قريت اليوم موضوع في جريدة الخليج وبصراحه لفت انتباهي ….
يقووولك … في مدرسه من مدراس بنين راس الخيمه رن الجرس على اساس انه الكل يتجمع علشان الطابور ….
وقام واحد من معلمي الرياضه المرور على الصفوف علشان يطلع التلاميذ … وكانواحد من الطلاب في الصف وما طاع يطلع … وزيادة على ذلك قل ادبه على الاستاذ … فقام الاستاذ وضربه …:mad:
وعلى ياية الوكيل … حاول الوكيل يهدي الوضع …..من بينهم ينصح الطالب .. وبعد زاد الطالب في عناده وقل ادبه زياده … وبعد ضربه الوكيل ………. ((( الحينه منوه الغلطان ؟؟؟)))
ذهب ولي الامر طبعا واشتكى عند الوزاره عن هاي الواقعه … فما كان من الوزاره الا ,…….
اقالة معلم الرياضه …. وتنزيل الوكيل من منصبه
هل تصرف الوزاره صح .. والا تصرف الطالب … نحن نعرف انه الضرب ممنوع في المدارس لكن يوم اييك طالب تربيته حدث ولا حرج …. والله بستحى ارفع لساني على اساتذتي …بس شوووه نقول ؟؟؟
هوه طبعا ارآنا ما بتغير شيء .. بس يمكن بعض الاباء والامهات يتعضون .. ويحاولون ينصحون عيالهم ويوجهونهم للطريقه السليمه في التحدث مع اللي اكبر منك ؟؟؟
ممكن اعرف اراؤكم :rolleyes:
المعروف ان اي قرار او اي حل لمشكلة يتم وفق اجراء معين يكون من المسؤول الصغير الى المسؤول الاكبر بالتدرج …هذا في كل الدوائر ليس فقط في التربية ولا يتم الوصول الى قمة الهرم والمسؤولية الا عند الضروروة والمشاكل المستعصية .
اما قضية مثل هذي ما تطلع عن اطار المدرسة وما تتجاوز لفت النظر او التحقيق فيها من جانب المنطقة التعليمية .
لكن الصراحة ضرب الطلاب ممنوع صح لكن ضرب بعض من خرجوا عن الانسانية قد يكون فيه شيئ من التأديب …. خاصة كما عند المضمرين .
وما اكثر ما يتفوه بعض اهل التربية بكلمة (لتلميذ هو محور العلملية التربوية ) .. يعني اظن يقصدون بها اتدلل على كيفك ومن اجل عين تكرم …… بل تذل الرقاب من اجل هذا الطالب الفاشل الذي لم يفلح والده في تربيته وكان وسيكون نموذجا يسيء الى وطنه بسبب الدلال الزائد .
والله يكون في العون .
وشكرا للوعد .
والله يكون في العون .. بس بعد انا اشوف انه القرار مجحف في حق المدرس …. هوه لو انه ضربه وعوره ومنوم الولد في المستشفى بقول …. مب الا تعالوا واطردوا الناس .. بعد ترى هذا ر** ؟؟؟؟
ونحن مهما تكلمنا تراهم هم ادرى بالقوانين .. ومشكور الكشاف على ردك
والله مشكلة اذا وزارة فيها مسؤلين ماتوقف بصف مدرسيها ماعتقد انها وزارة حتى لو الضرب ممنوع احيانا يقل الطالب ادبه ويقل من كرمة المعلم فلماذا نتساهل مع الطالب والله تمر حالات كثيرة على اتمنى انى مو اضرب الطالب فقط الا اشيله واكفخه طرقاات لانه يحاول ان يحط من قدر بعض المعلمين … فمن الواجب ان لايدللوا الطلاب بزيادة وخصوصا اننا صرنا نربي جيل ناعم وترف ويعرف كل شي حتى راتب المعلم كم ؟؟؟
والوزارة مخطئية جدا فى قرارها وليس من المعقول ان تقيل بل لها الصلاحية فى التحويل الى اداريين
والله انا اتكلم من فتره تدريب بس مرة عليه في المدارس وهلكونا البنات .. كيف اذا الاولاد .. واذا على الادار والله احس انه انظلم ها الاستاذ من قبلهم … لانه لو انه الولد صار له شيء بنقول ….. بس الحمدلله الولد بخير ومب انه مت**ر والا فيه عاهه والا شيء لا سمح الله …. والمدرس ترى يربي ويعلم .. وكان المفروض الاب يعلم … لكن لا حول ولا قوة الا بالله .. الوالد لاهي بشغله والوالده لاهيه في مشاويرها …. وعيالنا وين ؟؟؟؟؟؟؟:mad: 😡
ومع العلم .. انه جمعية المعلمين تنادي انه يكون شيء قبل الاقاله .. والتأني بها الامور .. مب على طول يقيلون المدرس والا غيره ..وانشاء الله حد يلتفت لامرهم 🙁
مرحبا الساع يا الوعد..
بصراحة انا من وجهت نظري..انا الوزارة غلطانة.. 😡
ممكن ادبه بخصم راتب وفصل مدة معينة …:rolleyes:
صح انه الضرب ممنوع وما يحق حق هالاستاذ او غيره يمدون ايدهم
على حد من التلاميذ…لكن الواحد يدور حق اخوه المسلم 70 عذر قبل
ما يتخذ قراراته..:eek:
على العموم …ر**ه وقف..واكيد انكتبله في مكان ثاني..:rolleyes:
مشكورة يا الوعد على هالمتابعه الزينة للقضايا التربوية المهمة اللي مثل هاي..;)
تحياتي لجـــــــــ;)
زعفرانة
والله انا وياااج انه الوزاره غلطانه لكن لا حياة لمن تنادي 🙁
يعني والله لو انه الولد متعور والا فيه شيء لا سمح الله بنقول … لكنه الحمدلله بخير …..بس يالله الله يكون في عون ها المدرس والوكيل وياه
والله نحن بها الطريقه نشجع الطلاب على الغلط والتمادي 😡