واشياء وايدة اتغيرت وياها ..
حتى حق الليلة ما سلمت من التغيير ….
انا صار لي ثلاث سنوات ما حضرت هذي ((المناسبة ))في البلاد لاني كنت احتفل فيها هناك ويا قوم بوش وربعه …
فكانت هذي اول سنة يعني عقب الانقطاع الاجباري اعيش هاليوم ….
وما ادري شو اقول بس حسيت انها واااااااااااااايد باردة ….
ثلج ثلج ثلج ….
ويمكن الثلج اهون …
بس شو اقول ……
حسبي الله على اللي كان السبب …
عيال حد يدز للثاني قرقعان بالبريد ؟؟؟؟؟؟؟
واتصل لربيعي يقولي انت مال اول ؟؟؟؟
اسير اتمشى برع اشوف الدنيا صاخة ….
ساعة او ساعة وشي وخلصت السالفة …
رديت البيت …
اشوف ابوي يالس على القرقعان….
ويشرب شربت …
اقول له شخبارك الشيبة ….
يقول لي تعال ايلس عدالي …
يلست ..
غمز لي وقال وين خريطتك؟
ضحكت…..
ومن خاطري بعد ….
واستانست من كلامه وانا اتذكر ايامي يوم كنت احوط بالخريطة على الفريج …
والصراحة كانت احسن شي في هاك اليوم …
ان شاء الله تكونوا انتوا بعد استانستوا …
😉
الناس هم اللي تغيروا…..؟؟؟!!!!
بس والله مشاعر حق الليله بعدها باقيه فينا مهما كبرنا……
و ان شاءالله تكون استانست وذكرت الايام الخوالي…
وييييييين ايام قبل وين الحين
الفريخات هالايام وايد بريستيج اونهم
مايعرفون غير النيويير والفلنتاين ديي 🙁 :confused: 🙁
الله يرحم ايام الكشة الواقفة والريول المغبرة من التراب واللعب في السكيك
احم انا دومي بعصقين :rolleyes: 😀
لاني كنت مداوم في دكان الفريج … والله كنت ادخل وعندي ثلاث دراهم واظهر وانا شال في جيوبي حلاوه وسامان بعشرة دراهم 😀
فما كنت احس بهل اليوم تبا الصدق 😉
النفوس تغيرت …
صدق ….والله …
قرقيعان ..على الموضة …
اشوف اختي الصغيره يايه ..معاها كيس …مغلف ..,مربط …بشكل حلو …قلت شو عندهم حفله …قالت لا … حق الله ..
ييت احسب كم واحد اليوم بيون …
اول …ما نلحق من كثر ما نغرف …ونعطي اليهال …ونقول لهم آخر شي ..
ماشي …خلص ..
لكن ….هاليومين …
شو الوضع …
لو ودي اطلع السكة ونادي اليهال عشان ياخذون حق الله …
مشترين 6 كراتين نمكي … وحلاوة …والله …**س كرتون واحد خلص …
والثاني نصه خلص …وتميت افكر وقول ..هيه
قبل …البيت …اللي يخلط نمكي مع الحق الله …او يعطي نمكي بدال حق الله … هم بيت عز …
ومرات … يحطون ربيه في الحق الله …. تشوف اللي ظاهرين من البيت … يقولون لك …. سير هذا البيت …تراهم يحطون ريالات …
وكنا نفرح ..ونسير …. ونيمع …ونشوف تحدي ..منو يجمع أكثر ..
تلقي بعض اليهال شايل خريطتين … واثق انه بيجمع أكثر واحد
بس هالايام ……..
يبون ….باتشي … وهالسوالف .. …هيه ….الله كريم …
وين ايامي اللي كنت ا**ر بيبان الناس ..من كثر ما ادق عليها ….
ومسوي خريطة سبشل …يونيه …رابطنها في رقبتي …
الله كريم
اكيد مشاعر هاليوم تامة فينا وما راح تتغير …
بس كيف ننقل مشاعرنا هذي لعيال اليوم …
لاني احس انهم منهم ما مستوعبين فرحة هاليوم ولا كيف راح يستانسون اذا عرفوها …
ام همام انتي عاد شفتي ايام ما كانوا يوزعون تمر بدال القرقعان ..
وبعدين عاصرتي فترة القرقعان ..
والحين تعاصرين فترة انتقالية يديدة …
الله يعينج …
بالحيييييييل ..
العوووووووووووق ..
حرامي ها؟
طلع طلع المستور …
بس يالله عادي نمشيها لك …
انا كنت اييب اكثر منك ..
حلاوة في الايد وثلاث في الجيب …
واثنين في الهاف …
وحدة تحت النعال …
ونظرة بريئة لراعي الدكان …
وعطه روبية ..
وانت والخير رباعة ..
بوزايد …
حبيبنا …
صدقك والله ….
ولو اتم وياك من الحين لباجر الصبح ما راح نخلص ويا بعض …
مثل الشياب ..انت تقول شي وانا اقول شي ….
وناكل قرقعان ..
ونقول هييه يالدنيا ..
وهيه ايام الغوص …
😀 😀