ماشاء الله تبارك الله .. المنتدى هاليومين يفتح النفس .. ان شاء الله دوم يارب
يذكرنا بأيام " الخولي " على قول الاخت عاشقة الظبي 
الآن .. دعوني أخبركم " سالفة " خالد .. تعرفونه .. "صح" ؟!!
قبل التحاق خالد بالمدرسه وقعت والدته في حيرة شديدة من امرها
كانت تفكر في الحاقه بأحد المدارس الخاصة المشهود لها بالكفاءة في التعليم
ولكن جاءتها التحذيرات من كل صوب .. احذري من المدارس الخاصة ..
فسلبياتها اكثر من ايجابياتها .. حيث حياة الطلبة فيها تسودها المظاهر
و لا يتفاخر الطلبة بالعلم .. بل بالقميص الكرستيان ديور .. و الحذاء الوي فيتو
ولكن ام خالد ظنت ان هذا يرجع لتربية الاهل .. وليس للمدرسه ..
والتحق خالد بتلك المدرسة الخاصة
خالد الآن في السنة التمهيدية الاولى
عندما عاد اليوم من المدرسة قال لوالدته:
ماما .. مايد يقول ان ساعتي مو حلوة .. ماما اشتري لي ساعة احلى من ساعة مايد
قد يكون مجرد كلام برئ من خالد لأمه .. ولكنها .. تعجبت !! أيعقل ان يعاير الاطفال بعضهم في مثل هذا العمر ؟!!!
" من الحين ياخالد " ؟؟؟
حمدت ام خالد الله .. بأن خالد لم يطلب ساعة شانيل
السؤال ..
هل فعلا ان المظاهر قد اصبحت جزء من مجتمعنا ..
وهل اصبحت قيمة الانسان هي قيمة مالديه ..
اول شي ربي يحفظه لج
اقوول رووحي طلعيه قبل لا يطلب اشياء ثانيه وتتوهقين
الصراحه المظاهر وتفاخر فيما بين الناس صارت من أولويات الشخص
صار كل واحد يطالع الثاني … وصاروا الناس يحكمون على الشخص من مظهره الخارجي
وبالنسبه للمدارس الخاصه في الزين وفي الشين على حسب الاداره ومدى سيطرتها على الطلاب .. وقوانين المدرسه
وعليكم السلام ورحمة الله وبركاته
عسى دوم نفسج مفتوحه والله يخلي لج خالد ويحفظه
بالنسبة للمدارس الخاصة ….. ترى الكلام اللي سمعتيه ممكن يكون صح بس هالكلام ما ينطبق الا على المدارس الخاصة المتواضعة واللي غرضها جمع المال فقط !! 
في مدارس خاصة تعليمها جدا راقي ومستواها مرتفع وهمهم الاول التعليم فقط وهالنوعية من المدارس مرات يكون سعرها غالي وايد 
اما قضية المعايرة في الملابس او غيرها ترى هالشي موجود في كل مكان وفي كل المدارس…يعني ما يقتصر على المدارس الخاصة لان هالشي يرجع للبيئة وليس للمدرسة 
انصحج انج اول شي تبحثين عن مستوى التعليم في اي مدرسة وما عليج في الباقي لانج انتي تقدرين باسلوبج باقناع ***ج من الابتعاد او التصرف في مثل هالحالات ( حالات المعايرة ) 
الله يحفظه لج ويوفقه 
المرعب والاجر على الله
شو سالفة خالد هاليومين!
هل فعلا ان المظاهر قد اصبحت جزء من مجتمعنا ..
نعم واللي يقول لا ما بصدقه
والدليل الأطفال قاموا يهتمون بهالأمور
أصبحت المظاهر جزء لا يتجزء من مستوى معيشة الأفراد في عصرنا الحالي بالذات!!
وهل اصبحت قيمة الانسان هي قيمة مالديه ..
على حسب تفكير الشخص وقناعته
وهناك تفاوت بين الشخصيات
الانسان يقاس بأخلاقه ودينه وسلوكياته اولاً
وقولي لخالد عن البطره ومد ريولك ع قد لحافك 
وبصراحه لاحظت هالتغييرات البسيطه في ولد اخوي
اشوفه واايد يطلب بس ما حطيت في بالي هالشيء ،،
بس الحلو في المدارس ان تعليمهم ممتاز ،،
هل فعلا ان المظاهر قد اصبحت جزء من مجتمعنا ..
انا اسميها المظاهر الخداعه ،،
اللي تخدعدنا بالشخص اللي يدامنا
وتمنعنا من انا انشوف جوهر الانسان !!!
بس في نظري ونظر الباجين ان المظاهر ما تعنيلنا شيء
وهل اصبحت قيمة الانسان هي قيمة مالديه ..
للأسف نعم عند البعض ،،
اتصدقين ان اربيعتي اخوها خسف وعنده كورولا ،،
من خذاله بورش كايين اتراكضن البنات وراه ويطلبن رضاه <<< سبحان الله
المشاركة الأصلية كتبت بواسطة صدى الأحزان 
عليكم السلام والرحمة
المشاركة الأصلية كتبت بواسطة صدى الأحزان اقوول رووحي طلعيه قبل لا يطلب اشياء ثانيه وتتوهقين
آمين .. وربي يخلي لج كل غالي
الظاهر اولها ساعه وآخرتها سيارة ياصدى .. الله يستر
المشاركة الأصلية كتبت بواسطة صدى الأحزان صار كل واحد يطالع الثاني … وصاروا الناس يحكمون على الشخص من مظهره الخارجي
هذا هو الواقع للأسف .. ولكنه حكم بعيد كل البعد عن حقيقة الاشخاص
المشاركة الأصلية كتبت بواسطة صدى الأحزان
صحيح الزين والشين في كل مكان .. بس بعد .. الزين مايكمل
تسلمين على التواصل عزيزتي صدى
المشاركة الأصلية كتبت بواسطة المرعب عسى دوم نفسج مفتوحه والله يخلي لج خالد ويحفظه
آمين يارب
المشاركة الأصلية كتبت بواسطة المرعب بالنسبة للمدارس الخاصة ….. ترى الكلام اللي سمعتيه ممكن يكون صح بس هالكلام ما ينطبق الا على المدارس الخاصة المتواضعة واللي غرضها جمع المال فقط !!
كلام سليم 100%
المشاركة الأصلية كتبت بواسطة المرعب في مدارس خاصة تعليمها جدا راقي ومستواها مرتفع وهمهم الاول التعليم فقط وهالنوعية من المدارس مرات يكون سعرها غالي وايد
هذا تحديدا ما بحثت عنه
المشاركة الأصلية كتبت بواسطة المرعب اما قضية المعايرة في الملابس او غيرها ترى هالشي موجود في كل مكان وفي كل المدارس…يعني ما يقتصر على المدارس الخاصة لان هالشي يرجع للبيئة وليس للمدرسة
صحيح .. هذا ما كنت أظنه .. ولكني اجده يزيد في اماكن ويقل في أخرى ..
نعم انها البيئة والطلبة يعكسون بيئاتهم في النهاية
المشاركة الأصلية كتبت بواسطة المرعب نصيحتك قيد التنفيذ اخوي المرعب .. عسى أن نجني ثمارها
المشاركة الأصلية كتبت بواسطة المرعب
آمين يارب .. ويوفق الجزراوية بعد
تسلم على هذا التواصل
المشاركة الأصلية كتبت بواسطة الشبابيه شو سالفة خالد هاليومين! mf_leia:
من يوم ماعاف مريم وهو سهمه فوق
المشاركة الأصلية كتبت بواسطة الشبابيه نعم واللي يقول لا ما بصدقه
والدليل الأطفال قاموا يهتمون بهالأمور
أصبحت المظاهر جزء لا يتجزء من مستوى معيشة الأفراد في عصرنا الحالي بالذات!!
mf_leia:
المشاركة الأصلية كتبت بواسطة الشبابيه وهناك تفاوت بين الشخصيات
الانسان يقاس بأخلاقه ودينه وسلوكياته اولاً
mf_leia:
صحيح .. ولكن حتى ذوي القناعة بجوهر الانسان .. لم يسلموا من تأثير المظاهر
وعلى طاري الانسان بدينه واخلاقه .. وحده تقول " يعجبوني مطاوعة الكويت .. صح متدينين بس يكشخون "
يعني حتى راعي الدين .. ما يسلم
المشاركة الأصلية كتبت بواسطة الشبابيه وقولي لخالد عن البطره ومد ريولك ع قد لحافك
احاول أفهمه .. بس شكله يبي لحاف king size
تسلمين عزيزتي الشبابية .. اخضرت اوراقي بتواصلج
المشاركة الأصلية كتبت بواسطة ريمـــا وبصراحه لاحظت هالتغييرات البسيطه في ولد اخوي
اشوفه واايد يطلب بس ما حطيت في بالي هالشيء ،،
بس الحلو في المدارس ان تعليمهم ممتاز ،،
المشاركة الأصلية كتبت بواسطة ريمـــا اللي تخدعدنا بالشخص اللي يدامنا
وتمنعنا من انا انشوف جوهر الانسان !!!
بس في نظري ونظر الباجين ان المظاهر ما تعنيلنا شيء
خداعة وغشاشة وكل شي .. حتى لو ما اقتنعنا فيها .. أقل تأثير لها انها تلفت انتباهنا
المشاركة الأصلية كتبت بواسطة ريمـــا اتصدقين ان اربيعتي اخوها خسف وعنده كورولا ،،
من خذاله بورش كايين اتراكضن البنات وراه ويطلبن رضاه <<< سبحان الله
شر البلية مايضحك .. والله ضحكتيني .. الله يهنيه بالبورش ويكفيه شرها
تسلمين على تواصلج عزيزتي ريما
الله يعينا على هذا الجيل المظهري ..
و اتوقع ان جميع المدارس حتى الحكومية قيها مثل هذي الأشياء ..
ودائما ما أقول للجميع أن مانبنيه في البيت يدمر في حصة واحدة في المدرسة عادي ..
مثلا ولد أختي الله يحفظه ويجعله من الصالحين ..
والداه معتنين فيه واايد ..
وماشاء الله عليه حافظ من كتاب الله الكثير ومازال مستمر في الحفظ ..
ودخل المدرسة محترمة ومعروفه بسمتها الديني الأكثر من المدارس الأخرى ..
طبعا هو في الصف الثالث حاليا ..
السنة الفائته رجع البيت وقال حق امه أبغي جل عسب أرفع شعري مثل فلان وفلان ..
وأبغي جنز مثل هذاك وهذا ..
قلت لاحول ولاقوة إلا بالله ..
فالله يعين إلي عنده أبناء على تربيتهم ..
nwara
تسلمين على الموضوع ..
و الله يعطيج العافية ..
تحيتي لكم
لاحول ولا قوة الا بالله
ماشاء الله خلودي كبر و دخل المدرسة
احمدي ربج هذا ولد .. عيل لو بنت شو بتسوين ؟؟؟
نحن بنت اخوي (( اللي مولودة هي و حلود نفس الفترة)) دوم مسوتلنا سالفة
الحين أشوف اليهال يبدون رايهم لأهاليهم .. و شو ياخذولهم من ثياب و أغراض
صح خلود ياهل .. بس تقدرين تفهمينه إن مب كل شي يشوفه لازم ياخذ شراته
بس الصراحة ما يهونون علينا و الواحد ما يحب يقصر مع الصغارية