بدايتي ما اقصد الإهانه او شيء بس مستغرب…!!
وكان هالشيء موجود قبل بس كان ف6 شهور واحد يسويها
بس الحين فشهرين تقريبا عدد غريب
والموضوع هو
ان في أعضاء فالمنتدى او خارج المنتدى يشترك بأي اسم اتاح له
وكتب موضوع مثلا سياسي او شيء حساس بشكل عااام بأسمه المستعار الجديد
وما يستخدم اسمه المستعار الي يشارك فيه المنتدى
ليش
من شو خايف دامك تبا تبدي رايك
او انك ما تبا حد يعرفك انك انت الي تكلمت
او يمكن شخص يبا ينشر موضوعه فكل المنتديات العربيه
محد لاحظ هالشيء
كل المواضيع الحساسه تكون بأسم عضو جديد ولو كان الموضوع يديد توه فرش
حتى تشوف عدد المشاركات 1
وبعضهم شوي مذكين عمارهم ويسون ترحيب وجي وسيده كتب موضوعه الي مسوي الأسم عشانه عقبها ماله حس مووووووووووووووووووووووول
الي اعرفه ممنوع انك تجرح فالمواضيع الحساسه فالمنتدى لأن موضوعك بينغلق
بس في ناس مواضيعه اشوفه عاديه بس ترمز لشيء, بس بعدهم يحطون اسم غريب
اخواني وخواتي
سموحه طولت عليكم
ولحد يزعل من كلامي وما اقصد شخص معين بس اتكلم بشكل عــــام
ياريت تحط مثال لمثل هالمواضيع الغريبة أخوي ..
انا ما ابا احدد
يعني واحد يتكلم عن وزاره
عن مكان حكومي او خاص
هذا الي أقصده
هالشي في كل المنتديات ومب بس منتدانا …يعني استوت عادة طبيعية هااااع 
واحسن شي انك تطنش والمشرف بيتصرف مع مثل هالمواضيع
المرعب والاجر على الله
ولا بس ياخذون معاشات راهيه 🙁
و بصراحه كنت ناوي أفتح هذا الموضوع من قبل
بس خفت تفهموني غلط
فعلا في أعضاء أول ما يدخل يطرح مشاركه قويه
أو نفس ما قلت ( حساسه )
بس أنا ما خطر في بالي أنه واحد من الأعضاء داخل بأسم ثاني
بس أنا حاب أقول و بكل صراحه : من حق الأعضاء أنهم يخافون
و يدخلون بأسامي ثانيه
لأنه بدون زعل أحيانا إذا حد قال رأي
ينتقدونه بقوه
و ياخذون عنه فكره سيئه لعدة شهور
و أتمنى ماحد يزعل من كلامي
و شكرا لك ولد العين على إثارة الموضوع
وهذي رسالتي للجميع للي يدخلون بأسماء مستعارة ويحاولون يتعرضون لسمعة اي شخص كان أو يتعرضون لأي جهة حكومية سواء داخلية أو خارجية بانهم يخافون ربهم وترى اللي صاب للمنتدى اللي ذكرته يمكن يصيبكم لانه كل شخص يكتب بأسم مستعار سيتم معرفته إذا اقتضى الأمر . فخلكم واضحين في مواضيعكم
وإذا اي واحد فخاطره شي عندك المسؤول وعندك الجهة الحكومية وتعرض عليهم شو اللي في بالك
ولكن بطريقة التعرض لهم والأشهار فهذا امر مرفوض
ويعطيك العافيه يا ولد العين وانا قبل شوي حذفت موضوع يتعرض لأسرة حاكمة في الخليج وهذا تنبيه أخير للعضو إذا تكرر الأمر سيتم ايقافه للأبد
أقل شيء مب انا بس الي لاحظ ان في شيء غريب فالمنتدى
مرعب
انا وياك بس هالفتره مصخوها
يعني في شيء ثاني بعد يصير بكتبه عقب ما ارد على الأعضاء
جورجي
اعرف بس يعني ليش هالفئه من الناس تسوي جي
وبعدين السالفه فيها معاش حد بيشغلني تراني بطاااالي
اليسلمي
مرحبا اخوي
انا معاك ان الواحد يخاف بس دامك خايف لا تكتب بأسم ثاني وتسوي مشاكل
ودامك دخلت بأسم ثاني تعرف ان هالموضوع المفروض ما ينحط عسب جي ما تبا حد ينتقدك
او يتغير نظرتهم لك
صح ولا لاء
اخوي الخليفه
يت فبالي موضوع هالريال الله يعينه
عندك استديو واحد تبا ترمس ارمس هناك دامك على حق
مب فالمنتدى وبتجريح
وبالأسامي
(( انا كنت اكره شخص بس الحين افتكيت منه خخخخ 
))
———-
وعلى فكره
في بنات وشباب ينعدون بالأصابع والبعض ما يشاركون بس يشوفون الأشتراكات
يدخلون بأسامي مستعاره ثانيه ويحاولون يتعرفون والعكس بعد
وأظن انكم صار لكم كم موقف بس محد يبا يذكر
وسموووووووووووووووووووووووووووووحه
هالشي معروف في المنتديات
بس اكثر شي يصدمك يوم تحصل واحد يديد يجرحك في ردوده
وانت ماتعرفه وفجاة تكتشف ان هالمشترك اليديد هو نفسه المشترك الجديم
وتنصدم اكثر يوم تكتشف ان هناك يمدحك وفي اسمه اليديد يتهجم عليك
بس عاد بعضهم من الغباء اللي فيهم ينكشفون ببساطة
سواء عن طريق كلمة متعودين يرددونها او من خلال اسلوبهم
في الكتابة والرد
لا ياخي مب هذا قصدي
أنا أقصد أنه يوم الكل يتفق على رأي معين
بس أنت عندك رأي مختلف
بعضهم ما يقدر يقول رايه
لأنه يخاف أن الكل يهجم عليه
حتى لو كان الموضوع ما يستاهل و رأيك ما فيه شي يزعل
ترى مثل هذي الشغلات وايد تستوي في كل المنتديات
و يمكن شوي انفعلت
بعدين أنا يوم أقول مواضيع حساسه
مب قصدي مواضيع في السياسه أو الشيوخ
أنا بس قصدي بعض الأعضاء اللي يقولون كلام يجرح
نفس ما قالت الجويس
و السموحه أدري أني مثقل عليكم