مسجد زايد الكبير بالعاصمه 2024.

يعد هذا المسجد ثاني أكبر مسجد مساحه بعد الحرمين الشريفين
وهو سيكون من أهم المعالم الاسلاميه لدولتنا الحبيبه ..

لي ملاحظه ..لو انه يبنى داخل العاصمه اعني داخل المدينه كان أفضل …لا أدري لم اختاروا ذلك المكان ..

المهم اعود لموضوعي ..هل انتهى بناءه ؟

وهل لدى البعض احصائيات وبيانات عنه ..ا وصور عنه ..

اقوم باعداد بحث تطوعي عنه لاحد المجلات الاسلاميه ..

كوني خارج البلاد ..جمع هذه المعلومات ليس بالامر الهين ..

أرجو الافاده

عسب في غلط في الاساسات :rolleyes:

ها الي سمعته والله ما دريبه لو كان صدق ولا

ويسلموا

ويقولون يتسع لاكثر من 5000 مصلي

حتى الان ماخلص بنائه

بس بنائه طول وايد يعني اكثر من سنتين وهم يبنووووون

اونه السيكي الي كان مسؤول على البنيان .. لعب في الاساسات عسب ما يرومون يكملونه .."حقد لا غير"

والحين ما يرومون يكملون البنيان عسب اذا كملوه المسيد بينهار ..

والله مب متاكد من سالفه 100% بس ها الي سمعته ..

المسيد موقفين البناء فيه تقريبا من سنتين ..

هذا والله واعلم 😀

ويسلموا

أشكركم اخواني على التواصل

صدقك يا خوي مايد اذا المقاول او المهندس سيكي ..ونعم البنيان ..حلت عليه البركه ..من قله المهندسن المسلمين يعني
😮
:confused:

اتمنى تكون اشاعه يا خوي الصرصور ويكملونه .

وسموحه

الصرصور .. منو قال الغلط من الساس:confused:

والمقاول منو قال انه سيكي:confused:

انا اقول من وين تطلع الإشاعات:D

لا ياخوي .. المشروع وقف بسبب سرقة المسؤول البيزات واللي ماسكه المشروع شركة المانية مب ايماراتيه.. واتأخر المشروع لمدة سنة او سنتين … وطبعا الحين ردوا اشتغلوا فيه وشي تحسن وايد والمسيد مايتسع بس لــ 5000 مثل ماقال اخوي العديل .. هو يتسع تقريبا لــ 40000 الف مصلي.. حسب التقرير اللي ظهر قبل بناء المسجد.. وفيه معهد لتحفيظ القرآن وفيه مكتبه كبيرة اسلامية .. وهذا اللي اعرفه ياخوي ..

وإذا تباني اصورلك المسيد فالك طيب .. بس انته خبرني ..

والسموحه

أخوكم ولد بوظبي