بس هو حدد احلى مثل مر علينا ..لكن شو رايكم انخلي هالموضوع حق الامثال الاماراتيه بس مع شرح بسيط لها عشان بقية الاخوه اللي مايعرفون معناها..
مجرد اقترااااااااح اذا عيبكم اكتبوا اول مثل عندكم واذا ماعيبكم خلوا احد المشرفين يحذف الموضوع.. وباخذها بروح رياضيه 
فديتني والله
اختكم الريم
وبعدين الموضوع ينحذف احلى 😀
يالله عاد عن الزعل سوالف عشان يصير بينا توالف
الله كشخه جنه هذا مثل ولا شو
سو سوالف عشان تصير توالف …. ما اعرف انا اشرحي انتي 😀
معناه انها تاكل من خير زوجها الحالي بس تذكر محاسن زوجها السابق وتدعي له
اخساس في ريلها اصلا 😀 😀 بس انتوا الشباب لا تستانسون وااايد
وبعد يستخدم في اشياء واايد مثل الواحد اللي يشتغل في مكان بس يذكر محاسن شغله السابق ويذم شغله الحالي
يالله دور منو اللحين
وياه بعد على اساس يكون واظح
انا طبعا بقولكم الأمثال الي الكل يعرفها
"الي ما يعرف الصقر يشويه"
وهذا يدل على جهل الشخص بالناس الي عداله او الشي الي وياه
وبعد شي
"مال عمك لايهمك"
وهذا يدل على انه الشي المب لك عادي ما تراعيه
يعني لو واحد من الشباب مستلف سيارة ربيعة ولا مؤجر
تحصل الويلات ماشاء الله بس في موترة ما يسوي تشي ويحاتي عليه
غـــــــــــــــزل
" فلان ينعش بلا مدخان "
المعني:
الشخص يتصف بالصفة ، ويأتي ما يزيده في الصفه
مثل الحين الريم ، انتي تشوفين عيوني منفوخ وبعدك تزيديه
الحين كيف بيصير؟؟؟؟
ومثل الواحد يكون مغرور وشايف نفسه ، يجي من يمدحه زيادة
بالله شلون بيصير حاله؟؟؟؟
يعني تجنب المشاكل ولا تتسببلها
ماشي فكه مني يالسه عله على جبدج فديتني 😀 انا ومشاكلي 😀
انزييين بعد عندي مثل ثاني
وهو انه البقرة(عزكم الله ) ما تشوف ذيلها تشوف ذيل ربيعتها
وبعد الناقة ما تشوف سنامها تشوف سنام غيرها
ومعناهن واحد وهو انه للانسان اللي ما يشوف عيوبه ويشوف عيوب غيره
يشوفون ذيلهم ولا راسهم انتي شو لج عندهم … فديتج
وفديت البقر خليهم في حالهم 😀 عزج الله عنهم 😉
الطيب شكرا على المداخله
ريحانووووووووه يعطيج العافيه
اوراقووووووووووووه ام السان خلج بعيد انتي وبقرج:D 😀 والا اقولج اعطينا من الامثال اللي عندج اللي اول مره اسمعها بس لو سمحتي مع الشرح:D
وعندي مثل اكيد كلكم تعرفونه وهو
اللي في الجدر يطلعه الملاس
وهو يعني مثل مايقولون اخوانا المصرييين ياخبر النهار ده بفلوس بكر ببلاش .. عاد افهموها انتوا بكيفكم ماعرف اشرح:D
وهذا ينقال اذا واحد حب يتزوج من وحده غريبه مب من العائلة
