هل تقبل/ تقبلين .. الزواج من معاق ؟؟
أختي الشابة ..
أخي الشاب ..
هل تقبلون الزواج من معاق ؟ وإذا كانت الإجابة بنعم فلماذا؟ ولماذا يرفض المعاق ؟؟
ولماذا قد يرفض الأهل زواج ***تهم من معاق ؟؟
اليس لهذا المعاق قلب يحب به ويعشق؟؟
ايها الاخوه الاحبه يجب ان تكون لنا وقفه مع هذه الفئه من المجتمع كما يجب ان تتغير نظرة المجتمع لاخواننا المعاقون …
نعم قديكون معاق …. ولكنه ليس بعاجز…..
أرجوا أن أعرف أرائكم حول هذه المسألة ولكم مني كل الشكر والإمتنان
بحصل اجر طول حياتي على هالشي …شو ابي اكثر عن جي …واعتقد هو انسان له احاسيس
ومشاعر صادقه يمكن احسن عن الناس الصاحيين اللي ما فيهم شي …
اما عن الاهل ..والله مادريبهم يمكن ما يبون بنتهم تعيش اف تعاسه وهي تخدم هالانسان
هذا على حسب تفكيرهم …بس والله اذا البنت تبيه ..اظن القرار الاول والاخير حقها
وسلمتوا …ومشكوور اخوي بشتخته على هالموضوع الجد حساس
رومانسيه : اشوفج اتخذتي قرار صعب من دون تفكير
ما اختلفنا ان المعاق له احاسيس ومشاعر وطبعا معاق عن معاق يختلف يعني في منهم حالتهم صعبه واايد ومستحيل العيش وياهم يعني لو اخذ وحده حالتها صعبه كيف بكون اسره كيف راح اعيش حياتي انا اتكلم بصراحه من غير لف ودوران ومن غير مجامله ما عندي مانع اخذ وحده معاقه بس شرط اعاقتها ما تعيق حياتنا الزوجيه ..
والحمدلله على نعمه الصحه والعافيه
طبعا انا وياك اف نقطة انه يكون انسان يقدر على الحياة الزوجيه هذا اهم شي ..بس اذاانسان معاق كليا ..طبعا لا ..لانه اصلن مايقدر يكون لاحياة زوجيه ولا انه يكون له اسره …
واسمحوا لي لاني واااايد متاثره بالموضوع :rolleyes:
اختي الغاليه احسج تسرعتي وايد في اتخاذ هالقرار …
في اعتقادي ان كل بنت تريد زوج المستقبل رجل كامل ( والكمال له سبحانه ) من كل شي ريال يروووم يوقف يمبها ويحميها …. فلو كان معاق بيختلف الوضع الحرمه هي اللي بتكون صاحبة الكلمة في البيت غير ان الرجل المعاق بيكون شكاك وممكن يعاني من عقدة نظرة الشفقة اللي يشوفها في عيون الناس نحوه …
وعيالكم … كيف بيكونون … من ناحية تقبلهم ان ابوهم معاق ؟؟
اسئلة فكري فيها وراجعي نفسج ونتريا ردج ……
تسلم الغالي على الرد …
وبالفعل ممكن الريال ياخذ زوجة معاقة بس بشرط ان اعاقتها من تعيق حياتها الزوجية …
يعني مثلا مقعدة … والعيال منو بيجابلهم ؟؟؟
فيها صعوبات … مب ممكن يورث العيال هالشي ؟؟؟
تخلف بسيط …. العيال ؟؟؟؟
ضعف او عمى بصري …. هل بينجح هالزواج ؟؟؟؟
ضعف او فقدان سمعي كلي …. مستعد تتعلم لغة الإشارة ؟؟؟ ومنو بيراعي اليهال ؟؟؟
اسئلة فكر فيها ونتريا ردك …
الانسان المعاق يوم بيقرر الزواج ..لازم يحط نفسه جدام الامر الواقع..انه حرمته يوم بتاخذه
تقريبا هي بتكون الكل في الكل ..طبعا مو في كل الاشياء ..في الاول والاخير الراي رايه
في بيته وعياله …انا اقصد انه الوحده يوم بتاخذه بتكون هي المسؤوله عن البيت واللي يصير في البيت..وعن تربية اليهال …والخ …بس في الاخير بيتم هو ريال البيت وله كلمته
بعدين هو يوم بياخذها لازم يتاكد انها ما خذته عسب تشفق عليه ..هي خذته عسب شخصيته
عشانه هو كانسان واحساس ومشاعر ..مب عسب تشفق عليه ..
اما عن العيال …غصبن عليهم يتقبلون فكرة اعاقة ابوهم ..لانه امهم رضت بهالشي …ولازم يحترمون كون ابوهم واحد معاق وما يستحوون من هالشي ….وفي الاخير يعتمد هالشي على تربية امهم .
صدقني اخوي بشتخته انا ما تسرعت …واتحمل القرار اللي اتخذته
والله وهقتني فعلا بيكون قرار صعب
والاخت رومانسيه اشوفها مقتنعه من الكلام اللي تقوله 😮 حبيت اعرف كم عمرها اذا ممكن يعني..
اختي احييج على قرارج … لو اني اشك ان حد بيساندج فيه لكن اهم شي انج مقتنعه …
كلاسيكي ..
الشيخ …
والله وهقتني فعلا بيكون قرار صعب
هيه والله صدق انه قرار صعب ويحتاي لدراسة …
كاتم الهم …
شكرا على الرد اللي بصراحة مافهمته :confused: :confused: :confused:
كلاسيكي ……لاتخاف مب ياهل عاقل والحمدالله :rolleyes: وحده متخرجه من الجامعه
كم تتوقع عمرها 😀 😀