأ ال**ون بان سعرها غير السعر اللي قراه على الاستيكر
:
:
:
انصح الكل الى قراية تفاصيل السلع..مثل السعر والمواد المكونه لها ووين مصنوعه …ترى مرات نكتشف اشياء عجيبه
:
:
:
يعطيج العافيه خيتوووووووووووو
<>
<>
<>
<>
<>
<>
<>
<>
المرعب والاجر على الله
