اخواني و خواتي …
شراة ما تشوفون احنا هني اخوان و خوات في الله …
كلنا بشر و كلنا نغلط و جّــل من لا يسهو …
و شراة ما تشوفون ورد الجــوري تطرح مواضيع للنقاش بدون تجريح و كم مرة صبرت و ما رمست و هي تسمع شي ما يعيبها … يعني إنسانة فحالها … و ما تبي تغلط على حد و ما تبي تـّـزعل حد حتى لو كان على حساب نفسها …
طرحت وايد مواضيع للنقاش قبل و ناقشت وياكم وايد مواضيع تستوي لنا في حياتنا اليومية و كان الهدف الأول و الأخير ننبه الناس للأخطاء اللي تستوي يمكن بينا إنسان غافل ربه يهديه و ينتبه لأخطائه و كل إنسان ربه بيحاسبه و بيوقف جدام ربه يوم القيامة يحاسبه على اللي سّـواه في الدنيا و الحمد لله شفت تجاوب حلو منكم …
و المواقف تتكرر بين يوم و ثاني … يمكن في يوم من الأيام طرحت موضوع أناقشه وياكم و شفت ردود فعلكم و آرائكم … بس مب معناه أن هالموقف صار جدامي أو أني كنت سببه يمكن أكون سمعته من ناس أعرفهم … ثانياً وااااااايد مواقف تتكرر في الحياة … فلو نـّـزلت موضوع معين و حز فخاطركم الموضوع اللي نزلته و شفتوه يشبه موقف صار لحد تعرفونه فكونوا متأكدين الموضوع للنقاش و ما أقصد به ناس معينين و ما انذكرت أي أسماء في الموضوع لا من بعيد و لا من جريب، ولا لمّحت لأي ناس لا من بعيد و لا من جريب … يعني الكتمان على كل شي و ما حددت شي و لا قصدت أجّـرح أو أضايـج أي حـد … فاسمحولي لو ضايجتكم بشيء …
أمانة أي حد منكم زعلان من ورد الجـــوري يرمس و لا يشيل فخاطره أ ي شي، و مستعدة أسمع و اناقش كل واحد او وحدة زعلانة من ورد الجـــوري و فضّـيت مساحة في الرسائل الخاصة عسب أشوف كم واحد و وحدة زعلانة من ورد الجــوري … بس محد يزعل و محد يشيل فخاطره عليّـه …
أختكم في الله …
ورد الجـــوري …
أحبــــــــــك في الله .
شو صايرلج
أنا عن نفسي مب زعلانه منج
وماشفنا منج إلا الخير ومواضيع حلوه
وماأعتقد حد بيزعل منج
المرعب والاجر على الله 
فديت روحج ما عاش لي يزعل منج …
لو كنتي عدالي لحبج عراسج لكنج بعيد …
فديت خشمج والله يالغالي
اللي اتحسونه زعلان ترطوشله رسالة خاصة تعتذرون فيها…
وثانيا انتوا لما تطرحون المواضيع واثقين باعماركم انه مب قاصدين حد ولا تبون اتزعلون حد..
ساعتها طنشوا اي رمسه توصلكم واي زعل اتحسون فيه.. والزعلان يتكلم ويوضح سبب زعله ولا يسكت ومايكبر المواضيع
لا تخافين الكل يحبج من مواضيعج وردودج الطيبه
اشوف كل البنوتات صاروا شراتي
الكل قام يشك لا تخافون نحن خوات وان شاء الله ماكوا الا الخير
وانا مو زعلانه ابد منج الغاليه حطيت موضوع شراتج عشان اني بطلع من المنتدى بس جلست
من مشكله صارت لي وكتبتها في موضوع هني بالمنتدى
بس ان شاء الله راح اصيطر ع المشكله واحلها
الغاليه انا واثقه ان ما في اي واحد او اي وحده زعلانه منج
صح ولا انا غلطانا يا شباب / بنات ؟؟
ودمتم سالمين
أبد والله ماجاء منك إلاّ الخير ……..
والله الكل هنا يحبك ويغليك ……. شوفي تفاعل الجميع مع موضوعك …….
وبالع** …… إنتِ أحسن مني حظ الكل تجاوب معك في موضوعك والكل يحب يبين لك إنه يعزك ويغليك ….. أنا قبلك يا لغاليه نزلت موضوع بعنوان ( طلب هديه ) حبيت من الجميع يبينون لي إن كانوا زعلانين مني أو لا أو أحد أخذ على خاطره ……. لكن …… للأسف ………
فديتك أخيه ……… أشهد الله أني ما رأيت منك أو في مواضيعك إلاّ ماااااااااااااايسر …….
walla ana t4bny swalfeech elly ttnagsheen fehaa
o laa tadwreen eely yz3aal meench daam enh hoo ma tekalaam
المشاركة الأصلية كتبت بواسطة جمرة غضا أحبــــــــــك في الله .
هلا الغالية جمرة غضا
حبج ربج اختي
و أنا و الله أحبك في الله
أحبك الذي أحببتني فيه و جمعني و اياك في ظل عرشه يوم لا ظل إلا ظله … اللهم آمين … اللهم آمين … اللهم آمين …
يزاج الله خير حبيبتي و ما تقصرين …
المشاركة الأصلية كتبت بواسطة ظل القمر شو صايرلج
أنا عن نفسي مب زعلانه منج
وماشفنا منج إلا الخير ومواضيع حلوه:23_28_100
وماأعتقد حد بيزعل منج
هلا الغالية ظل القمر
ما صار إلا الخير ….
الحمدلله أنج مب زعلانة
و إن شاء الله ما بتشوفون مني إلا كل خير …و الله يقدرني على فعل الخير و نشر الخير في كل مكان اسير له …
تسلمين الغالية و الله رمستج ريحتني
يزاج الله خير و بارك الله فيج …
المشاركة الأصلية كتبت بواسطة المرعب
المرعب والاجر على الله
هلا اخويه المرعب
الحمد لله أنك ما شفت مني إلا كل خير و إن شاء الله ما بتشوفون مني إلا كل خير …
يزاك الله خير اخويه و بارك الله فيك و ما تقصر …