∫∫…هذا المشروع…∫∫…خيرٌ لك.…∫∫…ولأخوانك…∫∫ 2024.

((من فطر صائماً كان له مثل أجره غير أنه لا ينقص من أجر الصائم شيئ)) رواه الترمذي

إن مشاركتك في هذا المشروع خير لك ولإخوانك، وذلك بإعانتهم على الصيام والقيام ونشر الدعوة وإحياء هذه الشعيرة في المساجد ودور الأيتام والجامعات والسجون..

حبيت أعرض عليكم مشروع إفطار صائم اللي راح يتم في شهر رمضان ان شاء الله واللي من خلاله راح نحصل على الأجر والثواب والتوفيق والرضى من الله سبحانه وتعالى..

المشروع كبداية تم المشاوره بيني وبين أختي الحنين ومشرفنا اليديد أخونا خلية النحل .. والحمدلله اتوفقنا في المشروع كخطوه أولى وتم اتخاذ رقم الحساب البنكي الخاص بأخونا خلية النحل اللي استخدمناااه سابقاً في مشروع بناء المسجد.. وراح يتم استقبال التبرعااات على هالحساب.. وراح يتم العمل على هالحساب..

الخطوه الثانية ان شاء الله راح يتم المشروع مع قروب ما شاء الله عليهم من ثلاث سنين ألحين هم قائمين على هالمشروع وبإذن الله راح نتعاون وياهم وراح انشوووف سعر وجبة الافطار وكم صائم راح يتم إفطاره في اليوم الواحد.. يعني ترتيب كل الأمور على حسب الميزانية اللي راح تتجمع..

أترك التوضيح أكثر في الخطوه الثانية لأخوي خلية النحل لأن هو من ضمن القروب اللي ما شاء الله عليهم يقومون بهالشيء .. الله يديمكم على فعل الخير والله يعطيكم الصحة والعافية يارب.. اللهم آمين..

والخطوه الثالثة ان شاء الله وبإذن الله تعالى وتوفيقه راح انحط بين فتره وفتره صور خاااصه بالمشروع..

وعن رقم الحساب ومتى راح يتم استقبال التبرعات.. كل هذا أتركه لأخوي خلية النحل.. وان شاء الله راح يوافيكم بكل ما هو مكمل للمشروع..

واللي يوفقنا ان شاء الله بإتمام هذا المشروع الرائع.. والله يجزينا الخير والثواب والرضى دائما يارب.. اللهم آمين

والله يقدرنا ان شاء الله على إفطار أخواننا وادخال الفرحة والبهجة في نفوووسهم يارب.. اللهم آمين

وربي يحفظكم ويوفقكم دوووم ويرضى عليكم دنيا وآخره يارب.. اللهم آمين اللهم آمين اللهم آمين..

والسموحة..