مسلسلاتنا الخليجيه الجنـ .

هلا بالجميع ومرحباً بالكل،،، أول شي آسف على استخدام أي عباره ممكن انها تحسب على انها (غير محتشمه) بس لازم أكتب هالموضوع وأنزل الي في قلبي، عقب برتاح وأكون سويت الي علي.

طبعاً على حسب الموضوع، بيكون الموضوع جديييييييييم، بس حبيت أنقلكم مشاهد أو مقاطع شفتها من مسلسلين خليجييين (أو يحسبون على أساس انهم من الخليج) :

طبعاً أنا انصدمت من هذي المشاهد، فهل انصدامي عن جهل وغباء ورجعيه، أو أنه عن خوف واستغراب من ما يحدث في بلداننا (الإسلاميه)، طبعاً مادري شو الاجابه…

بس أنا بنقلكم بعض المشاهد الي شفتها،،،، (وطبعاً هذي الكلمات ما تمثل الي شفته بالصوت والصوره أبد، حتى ولو بنسبة 1% بس أنا بسوي الي علي والباقي على الله)

1- بنت ناس وعيله معروفه تتعرف على الدريول (السائق) مالهم وفي كل ليله تدخل غرفته وتنزل من غرفته وهي في حاله تدل على انها ……….. (الي ما شاف هذا المشهد يحمد ربه).

2- بعد فتره أخوها يكشفها، فيدخل عليهم الغرفه ويضرب راسها لين ما (تموت) ويسحبها للسياره (ويدفنها) لكن بعد ما يروح، تبدأ الموسيقى الحزينه ومدى ظلم أخوها وتنزل هي من الحفره الي هي مدفونه فيها سليمه،،،، (هذا المشهد قمة في العنف أخس عن الافلام الهنديه، وطبعاً لمن تابع هذا المشهد يصور له أن الأخ مريض نفسي وأنه عنيف وأن البنت ما سوت أي شي غلط).

3- بعد مرور زمن الأخ نفسه يتزوج من وحده ملتزمه وبمرور الوقت يتصل واحد من ربعه ويقله أنه متعرف على زوجته وانه (تخونه) من وراه، فما كان من الأخ (العنيف) الا انه ياخذ حرمته الى الصحرا ويقتلها ويدفنها، وعقب وقت تنزل من القبر وما تموت بس تفقد الذاكره (لاحظ كيف اننا أحسن عن الهنود).

وطبعاً بعد كل فتره فيه مشاهد تشوف فيها شباب خليجيين وهم يشربون الخمر، وبعضهم ينتحر.

# طبعاً أنا ما تابعت المسلسل كامل بس هاي مشاهد عامه وتعلمنا نحن وجميع من تابع المسلسل أنه الرجل الخليجي (همجي، قاتل، سكير) والبنت الخليجيه (ترف، زنا، مظلومه، أهلها ما يخلونها تتعرف على Boy friend أو أي شي،،، يا حرام).

1- (واحد خليجي) غني ومرتاح وولد أصل وفصل كافله بنتين من بنات الهوى (من بلد عربي) وكل ليله وياهم لعب وسكر و……

2- طبعاُ (نفس الواحد) هذا مبهدل البنتين ويهددهم أنه بيكنسل الاقامه في أي حركه مب بصالحه.

3- (نفس الواحد) يغتصب وحده وولدها يحاول أنه ينتقم منه (اممممم).

4- ولد (الواحد) أونه انه متخرج من برا ومتزوج وسكير ومريض ويصور حرمته وهي نايمه بالموبايل وبعد فتره ربيعه يشل عنه الجوال ويهدده فيه، (وطبعاً نحن قوم النخوه ما عندنا وقت) جان يقتل الريال وخلاص.

5- ولد (نفس الواحد) بس الثاني عاقد على وحده، عقب غير وطلقها وخطب أختها، جان الأولى تنتحر وبس…….

6- بنت (نفس الواحد) حبت واحد كحيان (بنشرجي) وخطب المسكين بس (الواحد) طبعاً رفض، جان البنت تتعذب وفي مقابله من مقابلاتها ويا ربيعها (تنجلب فيهم السياره ويموتون) وطبعاً الموسيقى والجو الحزين معتبرينها حسن خاتمه وأنه الحبيب مات ويا حبيبته. (ااااااااااااااه)

7- نرجع لـ(نفس الواحد) ياب ربيعه في الع**ه ماله ويباه ينام مع وحده من بنات الهوى، وهي رفضت جان يقتلها،، وخلاص ……

8- آخر شي في المسلسل هـ(نفس الواحد) تاب.

# طبعاً تعلمنا أشياء كثيره من هالمشاهد أهمها: الخيانه، الحب، الاغتصاب، القتل، الانتحار.

بس حبيت أنقل لكم بعض المشاهد (بعضها أنا شفتها بنفسي والبعض سألت عليه)، وآسف لأني عارف ما قدرت أصور المشاهد نفس الناس، بس ارتحت اني نزلت هالمشاهد من صدري، وأنصح كل أم وكل أب أنه لا يترك بناته أو اولاده يشاهدون هالمسلسلات، لأنها معروضه لي ولك ولولدي ولولدك ولبنتي ولبنتك،،،،،،

والله يعين عيالنا عالبلاوي ……

وسلامتكم،،،