هلا بكم اخواني واخواتي ..
هذي مشاركه جديده اطل بها عليكم واتمنى مشاركتكم الجميله .
هل مشاركاتنا في المنتدى اضافت الينا شيئا جديدا الينا؟
يعني ..
هل طورنا شيئا في مهاراتنا وثقافاتنا او اي شئ آخر؟
تبى صراحه ضافتلنا الكثير ..
في وايد اشياء ضافتلنا 
اهم شي دينيا .. بعدين معلومتنا 😀 😀
وسموحه ما روم اكتب وايد "مشكله الصداع":D 😀
ويسلموا
اما بغير الدين مااعتقد استفدت او اضاف لي شي ثقافي او مهاره 😉
وعن نفسي ..
أحس عن المنتدى اضاف لي الشي الكثير ..
واستفدت منه وااايد .. سواء عن طريق قراءة المواضيع أو الرد عليها ..
خاصة كنت قبل من النوع اللي يحب يسمع أو يقرا بدون ما ارد او اشارك في شي .. ..
بس الحين غير ..
صار عندي اسلوب في الرد ..
ويوم عن يوم أحاول انمي عمري في هالشي ..
قدرت اني اتعلم كيف احاور الناس .. و اتناقش معاهم ..
وخاصة ان المنتدى يحوي على فئات عمرية مختلفة ..
وبعد احس اني صرت قريبة من الناس .. من خلال متابعتهم ..
مثل ما تقول اتعلم منهم و من تجاربهم ..
يعني بالمختصر تأثيره كان وااااايد إيجابي علي ..
تقدر تقول المنتدى بيتي الثاني .. إذا ماكان الأول بعد ..
وما اقدر استغنى عنه ..
وصار جزء لا يتجزأ من روحي ..
تحياتي
هلا و الله الغالي بو منصور …
انا الحمدلله استفدت اشياء كثيره و اهمها الاشياء الدينيه ..
و الشي الثاني هو الحوار … احس ان المنتدى يعطيك الدافع انك تتحاور
مع ناس يختلفون في الافكار و المواضيع و هذا الشي مفيد طبعا …
و طبعا في المنتدى كونت لي صداقات مع ناس طيبيين و الحمدلله .. و اتمنى ان تدوم هالصداقه ..
كثيره الفوايد الي استفدناها من المنتدى … و ان شاء الله نستفيد اكثر
و اكثر ..
مشكور الغالي على الموضوع الجميل ..
😎
بصراحه انا ممن استفاد من كثير من المنتديات ….
وقد حططت برحالي عندكم …
واعجبت بكثير من اعضاء منتداكم …
ويشرفني ان اخبركم بان المنتديات لها فضل كبير في امور شتى
منها الصداقة والتعارف ….
وايضا الرقي بثقافة الشخص ومستواه الفكري …
احبتي اتمنى ان تزورو منتدى التعارف لترحبون فيني;)
ولكم مني التحية والتقدير …
اخيكم
عبادي2020:D
* وعرفت اهمية الصداقة في حياة الانسان .. والشي الاهم عرفت ان اخوة الاسلام اقوى من اخوة النسب .. يعني الواحد ما يقدر يفارقهم .
* المعلومات العامة اللي يحطونها اخواني واخواتي .
* حتى الواحد اذا كانت عنده مشكلة محد قدر يساعده في البيت او اي حد من ربعه الاعضاء ما شاء الله عليهم ما يقصرون .
والسموحة 😀 😀
من حيث المواضيع الدينية (خاصة في شهر رمضان) والمواضيع العلمية … وفوق هذا كله ان المنتدى خلاني أكون جريئة في التحاور مع الآخرين وابداء الرأي والنقاش حول موضوع معين…
الصراحة المنتدى مفيد…
وتسلم أخوي على الموضوع…
وبعد استفدت من القصص اللي يحطونهن للعبرة
والأهم من جيه **بت اخوان واخوات غالين عليه
الصراحة راحة
أنا أول مادشيت المنتدى كنت متشققة….محد كان يقدر يمسك حلجي….. 😀 😀 😀
سوالف وحكم ومواعظ….إلى آخره…./ صداقات جديده…… معرفه ثقافات ((( بما إني من قطر)))) كنت وايد مستانسه….بس بعدين
ماشفت من المنتدى إلا التكرار في المواضيع ….. والتكرار ثم التكرار
هذا الشي خلاني أفكر في البحث عن منتدى آخر
اسمحووولي …………بس هذي الصراحه
هذا رأي……وأرجو احترامه
وسلامتكم.
اتمنى من الكل ان يقرا رد بنت الدوحه