السلام عليكم ورحمة الله وبركاته وبعد
اتصلت بالاتصالات، ودرات محادثات كلامية، واترككم مع هالحوار
.
ترن، ترن، ترن، ترن
السكريتره : ألوووو، السلام عليكم
سحايب : وعليكم السلام الاتصالات
السكريتره : نعم، معاج الاتصالات، أي استفسار
سحايب : مرحبين فيج، بس انتي منو
السكريتره : انتي بغيتي منو ؟
سحايب : انا ابا ارمس عن سالفة المنتدى
السكريتره : حياج ارمسي ويمكن اساعدج
سحايب : انزين انتي منو السكرتيره، او الفراشة
السكريتره : انا السكرتيرة
سحايب : بس انا ما اقدر ارمس ويا السكرتيره، عطيني حد اكبر منج
السكريتره : الكل مشغول، انتي رمسي وفالج طيب في اللي تآمرين عليه
سحايب : سلمج الله منتدى الامارات إلى الابد ليش تحضرونه
السكريتره : ممكن تعطيني عنوان الموقع
سحايب : دبليو دبليو دبليو دوت يو آي إيه فور إي فـِي إي آر دوت كوم
السكريتره : هيه قصدج منتدى الامارات إلى الابد
سحايب : تونا الناس، انزين ليش تحضرونه، المنتدى ما شاء الله عليه قايم بمهمته، يعني فيه مدونة بالدولة ما تحضروه، وإلا شو تحضرو الزين واتخلون الشين !!
السكريتره : اختي انتي اشفيج، المنتدى قمنا في هالفتره نحضره، عشان وصلتنا بلاغات.
سحايب : حشى انتو مب اتصالات، انتو الشرطة، وهذا السبب مب مقتنعه فيه!!
السكريتره : ههههههههههههههه
سحايب : وبعد ليش تضحكين، ما قلت شيء يضحك!! الشرطة شو مهمتها انها تساعد الناس، وانتو بعد تساعدون الناس، بس ما تييون وتحضرون المنتديات الزينه.
السكريتره : وانتي كيف عرفتي ان منتدى الامارات زين، واقتنعي في كل شيء.
سحايب : شوفي انتي سجلي وشاركي في هالمنتدى لمدة اسبوع، وحتى لو شاركتي لألف منتدى، ما بتلاقين إلا منتدى الامارات، رقابة، وعناية، وخدمات، واي شيء تبينه فالج طيب فيه، بس هاااااااااه، ان قلتي لهم ابى اكون مشرفة ما بيخلونج، لأنهم ما يبيعون الاشراف.
السكريتره : عيل انا مشتركة في منتدى ثاني.
سحايب : اختي انتي عندج حرية شخصية في المنتدى اللي تبينه وتشاركين فيه، ويمكن المنتدى اللي انتي تشاركين فيه، فيه سلبيات انتي غافله عنها.
السكريتره : أي سلبيات وشو قصدج بالسلبيات.
سحايب : قصدي يا فهيمه، انه في بعض المنتديات، المشرفين يتعايزون في شغلهم، يعني اللي بتسوينه ع راحتج.
السكريتره : عادي، السلبيات موجوده في كل المنتديات، حتى المنتديات السعودية.
سحايب : ما علينا من المنتديات السعودية، السعودية مب قوم اتصالات، قوم الجوال، ونحن قوم الاتصالات اللي في الامارات، اختى ليتج تخبرينهم انهم ما يحضرون منتدى الامارات.
السكريتره : ان شاء الله اختي الحين بسير ارمسهم عن مكالمتج هذي، وبقول لهم ما يحضرون منتدى الامارات، عشان خاطر هالاتصال المفاجي لي.اللي خلاني افرفش وياج، وخليتي الصراحة بوضوح.
سحايب : مشكوره اختي وجزاج الله ألف خير في إللي تسوينه.
السكريتره : مشكوره وان شاء الله بشارك في منتدى الامارات إلى الابد وبرمسهن وبخليهم ما يحضروه.
سحايب : حياج اختى، بس هااااااااه يوم تسجلين بنك نيم، سجلي باسم السكرتيره، عشان اعرفج واقول انج انتي مشتركة المنتدى عن طريقتي وعن هالمكالمة.
السكريتره : ان شاء الله، بشارك في منتدى الامارات.
سحايب: حياج والله في بيتج الثاني وأي خدمة تبينها تحت امرج.
السكرتيره: مشكوره ع هالكلام، اللي يفتح الشهية.
سحايب: الظاهر انتي مب متغدية زين، يله مع السلامة، ولا تنسين اترمسينهم.
السكرتيره: كلامج كله بيوصل هناك، ومع السلامة.
سحايب: مع السلامة وفي حفظ الله ورعايته.
وانتهت المكالمة الهاتفية بسلام، بس فيه شيء، سحايب اكتشفت انها متصلة باربيعتها، بدال ما تتصل للاتصالات، اتصلت باربيعتها……………………………ههههه
اصلا انا ما اتصلت باربيعتي ولا بالاتصالات، هذا الموضوع مب مقلب، بس حبيت افرفش. 
شكرا اختي على الفاصل الاعلاني ههههههههههههههه
ودمتم
يالس مفرفشي وين وين بتوصل سحايب اخرتها مقلب؟
سحايب انتي هم مقلب بس واتفرفشي انتي جوهرة المنتدى كله موضوعاتج حلووه
المشاركة الأصلية كتبت بواسطة سحايب سحايب : ما علينا من المنتديات السعودية، السعودية مب قوم اتصالات، قوم الجوال، ونحن قوم الاتصالات اللي في الامارات، اختى ليتج تخبرينهم انهم ما يحضرون منتدى الامارات.
حلووووة سحايب هالجملة بس عاد منتدى الإمارات بس يحذف مواضيعي
والمنتديات السعودية ما تحذف حتى لو كان غلط بس تعدل عليه
لكن الجويس اهنيه زودها بالحيل الله يهديه
يابوي خلووها مشرفة على امارة الجرافيكس ولا التراحيب
انا اقول العاصمة وايد اوكي لج .. عشان الواااااااااااسطات ههههههههههههه
لا بس صج تستاهلين الاشراف ما شا الله عليج
تسلمين على هالفرفشة وانا أوني مصدق .. بس نصيحة ودري عنج الجذب شوي ههههههههههههه
المشاركة الأصلية كتبت بواسطة أبو زاهد والمنتديات السعودية ما تحذف حتى لو كان غلط بس تعدل عليه
لكن الجويس اهنيه زودها بالحيل الله يهديه
وبنت ماعليها كلام .. قايمه بالاشراف على اكمل وجه
وبعدين تعال .. شو قصدك يعني مثلا .. نفترض او نتسائل انه الجويس بدون سبب بتنقل مواضيعك او بتحذفهن ؟؟
ما اعتقد
الدعوه لها بتوفيق
وماله داعي انك في كل موضوع تطرح مشكلتك
واذا المنتديات السعودية ماتحذف مواضيعك هاي مشكلتهم وهم لهم سياسية ونحن لنا سياسة
فيرجى منك الألتزام بقوانين المنتدى والتقيد بها.
انتهى
ضحكتيني والله
وينج هاليوومين ما تبينين في المنتدى
سبحان الله سحايب مختفيه
على العموم زين سويتي سليتينا شوي بهالمكالمه
تنفعين تألفين قصص
ثاانكس
{{ممممممممممممممممممممممممممممممممم}}