هذا الشبل من ذاكـ الأسـد

بالنسبة لرفع صوت المرأة في المراكز والمحلات ..
فهالشي وايد منتشر .. وانا شفت هالشي كم مره في كم محل
.. والمصيبة اذا كان في تشجيع من الام ..

هالموقف مب حلو لا في حق البنت ولا في حق اللي يبيع …
واغلب اللي موجودين في مكان وفيه بنت ترفع صوتها على ريال
حتى لو كان هندي .. يشوفونها بنظرة مب حلوة ..

وبالنسبة للابناء والاباء .. كيف الاب يبغي ولده يسمع كلامه
بالامتناع عن التدخين .. وهوو في ايده سيجاره ؟؟!!!!!!!!!

الصفة اللي أحبها في الوالدة .. الهدوء ..
وفي الوالد .. التأني في التعامل مع المواقف .. واحترام الاخرين

هنالك قاعدة في علم نفس الأطفال تقول:
الولد الذي يضرب يضرب بفتح الياء.

والله الجويس أمي مثلا تحب النم على الخلق وأنا لأ.

إذا كن يصرخن على الهندي, والعربي لأ :
فهذه بشارة خير يعني سآتي اليكم والإتح محل لبيع القماش والشنط !!

ولكني أعتقد أنها تفعل ذلك من باب الإستعلاء على الهنود. والعنصرية أيضا.

لا فرق بين عربي على أعجمي إلا بالتقوى.

لازم كل بنيه او حرمة تعرف ان صوت المرأة اصلا عورة فكيف
تقعد تصارخ وتعلي صوتها !!! واذا الام تساعد على الغلط فما
نقول الا على الدنيا السلام

وبعد في سلوك غريب من بعض الحريم او البنات…يوم تدخل محل
فيه هندي او حتى عربي الجنسية ممكن تكشف ويها عادي ومن يدش
واحد لابس كندورة (( اوييييييييييييه ريال !! ))

ليش اللي كانوا موجودين شو ؟؟!!

موضوع القدوة …اعتقد معظم الاعضاء يعتبرون الوالدين قدوة لهم
وكل واحد له صفة … الطيب او الحزم او الالتزام بالمواعيد وغيرها
من امور ولكن تكون الطامة عندما يكون الوالدين في سبات عميق
عما يدور ل***ائهم وما يفعلونه وهنا يفقد ال***
قدوة مهمة في مشوار حياته

اخذ من ابوي الصبر ومن الوالده اللي يرحمها الطيبه

مسّي مسّي

السلام عليكم

بالنسبه للنقطه الاولى : هالظاهره واايد منتشره مدري
ليش يصارخون تبين اشتري ما تبين اطلع مافي داعي
تضاربين وتسبين عسب كم فلس
<<< ضغطي يرتفع يوم اشوف جي

بالنسبه للقدوه : أكيد العيال دايما يشوفون ان الوالدين
هم القدوه وهم على صواب حتى لو تصرفوا تصرف غلط

بالنسبه لي الصفه الزينه اللي خذت منهم الطيبه
والصفه الشينه العصبيه

يعطيج العافيه على الموضوع

البعض يعتبر هالشي شطارة منهم انهم قدرو ياخذون
اللي يبغونه ومب مهم عندهم الطريقة

اليوم كنا نتناقش ف هالموضوع مب شرط انه اللي يسويه
الولداين يكون دايما صح واني اسوي مثلهم ف كل شي انا
وصلت لمرحلة من النضج تخليني اميز بين الصح والخطأ واقدر
اني اغير من بعض التصرفات حتى لو كان امي واوبي يسوونه
مب شرط اني اسير اسوي مثلهم

يعني مب شرط يكونون
قدروة لي ف كل شي ((الكمال لله ))

بصراحة اقدر اقول لامي شو الشي اللي ما احبه فيها
لكن ابوي له هيبته استحي اقول له اسير
واتحرطم عليه عند امي ولا خواتي

إذا كان رب البيت بالدف ضارباً ::: فما شيمة أهل البيت سوى الرقص !!

.. صراحة أراه من قلة الحياء والأدب في الشخص …
وإلا من المفروض ان لا ترفع صوتها بينها وبين نفسها فما بال رجل أجنبي !!
وللأسف ثم للأسف مراراً تكراراً أن مثل هذا الموقف يحدث يوميا !!!

والكارثة الأكبر عندما يكون أحد من العائلة متواجداً ولا ينكر مثل هذه التصرفات ..
رحم الله تلك الأيام !!

بالكلمة الطيبة … ( حقيقة لم نرَ سلبيات تُذكر )

مشرفتنا الطيبة الجويس … جزاك الله خيرا على الموضوع الطيب الهادف ..
لك مني جُلّ شكر وتقدير ..وسدد الله على درب الخير خطاك ..